A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bàbbu , nm: ibbabbu, ubbabbu Definizione ómine chi at fatu o tenet fígios: foedhandho in 1ˆ p., fintzes chentza art. e ne agt. possessivu, babbu est sèmpere su meu, su nostru; in cobertantza, ccn. o ccn. cosa de inue ndhe dipendhet o ndhe at dipéndhiu àteras / Babbu Mannu = Deus, su Babbu, sa prima Pessone de sa Divinidade segundhu sa dotrina cristiana; vocativu, sa peràula si truncat: O bà, benide!; andhare, bènnere a babbu = itl. da/dal babbo Sinonimi e contrari babbai Modi di dire csn: cicai babbu a Deus = chircare una parentella chi no si connoschet; no si cumprèndhere su b. cun su fizu = èssere totu betadu apare, cufusione manna Frasi maridu meu est su babbu de fizos mios ◊ Bà, perdònalos ca no ischint su chi sunt faghindhe! ◊ a su chi mi donat pani nau babbu ◊ dèu meinnoxi mi parit ca in dógnia logu biu a babbu o a mamma ◊ no apo tzessadu mai de istimare a babbu tou ◊ bae a babbu ca ti cheret! 2. non si cumprendit su babbu cun su fillu Cognomi e Proverbi prb: su pecau de babbu dhu prangit fillu Etimo ltn. *babbus Traduzioni Francese père, papa Inglese father, dad Spagnolo padre, papá Italiano padre, babbo Tedesco Vater, Papa.

babbuàssu babbàssu

babbucèdha , nf Definizione min. de babbúcia; genia de animale de mare, minudedhedhu, de diferentes calidades, chi si assimbígiat a su calamaru (portat su matessi deghe farrancas) Sinonimi e contrari prupedha, sepiedha Terminologia scientifica anb, sepiola rondeleti, s. vulgaris, rossia macrosoma Traduzioni Francese petite seiche Inglese little cuttlefish Spagnolo globito Italiano seppiolina Tedesco kleine Sepie, Tintenfischlein, Kuttelfischlein.

babbucéri , nm Definizione maistu, sabbateri chi faet babbúcias Etimo srd. Traduzioni Francese pantouflier Inglese maker of slippers Spagnolo zapatillero Italiano pantofolàio Tedesco Hausschuhmacher.

babbúcia , nf: bubbúcia, babbutza Definizione genia de iscarpa; genia de animale de mare Sinonimi e contrari caciola, calòscia, pédula / sélpia Etimo itl. babbuccia Traduzioni Francese pantoufle, seiche Inglese slipper, little cuttlefish Spagnolo pantofla, sepia Italiano pantòfola, seppiolina Tedesco Hausschuh, Tintenfischlein.

babbúciu , nm Definizione genia de tzintzigorru mannu, matucu Sinonimi e contrari boveri, brabballoca, tzintzorra Terminologia scientifica crp, helix aspersa.

babbuínu , nm Definizione genia de martinica; persona pagu giusta de conca Sinonimi e contrari babbassu Terminologia scientifica anar, papio cynocephalus Traduzioni Francese babouin, ballot Inglese babboon Spagnolo babuino Italiano babbuino Tedesco Pavian.

babbuliscàre , vrb: barbuliscare Definizione nàrrere isciolórios, tontesas, cosas chi no tenent sensu, babbuliscos Sinonimi e contrari isciolloriai Frasi ite ses, babbuliscandhe?! Etimo srd.

babbulíscu , agt, nm: barbuliscu Definizione chi o chie narat isciolórios, machines, cosas chi no tenent sétiu, chentza fundhóriu, unu chi est de pagu abbistesa Sinonimi e contrari baliodha, bambarru, bichimmeo, gingiorre, nuscentri, tolondro, tontorrone Frasi babbuliscu, ite so nandhe?! ◊ babbulisca, a ti sègheras?!

babbullíca, babbullísca , nf: bubbulica, bubbullica, bubbuluca, bumbullica Definizione genia de bubburuca de unu velighedhu de abba prenu de ària Sinonimi e contrari bobbollonca, bollonca, brubbulluga, burbuida Frasi de su fundu de su mari si pesat una trumma de babbullicas ◊ su mustu budhinne faet sas babbullicas Etimo srd. Traduzioni Francese bulle Inglese little bubble Spagnolo burbuja Italiano bollicina Tedesco Bläschen.

babbumàu! , iscl Definizione boghe chi si betat po meravíglia, assíchidu, grisu Etimo srd.

babbunostràre , vrb Definizione arrasai, nàrrere babbunostros Frasi fit babbunostrendhe cun d-unu rosàriu imbenujadu in s'altare Etimo srd.

babbunóstru , nm Definizione sa nódida pregadoria chi at incumandhau Cristos, nada deosi de is primos duos foedhos, Babbu nostru; cadaunu de is granos de una corona o orrosàriu Sinonimi e contrari padennoste Modi di dire csn: nàrrere, rasare unu o su b.; andhare che b. = èssiri in buca de totus; colare dae su b. a s'avemmaria = andhare de una cosa a s'àtera chentza órdine, chentza régula Frasi segundhu tue, a Deus l'as pagadu cun d-unu Babbunostru male nadu! ◊ si cuncedit s'indulgéntzia a totu cudhos chi dent resare chimbe Babbunostos 2. in bidhas minores sas novas andhant dae unu a s'àteru che babbonnostros e avemmarias Etimo srd. Traduzioni Francese Notre Père Inglese lord's prayer Spagnolo padrenuestro Italiano Padre nòstro Tedesco Vaterunser, Paternoster.

babbúrru , agt, nm Definizione chi o chie est pagu abbistu Sinonimi e contrari babbalocu, baliodha, bambarru, bichimmeo, bucalloto, gingiorre, prantamone, tolondro.

babbutíu babbatzíu

babbútza babbúcia

babbutzíu babbatzíu

babbútzu , nm Definizione su bobboi chi faet a usu de pedruvae in su pisucre e in su pisu sicau Etimo srd.

babèra , nf: baera, bavera 1 Definizione trastighedhu chi si apicat a su tzugu de su pipiedhu, a calare in petorras, po no s'imbrutare de abbau o papandho Sinonimi e contrari babajolu, babarinu, babarola, baberi, barbisa, baulera, cabitzola, parabbae Terminologia scientifica bst Etimo spn. babera.

babéri , nm Sinonimi e contrari babera Etimo spn. babero.