Ditzionàriu in línia
de sa limba e de sa cultura sarda

agodíssia , nf: agudíssia, agudítzia, agudítziu Definizione su vítziu de bòllere totugantu, de no bòllere lassare nudha a is àteros, a face manna, malammodidu Sinonimi e contrari agudéntzia, apédhiu, arràngulu, asuréntzia, asuria, asurímini, aulimentu, codícia* / atrevimentu Frasi como andhat bolendhe s'agudíssia subra sas alas de sa passione (A.Demontis)◊ ómini chi curris chena studa che un'ispiridau avatu a siendas, cussa est agudítzia de lupu cun is fradis tuus! (S.Mossa)◊ no fuant pagus is chi teniant s’agudítziu de fai su capitanu de su barrucellau ◊ no est cosa de poderare s'agodíssia umana! Traduzioni Francese ambition, avidité Inglese ambition, avidity Spagnolo ambición Italiano ambizióne, avidità Tedesco Ehrgeiz, Gier.

ammossàre , vrb Definizione papare a móssigos mannos, pigare a móssigos Sinonimi e contrari addentai, addenticare, iscafitai, monsiare, mòssere Frasi l'ammossat su matzone a mossu licu (P.Casu)◊ mi bidia minoredhu ammossendhe mela birde porrale Etimo srd. Traduzioni Francese mordre avec avidité Inglese to bite greedly Spagnolo morder con avidez Italiano mòrdere con avidità Tedesco gierig beißen.

asuréntzia , nf: asuriéntzia Definizione su èssere asuriosos Sinonimi e contrari aggranciúliu, agodíssia, agudéntzia, arràngulu, assurimentu, asuria, asurímini, aulimentu, codícia Frasi fuat in buca de totu sa bidha po s’asuréntzia chi teniat (V.Demuro) Etimo srd. Traduzioni Francese cupidité, avidité, convoitise Inglese cupidity Spagnolo codicia Italiano cupidìgia Tedesco Begierde.

asuría , nf Definizione sa maladia o vítziu de no lassare nudha a s'àteru, de bòllere totugantu, gana manna de àere o de papare cosa meda / a. de dinai, de papai Sinonimi e contrari abudesa, agudéntzia, allimimentu, allurpidura, arràngulu, assurimentu, asuréntzia, aulimentu, ingorrosia, iscórporu, isuria, limiore, soria | ctr. bonugoro Frasi s'asuria de pagus est destruendi sa richesa de totus ◊ fiat una bagadia arrica e asuria chi no fiat a dhu nai ◊ apo bidu su demóniu de su male, su demóniu de s’asuria (N.Falconi)◊ de s’esistentza umana est su difetu s’asuria, sa palla e prepoténtzia (E.Masili) Etimo srd. Traduzioni Francese avidité, goinfrerie Inglese greediness Spagnolo avidez Italiano ingordìgia Tedesco Gefräßigkeit.

asurímini , nm: surímine Definizione su èssere asuriosos Sinonimi e contrari aggantzadura, aggranciúliu, arrestigore, asuria, aullimentu, cringonia, ingurdoneria, istrintúmene, limiore, susuncúmini / abudesa, agodíssia, agudéntzia, asuréntzia | ctr. bonugoro Frasi maladitus, po una perda de galena, asurímini de meris, pipius sentza de babbu, pipius sentza de pani! (F.Perella) Etimo srd. Traduzioni Francese avarice, avidité Inglese avarice, avidity Spagnolo avaricia, avidez Italiano avarìzia, avidità Tedesco Geiz, Gier.

codícia , nf: (co-dí-ci-a) codíssia, cudíssia, gudítzia Definizione disígiu mannu, gana forte de tènnere una cosa, de godimentu Sinonimi e contrari abudesa, agodíssia, agudéntzia, arràngulu, asuréntzia, asuria, limiore / afródhiu 2. teniat sa codíssia de àere unu fizu preíderu ◊ sa codíssia t'ispinghet dogni die piús atesu pro giòmpere a s'arcanu (G.Porcheddu) Etimo spn. Traduzioni Francese avidité, ambition Inglese ambition, avidity Spagnolo codicia Italiano avidità, ambizióne Tedesco Gier, Ehrgeiz.

ingurdonería , nf Definizione su èssere ingurdones, su bòllere totugantu, meda, de prus Sinonimi e contrari aggantzadura, allimimentu, asurímini, ingorrosia, iscórporu, limiore, migragna, susuncúmini Frasi cun s'ingurdoneria de àere sempre de piús s'ómine si est ponzendhe sas gangas dai perisse etotu Etimo srd. Traduzioni Francese avidité Inglese meanness, greediness Spagnolo glotonería, avidez Italiano grettézza, ingordìgia Tedesco Knauserigkeit, Gefräßigkeit.

limiòre , nm Definizione su èssere limidos, susuncus, sa calidade de is arrestigos Sinonimi e contrari aggrancidúdine, aggranciúliu, arrestigore, asurímini, atzechidúdine, ingurdoneria, istrintúmene, susuncúmini Frasi lampu, cusse est su limiore fatu a ómine! ◊ lampu a limiore chi zughet cussu: mancu abba ti daet! Etimo srd. Traduzioni Francese avarice, avidité Inglese avarice, greediness Spagnolo avaricia, avidez Italiano avarìzia, avidità Tedesco Geiz.

soría , nf: suria Sinonimi e contrari abudesa, agodíssia, allurpidura, arràngulu, asuria, aulimentu, limiore | ctr. bonugoro Frasi ne tropu ispendhas ne apas suria! Etimo srd. Traduzioni Francese avidité Inglese avidity Spagnolo avidez Italiano avidità Tedesco Gier.

spédhiu , nm: ispédhiu*, sprédhiu Definizione disígiu mannu Sinonimi e contrari abbramu, apédhiu, apéliu, birbílliu Frasi tengu tropu spédhiu de dha torrai a biri! ◊ no si transiat de s'iscannu, no ammostada spédhiu ne ispantu ◊ tenemu spédhiu de artziai ◊ biu su spédhiu suu po su tempus passau ◊ ispintu de su spédhiu andu ◊ su spédhiu ponit scinitzu Traduzioni Francese avidité, désir Inglese longing Spagnolo nostalgia, ansiedad, codicia Italiano nostalgìa, ansietà, bramosìa Tedesco Sehnsucht, Begierde.