A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

antalèdha, antalèna, antalène, antalèni, antalèra , nf: antaneni, antarella, antebena, anteledha Definizione parte de unu bestimentu, su chi si ponet (prus che àteru sa fémina) ananti acapiada in chintzu (a logos po si dha betare in conca) Sinonimi e contrari àntela, fadreta, falda, fantallicu, fascadòrgia, frandha, panneananti, saúciu Terminologia scientifica bst Etimo ltn. antela Traduzioni Francese tablier Inglese apron Spagnolo delantal Italiano grembiule Tedesco Schürze.

antàli antàbi

antalíre , nm: antarile, antariri, anterile Definizione in is aperturas (gennas), su muru a una bandha e àtera, is muros de costau de s'apertura / s'antarile de sa zanna, de sa ziminera, de su furru Sinonimi e contrari antili, cantalire, cantargiare, cosciale, istantalire, trempai Frasi su preíderu est essidu dai crésia e si est frimmadu in s'antarile de sa gianna ◊ lassàdemi a sa sola in s'antalire de s'àidu! ◊ ite li as a contare a cudha tzia chi t'isetat in s'anterile? Terminologia scientifica dmo Etimo srd. Traduzioni Francese huisserie Inglese jamb Spagnolo jamba Italiano stìpite Tedesco Pfosten.

antàmas , prep: insamus Definizione a su postu de… Sinonimi e contrari annotamala, imbecis, mentzi, tamen* Frasi antamas Deus de l'aer difesa, est matratada, oprimida e ofesa (S.Mongili).

antàna , nf Definizione vena de abba chi essit in sa terra Sinonimi e contrari fantana, miza, orgosa.

antanèni, antarèlla antalèdha

antaríle, antaríri antalíre

antàrticu , agt Definizione de s'Antàrtide, chi pertocat s'Antàrtide Traduzioni Francese antarctique Inglese antarctic Spagnolo antártico Italiano antàrtico Tedesco antarktisch.

Antàrtide , nf Definizione su continente chi si agatat in su polu sud, totu astrau.

àntaru , agt, prn: ànteru, ànturu, antru Definizione nau de calesiògiat cosa, chi no est custu, no est cussu, chi no est su chi seus naendho; unu tanti prus de custu, prus de su chi s'est nau, bistu, fatu e totu deasi Sinonimi e contrari àteru* Frasi faeus un'antru brínchidu agoa ◊ a unu dhi narant Franciscu, a un'antru Giuanni ◊ gira chi ti giru ndi apu agatau un'ànturu! Traduzioni Francese autre Inglese other Spagnolo otro Italiano altro Tedesco andere.

antàrzu , nm: antazu, atazu, entazu Definizione orrughedhu de ossu o de ferru de is sonàgias e de is campanas, apicau aintru, po dhas fàere sonare Sinonimi e contrari arrulloni, batàgliu*, fatazu, limbassa, limbatzu, limbedha, matàgliu, pichiagiolu, trantallu Terminologia scientifica snl Traduzioni Francese battant Inglese clapper Spagnolo badajo Italiano batàcchio Tedesco Glockenschwengel.

antavagiàre , vrb Sinonimi e contrari abantai.

antavàgiu , nm: antivàgiu, antivazu Definizione su ch'èssere antibitzau in calecuna cosa, su tènnere de prus o méngius; cosa, cabbale, badàngiu chi si ndhe tenet o bogat de una faina o àteru; cosa chi si narat de bonu de ccn. a bàntidu Sinonimi e contrari avantàgiu, profetu, torracontu / bantaxu, bàntidu 2. cal'est s'antivàgiu chi ndh'apo àpidu pro ti àere a giuarzu? Etimo itl. Traduzioni Francese avantage Inglese advantage Spagnolo ventaja Italiano vantàggio Tedesco Vorteil.

antàzu antàrzu

ànte ànta 2

antebèna antalèdha

antebitzàre , vrb: antibitzare, anticipai, antipitzare, antitzipare Definizione fàere innanti, pònnere, giare o nàrrere innanti; andhare prus ainnanti de un'àteru, fàere innanti de unu tempus postu: si narat fintzes in su sensu de fàere prus de su chi andhat bene o serbit, a tropu; foedhandho de cosa po sa posidura, ispínghere o trantzire prus ainnanti Sinonimi e contrari atzipae / isazerare | ctr. dilatai Frasi mamma antebitzaiat totu sos disizos nostros ◊ mi che so antibitzadu ca tenia presse ◊ no ti che andhes antibitzadu, dae como, ca no bi at bisonzu ◊ su chi bi est iscritu in su líbberu si antibitzat in su summàriu ◊ ti apo antibitzadu dinari pro su triballu chi mi depes fàghere 3. medas in sa festa s'imbriagant e faghent binu malu si antipitzant (Tucone) Etimo itl. Traduzioni Francese avancer Inglese to anticipate Spagnolo anticipar, adelantar Italiano anticipare, prelùdere Tedesco vorverlegen, ankündigen.

antecòru , nm: anticoru, antrecoro, antricore, antrecoru Definizione male a su coro, mortemala; su tretu de sa carena apalas de s'ossu de mesu in petorras Sinonimi e contrari puntore / bentracoro, intracoro, santrecoro Frasi dh'iat a èssi pótziu benni s'antrecoru o calincunu àturu mali!… Terminologia scientifica mld Etimo ltn. anticor Traduzioni Francese cardialgie Inglese heartburn Spagnolo cardialgia Italiano cardialgìa Tedesco Kardialgie.

antecòsta , agt Definizione nau de Pasca rosada Sinonimi e contrari intecosta.

antèdha , nf Definizione genia de deventale, de pedhe, chi is pastores ponent a is crabas po no artziare a is muros Sinonimi e contrari antaledha, àntela, fadreta, falda, frandha, saúciu Etimo ltn. antella.