A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

apèste apèsta

apèta , nf Definizione paulina, genia de bobboi niedhudu chi faet in is domos si dhue at umidore Sinonimi e contrari cadalana, patedha, partabúdiga, perta Terminologia scientifica crp.

apetàntis , avb: petantis Definizione tempus inter duos fatos Sinonimi e contrari sughestantu Frasi apetantis medas contus si nd'isperdint ◊ in s'apetantis chi dèu fui militari mamma si ndi fut andada a Gúspini.

apetàre , vrb Definizione pònnere su petu nou, unu pígiu nou a su fundhu de is iscarpas, de mesania a sa punta, asuta Sinonimi e contrari arressolai, impetare, inciolai Frasi su catolàgiu, poveritu, cun totu cussos fundhos de apetare!…◊ oe amus de apetare iscarpas Etimo srd. Traduzioni Francese ressemeler Inglese to resole Spagnolo echar medias suelas Italiano risuolare Tedesco neu besohlen.

apètere , vrb Definizione disigiare, bòllere, àere in gana Sinonimi e contrari apetessi, apetire, apitare, desizare Etimo itl. appetere.

apetèssi apatèssiri

apetessiméntu , nm Definizione su apetèssiri, su àere in gana de papare Etimo srd.

apetèssiri apatèssiri

apetigadòri apedicadòre

apetigàe, apetigài apatigài

apetigaméntu , nm Definizione su apetigai, frigare o pònnere su pei a sa cosa, catzigamentu; in cobertantza, su fàere male, mescamente a chie no si podet difèndhere Sinonimi e contrari abbotinada, abbútinu, istraitzu Frasi cussus acuant s'apetigamentu de is deretus e interessus de sa natzioni sarda Etimo srd.

apetigàre apatigài

apetigógnu, apetigóngiu , nm Sinonimi e contrari apeisinzu, apeítigu, apeitu Etimo srd.

apetigórgiu , nm Definizione logu totu apetigau, catzigau Etimo srd.

apetígu, apétigu , nm Definizione catzigóngiu chi si faet ponendho is peis; nau in cobertantza, male chi si faet a s'àteru mescamente aprofitandho ca no si podet difèndhere Sinonimi e contrari apeítigu, apeitu, apeisinzu, apetigamentu, istraitzu, apetigognu, pedicontzu / acovecu / atrípidu, istrepitzu, istrípidu, tribitu Frasi s'intendhiat su chistionu de sa zente e s'apetigu de sos cadhos 2. ndi dh'ant fatu de apetigu, a cussu!… Etimo srd. Traduzioni Francese piétinement, vexation Inglese overwhelming, trampling Spagnolo pisoteo Italiano calpestìo, sopraffazióne Tedesco Getrampel, Überwältigung.

apetillài , vrb Sinonimi e contrari acacigai, apatigai, apeutare Frasi segundu tui depia passai in su stantaritzu po apetillai s'arau a terra modhi! ◊ ant camminau in su mòri apetillendu pruini.

apetíre , vrb: apitire, apitiri Definizione disigiare, bòllere, àere in gana, fintzes punnare o tirare a… Sinonimi e contrari apatèssiri, apètere, apitare, apitissire / petire 1 Frasi issa si faghiat disizare apetindhe a isse in unu modu seguru 2. est cafudu e pasteri, dhi giànt deghe panes e apitit a cosina! Etimo itl. appetire.

apetitòja , nf: pititoja Definizione cosa a papare bona o chi praghet meda Sinonimi e contrari bobboe, gulosina, licantzadoria, licantzúmene, liconia, pititeria Terminologia scientifica mng Etimo srd. Traduzioni Francese gourmandise Inglese delicacy Spagnolo manjar Italiano leccornìa Tedesco Leckerei.

apetitósu , agt Definizione nau de cosas de papare, chi praghet, bona meda Sinonimi e contrari licantzu, lichitosu, lichitu.

apetítu , nm: apititu Definizione bisóngiu e gana de papare Sinonimi e contrari fàmene | ctr. dirgana, ispititu Modi di dire csn: acutzai, bogai, ispertai, fai torrai s'a.; apetitu caninu = fàmine caninu, zenia de maladia; iscassu de a. = chi no tenit ganas, sganiu Frasi apo manigadu cun apetitu: fia peri famidu! ◊ s'araxi frisca bogat s'apititu ◊ bufit una tassixedha, ca dhi fait imbucai apititu! ◊ pighit una pruga, ca dh'ispretat s'apititu! ◊ tantu za est iscassu de apetitu… est un'ora betanne a cropus! Etimo itl. Traduzioni Francese appétit Inglese appetite Spagnolo apetito Italiano appetito Tedesco Appetit.