A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

àsta , nf: àstia, àstua 1 Definizione cannedhu, genia de pértiga longa, s'àrbure o pinnone de sa cucagna, fintzes una genia de arma a punta; a logos est sa palita de còere pane / astas de boe, de cherbu = sos corros; a. de cumpassu, de arrelógiu, de ullieras, de arromana Sinonimi e contrari pértia / corru Etimo ltn. hasta Traduzioni Francese hampe, branche, canne, tige, perche Inglese staff Spagnolo asta Italiano asta Tedesco Stab.

àsta 1 , nf Definizione manera de bèndhere sa cosa / pònnere una cosa a s'a. = a chie la pagat menzus Sinonimi e contrari arbaranu, usupastu.

àstacu , nm Definizione una genia de aliusta manna Sinonimi e contrari lenfru, lifante, longhifanti.

astagiòne, astajòne , nf: astajone, istagione 1 Definizione s'areste de s'ispigamúrina Sinonimi e contrari salauspe Terminologia scientifica rbr.

astàle , nm Definizione su fuste de sa coa, s'ossu comente acabbat s'ischina (de is animales) Sinonimi e contrari frustale Frasi s'astale de sa coa naschit dae s'ischina Terminologia scientifica crn Etimo srd.

astémicu, astémiu , agt, nm Definizione chi o chie no bufat cosas chi giughent àrculu Traduzioni Francese abstème Inglese abstemious Spagnolo abstemio Italiano astèmio Tedesco abstinent, Abstinenzler.

astenàdu , pps, agt Definizione de astenare 2. semus poetas astenados e istamus in palcu che monincas.

astenàre , vrb Definizione nau de frutuàriu, intostare o aortire chentza cumpriu (fintzes po pecu); nau de linna, fintzes pipionire, pònnere su greme Sinonimi e contrari acalabiare, agurtire, allagorjare, assichillonai, atecadiare Etimo ltn. extenuare Traduzioni Francese dessécher Inglese to dry (up) Spagnolo enmustiarse Italiano incatorzolire Tedesco einschrumpfen.

astèniri , vrb: ostènnere* Definizione fàere a mancu de fàere o de nàrrere cosa Sinonimi e contrari aostare, refrenai, retènnere.

asteríscu , nm Definizione genia de istedhitu impreau in s’iscritura coment'e singiale de calecuna cosa Sinonimi e contrari istellitu.

astesiài , vrb: atesare, atesiai Definizione pònnere, portare o andhare atesu, prus aillargu, trantzire Sinonimi e contrari allalgare, illalgare, issuzire, istejare, istelare, istesare, istesire, istregire | ctr. acostai, acurtziare Frasi unga tostada morti astesiada ◊ ti nci ses astesiau de sa glória ◊ si ch'est atesadu e abboghineit a su cumpanzu ◊ si che ateseit currendhe unu bonu tretu (G.Addis)◊ atesianosí de su mali in totu is ocasionis!

àstia àsta

astifasciòne, astifassiòne , nf Sinonimi e contrari acuntentamentu, conciolu, contentu, saltifascione Frasi cogliedas dogni manna istimascione e de totu sempre astifascione! ◊ li faghiat leare una chiza de cumpleta astifassione.

astiladúra , nf Definizione su èssere a puntas de dolore; farta de aguantu a su dolore, a is dificurtades, su sufrire meda po dónnia cosighedha, debbilesa de nérbios Etimo srd. Traduzioni Francese neurasthénie Inglese neurasthenia Spagnolo neurastenia Italiano nevrastenìa Tedesco Neurasthenie.

astilài, astilàre , vrb Definizione fèrrere, púnghere cun s'astile; èssere a puntas de dolore Etimo srd.

astilàu , pps, agt Definizione de astilai; chi est a puntas de dolore forte, chi dhi benit astiles; chi no padit nudha nudha, prus po farta de capacidade mentale chi no de fortza de sa carena; fintzes oféndhiu, dispràxiu 2. un'ómini fiat astilau ca sa picioca dh'iat torrau curcuriga ◊ fut un'ómini nervosu, astilau de sa miséria e de sa necessidadi Etimo srd. Traduzioni Francese neurasthénique Inglese neurasthenic Spagnolo neurasténico Italiano nevrastènico, psicolàbile Tedesco neurasthenisch.

astíle, astíli , nm: astrile Definizione coment’e una pértiga (de linna o de àteru) fata a punta de iscúdere atesu; punta de dolore forte, fintzes fritu meda chi intrat o punghet che fritza; dannu mannu; fintzes farta de aguantu a su dolore, a is dificurtades / mortu de a. = de dannu, de dirgràtzia, bochitu Sinonimi e contrari britza, ferce, frícia / dolorida / arragore, frizidore / dannu / astiladura Frasi fuint che astile sos Sardos pro chircarent sa salvesa ◊ un'astile lis ruchet sa carena! 2. pro li fàghere zipones e caltzetas bandhat peri sos logos a s'astile, visitandho in dónzia foghile si la passat sa vida fitiana! (B.Sulis) 3. benit s'atonzu e torras a partire ca times de s'ierru sos astiles (P.A.Sau) 4. fiant mortus sa própriu dí de morti naturali e no de astili Etimo itl. astile Traduzioni Francese dard Inglese dart Spagnolo dardo Italiano dardo Tedesco Pfeil.

àstili , nm Definizione dannu, disgràtzia / mortu de à. = mortu de male Sinonimi e contrari digràtzia Frasi biendhosi in d-unu logu ispérdiu, sa pubidha in pagu tempus si morit de àstili malu Etimo ctl. astre.

astitài , vrb Definizione leare sa tita a su pipiu, a su fedu piticu, disavesare de súere Sinonimi e contrari illatare 1, istitai* | ctr. allatae

astòre , nm: astori, istore, stori Definizione cun custu númene si narat diferentes genias de pigiones papadores de petza: astore, o stori columbinu (itl. astóre), stori de pudhas o leporaju, astoredhu, storixedhu, o istore de tziudhia (itl. poiana), stori de Leonora o tzarpadheri, astoritu (itl. sparviere); in cobertantza, persona mala, furona / min. astoredhu, storitu, storixedhu / astori perdighinu = itl. falcóne; stori de pisci, astore marinu = itl. falco di palude Sinonimi e contrari astorolia, atapaju, falche 1 / arcidedhu Frasi dogni astore in chirca de recatu benit famidu e si aviat atatu ◊ sos astores falant in sas cussorzas isprammendhe sas chedhas apaxiadas ◊ si aia tentu alas de astore fia boladu dae bica in bica! 2. no ti fides, columba, ca s'astore fatu tou sas úngias est perdendhe! Terminologia scientifica pzn, accipiter gentilis arrigonii Etimo itl Traduzioni Francese faucon Inglese hawk Spagnolo azor Italiano astóre, falco Tedesco Habicht.