A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

antibítzu , nm: antipitzu, antítzipu Definizione su antibitzare, cosa chi si narat o si giaet innanti Sinonimi e contrari cabarra Frasi donzi manzanu daghi si ndhe pesant daent un'antipitzu de sa die: Die de bentu!… Die de sole!… Traduzioni Francese avance Inglese anticipation Spagnolo anticipación, adelanto Italiano antìcipo Tedesco Verfrühung.

anticàmera , nf Sinonimi e contrari passadissu, pàtiu Traduzioni Francese antichambre Inglese anteroom Spagnolo antecámara Italiano anticàmera Tedesco Vorzimmer.

antichidàde , nf: antighidade Definizione tempos de s'istória colaos de meda Sinonimi e contrari anticóriu Traduzioni Francese ancienneté Inglese antiquity Spagnolo antigüedad Italiano antichità Tedesco Altertum.

anticipài antebitzàre

anticóriu , agt, nm, nf: antigória, antigóriu Definizione chi est de is tempos passaos de meda, is tempos de s'istória passaos dae meda Sinonimi e contrari anticu / antichidade Frasi semper gai est istadu dae tempos anticórios ◊ iscurtaio su nàrrere antigóriu pro connòssere is logos de su logu 2. si bestint comenti fiant in s'antigória ◊ custa istatuedha fiat una raresa de antigória ◊ a torrare a s'anticóriu no si podet (L.Pusceddu) Etimo spn. antigor Traduzioni Francese très ancien, antiquité Inglese ancientness Spagnolo muy antiguo, antigüedades Italiano mólto antico, antichità Tedesco sehr alt, Altertum.

anticòru antecòru

anticristàre , vrb: antigristare Definizione nàrrere o pònnere male de s'àteru Etimo srd.

anticrístu , nm: antigristos Definizione pessone mala meda, animiniedhu Sinonimi e contrari mostre Etimo ltn. antichristus Traduzioni Francese antéchrist Inglese antichrist Spagnolo anticristo Italiano anticristo Tedesco Antichrist.

antícu , agt, nm: antiglu, antigu Definizione chi est de is tempos passaos de meda / antigu tempus, antigu ’e tempus (antighedempus) = antigamente; in s'antiglu = in s'antigóriu Sinonimi e contrari anticóriu | ctr. nobu, modernu, rechente Frasi cantu ndh'as are bistu giovonedhas in is antigas èpocas passadas ballandho a mantighedhu e a gunnedha!…◊ cussus parint tempus antigus ma dhus eus connotus nosu!◊ is nuraxis tenint unu o prus aposentus abbovidaus, a tholos comenti narànt is Gregus antigus 2. is antigus teniant su dinai cuau in is murus e is matzamurrus conosciant is giassus acantu dhui fuant is iscusòrgius 3. custa cosa ingunis dhui est de antigu tempus Etimo ltn. anticus Traduzioni Francese ancien Inglese ancient Spagnolo antiguo Italiano antico Tedesco antik.

anticuàriu , nm Definizione genia de museu, logu inue si arregollent, chistint e ponent, cun critériu po dhas bíere, cosas de s'antigóriu.

anticuàu , agt Definizione chi no si usat prus ca est de un'àteru tempus, de is tempos passaos Traduzioni Francese vieilli, désuet Inglese obsolete Spagnolo anticuado Italiano antiquato Tedesco veraltet.

antidiluviànu , agt Definizione antigu meda, de unu tempus innanti de su dilúviu universale…, nau de cosa bècia meda, chi no s'impreat o no andhat prus Traduzioni Francese antédiluvien Inglese antediluvian Spagnolo antediluviano Italiano antidiluviano Tedesco vorsintflutlich.

antífona, antífuna , nf Definizione parte de sa missa, ma nau agiummai solu in su sensu de calecuna fata, nada in cobertantza o manera de fàere chi giaet a cumprèndhere ite unu si depet ibertare Frasi candho at intesu s'antífona at cambiadu idea!

antifúrtu , nm Definizione imbentu chi serbit de seguresa contr'a is furas Traduzioni Francese antivol Inglese antitheft Spagnolo antirrobo Italiano antifurto Tedesco Diebstahlschutz.

antigàdu , pps, agt Definizione de antigare 1 Sinonimi e contrari anticu 2. su retratu de giaja tua in costúmene antigadu totu in seda fioradu in su zostre che lu cua! (G.A.Cossu)

antigàle , agt Sinonimi e contrari anticu.

antigàlla , nf Definizione cosas betzas, antigas Sinonimi e contrari antigúmine Etimo itl. Traduzioni Francese antiquailles Inglese junks Spagnolo antigualla Italiano anticàglie Tedesco Altwaren.

antigamènte, antigamènti , avb Definizione in s'antigória, unu tempus Sinonimi e contrari antighedempus Frasi antigamenti de cussas cosas si ndi agatàt, ma immoi no prus ◊ Otana fit Otana, antigamente: miradebbolla coment'est torrada!

antigàre , vrb rfl Sinonimi e contrari antziare, pesare Frasi est rutu e no si antigat prus Etimo srd.

antigàre 1 , vrb Definizione essire antigu, istare in crica de cosas antigas; èssere de moda / genia de frastimu: ancu no ti antighes piús! = chi no imbetzes mai!; no si ndhe antigat piús = no est prus de moda, no andhat prus Etimo srd.