A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

asullàstu , agt Sinonimi e contrari asulassu, biaitognu Etimo srd.

asúllu, asúlu , agt, nm Definizione su colore de s'aera / zenias de a. = a. cotu o gàrrigu, a. craru o irbiaridu Sinonimi e contrari biaitu, coloricheli Frasi in cussos ojos de asulu mare si bidet su coro tou sentza neu Terminologia scientifica clr Etimo spn. Traduzioni Francese bleu Inglese blue Spagnolo azul Italiano azzurro Tedesco Hellblau.

àsuma , nf, nm: àsumu Definizione lau mascu o atripa mulleri, genia de matighedha chi faet unu pibionedhu bonu a meighina, linna groga iscurosa, bona po òpera Sinonimi e contrari arradellu / labruareste, larumàsciu, linnaniedha 1, sàsima*, tàsaru Terminologia scientifica mt, Rhamnus alaternus Traduzioni Francese alaterne Inglese buckthorn Spagnolo aladierna Italiano alatèrno Tedesco immergrüner Kreuzdorn.

asumàtu , agt Definizione chi est in colore de àsuma, nau de su casu (chi paret sicau), o fintzes de s’orrobba, tintos cun colore fatu de s'àsuma, de is erbas candho dhas sicat su fritu forte Frasi s'ortu in iverru fit asumatu dae s'àstragu e sas verduras arribbaiant dae Baronia (M.Dui) Terminologia scientifica clr Etimo srd.

asumàu , agt Definizione nau de su lardu candho est béciu e leat su colore grogo e si faet contomosu Sinonimi e contrari asseadu.

àsumu àsuma

asúncu , agt, nm Definizione nau de ccn., chi o chie est arrestigu, de malugoro Sinonimi e contrari aggantzadu, cringone, ingurdone, limidu, susuncu Frasi cussa est un'asunca chi no bi ndh'at àtera chepare!

asuréntzia , nf: asuriéntzia Definizione su èssere asuriosos Sinonimi e contrari aggranciúliu, agodíssia, agudéntzia, arràngulu, assurimentu, asuria, asurímini, aulimentu, codícia Frasi fuat in buca de totu sa bidha po s’asuréntzia chi teniat (V.Demuro) Etimo srd. Traduzioni Francese cupidité, avidité, convoitise Inglese cupidity Spagnolo codicia Italiano cupidìgia Tedesco Begierde.

asuréri , agt, nm: asurieri, usureri* Definizione arrestigu, susuncu malu, chi o chie si aprofitat de su bisóngiu de s'àteru giaendho dinare a préstidu e pretendhendho in càmbiu un'agéntzia isagerada Sinonimi e contrari pistricu 2. is parentis fiant asurieris e a mamma mia dh'iant lassada in poberesa

asuría , nf Definizione sa maladia o vítziu de no lassare nudha a s'àteru, de bòllere totugantu, gana manna de àere o de papare cosa meda / a. de dinai, de papai Sinonimi e contrari abudesa, agudéntzia, allimimentu, allurpidura, arràngulu, assurimentu, asuréntzia, aulimentu, ingorrosia, iscórporu, isuria, limiore, soria | ctr. bonugoro Frasi s'asuria de pagus est destruendi sa richesa de totus ◊ fiat una bagadia arrica e asuria chi no fiat a dhu nai ◊ apo bidu su demóniu de su male, su demóniu de s’asuria (N.Falconi)◊ de s’esistentza umana est su difetu s’asuria, sa palla e prepoténtzia (E.Masili) Etimo srd. Traduzioni Francese avidité, goinfrerie Inglese greediness Spagnolo avidez Italiano ingordìgia Tedesco Gefräßigkeit.

asurídu assuríu

asuriéntzia asuréntzia

asuriéri asuréri

asurímini , nm: surímine Definizione su èssere asuriosos Sinonimi e contrari aggantzadura, aggranciúliu, arrestigore, asuria, aullimentu, cringonia, ingurdoneria, istrintúmene, limiore, susuncúmini / abudesa, agodíssia, agudéntzia, asuréntzia | ctr. bonugoro Frasi maladitus, po una perda de galena, asurímini de meris, pipius sentza de babbu, pipius sentza de pani! (F.Perella) Etimo srd. Traduzioni Francese avarice, avidité Inglese avarice, avidity Spagnolo avaricia, avidez Italiano avarìzia, avidità Tedesco Geiz, Gier.

asuriósu , agt Definizione chi tenet asuria, disígiu malammodidu, esagerau, de cosa Sinonimi e contrari abbramidu, àidu 1, allimitzidu, apedhiosu, assuriu, aulidu, avridu, codiciosu, marracànciu, spedhiosu Frasi a s'asuriosu no dhi abbastat ni birdi e ni sicau ◊ non seu asuriosu de dinai: su tanti de bivi ge dhu tengu ◊ is proprietàrius funt prus asuriosus: ita depeus isperai, chi si stremessint po una pariga de mortus de fàmini?! (M.Caddeo) Terminologia scientifica ntl Etimo srd. Traduzioni Francese avide Inglese avid Spagnolo ávido Italiano àvido Tedesco gierig.

asuríu assuríu

asurpíri , vrb Definizione pigare cun asuria Sinonimi e contrari abbrancai, aciapai, afarrancae, aferrai Etimo srd.

asúsu assúsu

asúta assúta

asutài , vrb: sutai Definizione pònnere asuta Sinonimi e contrari acometare / assuermai | ctr. asubai Etimo srd.