A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

apesilàre , vrb Definizione fàere a apisiles, pònnere impare a meda, totu a unu Etimo srd.

apesíle apasíbi

apesíliche , nm: pisíliche Definizione matzu de giuncu, de ràfia o àteru deasi, atrotigau in mesu a manera de dhi fàere unu lobu (acapiau cun calecunu cambu de giuncu etotu) e de arresurtare, addopiau, cun is duos càbudos a sa matessi bandha, po apicare cosa de frutuàriu a dhu chistire (cun dónnia càbudu de giuncu si acàpiat unu nasedhu o pitzu de su frutuàriu) Sinonimi e contrari apasibi, pendhúliche, pesu, pubúsulu Etimo srd.

apesonadòri , nm Definizione chie giaet cosa a pesone Sinonimi e contrari afitadore, apesoneri | ctr. allocateri Etimo srd. Traduzioni Francese locateur Inglese lessor Spagnolo arrendador Italiano locatóre Tedesco Vermieter.

apesonài apejonàre

apesonaméntu , nm Definizione su apesonare, su giare cosa a pesone Frasi cussa zat acollocu a tie e a sas ebbas puite tenet istadha e faet apesonamentu Etimo srd. Traduzioni Francese location Inglese location Spagnolo arriendo Italiano locazióne Tedesco Vermietung.

apesonàre apejonàre

apesonéri , nm: pesoneri* Sinonimi e contrari afitadore, apesonadori | ctr. allocateri.

apesòrgia , nf: apraxoxa, apresòrgia, aprexoxa, presòrgia Definizione calidade de àghina madura, a pibiones mannos longhitos, e calidade de pira puru, chi durat a dha lassare a trigadiu apicada Sinonimi e contrari apicadorza Frasi su fill'e su sergenti no papat apesòrgia… Etimo srd.

apesórzu , nm Definizione cordedha, codriola, giuncu o àteru (css. acàpiu) po aguantare cosa apicada Etimo srd. Traduzioni Francese corde Inglese slipknot Spagnolo ligadura Italiano càppio per cui si appende qls. Tedesco Schlaufe.

apessàda , nf Definizione a s'a. = pentzandhodhoe, cunsiderendi is cosas (ctr. a s'ispessada) Frasi sas poesias iscritas sunt fatas a s'apessada.

apessadúra , nf Definizione su apessare; is pinnigas o gajas de unu bestimentu pressau (gunnedha) Sinonimi e contrari pressadura Frasi po fàghere s'apessadura boliat tempus meda Etimo srd.

apessài apeciàre

apessamentàdu apensamentàu

apessamentàre apensamentài

apessàre apeciàre

apéssu , nm Sinonimi e contrari billa 1, imbussulatura Etimo srd. Traduzioni Francese bordage Inglese turning down Spagnolo doblez Italiano rimboccatura del lenzuòlo Tedesco Umschlag.

apèsta , nf: apeste, pelte* Definizione maladia mala apicigosa chi s'ispainat e leat a gente meda, ma fintzes maladia o male bastat chi siat; in cobertantza si narat de su margiane (ca si papat is angiones), o fintzes de gente mala chi no si podet padire / genia de frastimu: s'apesta niedha chi che lu boghet! = anchi si morxat de pesta! Sinonimi e contrari pidémia / grodhe, magliane Frasi s'apesta niedha che lu boghet, a isse solu! ◊ bi ndhe at àpidu de apestes in s'istória!… Traduzioni Francese peste Inglese plague Spagnolo peste Italiano pèste Tedesco Pest.

apestadúra , nf Definizione immalaidadura, su pigare apesta Sinonimi e contrari impestamentu Etimo srd.

apestài, apestàre , vrb Definizione ingòllere o apicigare apesta, maladia mala, fàere dannos; fàere fragu légiu meda, pudidore Sinonimi e contrari impestai, impestulare Frasi mostres si pesant dae su profundhu e sa terra apestant de pudine (P.Casu) Etimo srd. Traduzioni Francese empester Inglese to infect Spagnolo apestar Italiano appestare Tedesco verseuchen.