A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

asseàu asseàdu

assebeltàre , vrb: assebertare, assebestare, sebeltare* Definition arrennèscere a bíere, a intèndhere, a distínghere, a cumprèndhere Synonyms e antonyms allampare, apubai, illampiare, iscerai, semeschiare / assabèschere, assaborire Sentences sos titones li faghiant paga lughe e assebertaiat petzi carchi cosa ◊ in mesu de s'abba che apo assebeltadu una moneda ◊ tue lu miras, ma no assebertas de ite colore est Translations French apercevoir English to perceive Spanish divisar Italian scòrgere German erblicken.

assebertadòre , agt, nm Definition chi o chie assebertat, est àbbile in s'assebertare Sentences a las abbaidare cun ojos assebertadores, si distinghent sas fàulas dae sa veridade Etymon srd.

assebertàre assebeltàre

assebèschere assabèschere

assebestàre assebeltàre

assebéstu , nm: sebeltu Definition capacidade de bíere o fintzes cumprèndhere sa cosa Synonyms e antonyms atibbiscione, cumprendhóniu, ségheru, tinnu Etymon srd. Translations French perception English perception Spanish percepción Italian percezióne German Wahrnehmung.

assebiài , vrb: assegliai, asseliai, asseliare, asselliai, assiliare, seliare Definition istare in asséliu, abbarrare sérios, firmos, trancuillos; fàere istare in pàusu, pònnere apostu, aconciare, fintzes cuncordare, andhare de acórdiu Synonyms e antonyms abbacai, abblandai, abbonantzai, apachiare, apasaogare, assedhentae, assentulae, asselenare, assuermai, assussegai, illebiare / aconciare, mezorare / allichidie, assantai, remonire | ctr. atrepillai, incidai, suguzare Idioms csn: asseliaresindhe, de una cosa = lassaidha stai chentza dha circai prus; asseliai su fogu = acontzare su fogu; asseliare su sonnu = passai su sonnu Sentences seu artziendi e carendi in su letu sentza de pori assegliai ◊ cussa próida no at asseliadu mancu su brúere ◊ andandu andandu su biaxi si est asseliau ◊ su pipiu poita no dh'assélias? ◊ asséliadi in domo, no andhes a ziru! ◊ si s'asséliat su bentu fait a intzurfuai ◊ de su dolore no bi apo asseliadu, istanote! ◊ giovanedha, pensa de ti assebiai, lah ca dhus prangis cussus fastígius!◊ fit a boghes ma za l'apo fatu asseliare 2. soi asseliandu cosa in sa mesa ◊ lassadha fai, ca est asseliandu s'aposentu! 3. cun totu cussu dinai s'iat asseliau sa domu ◊ chi imbucat dinai, su predi podit asseliai sa crobetura de crésia ◊ nci ammancat peti chi si abbrugit su pràngiu po asseliai is cosas!… 4. no mi ndhe assélio: lu chirco fintzas chi l'agato! ◊ tue za no ti ndhe assélias chentza fàghere su dovere! ◊ sa zente si ndh'est asseliada de protestare 5. circais de mi bociri poita is fuedhus mius no assélliant, cun bosatrus (Ev)◊ chi assellit a intru de issus totu su prexu miu! Etymon srd. Translations French apaiser English to appease Spanish aquietar, calmar Italian acquietare, calmarsi, tranquillizzare, sedare German beruhigen, sich beruhigen, lindern.

assébiu , nm, agt, avb: assélgiu, asséliu Definition su istare firmos, in pàusu, in paghe, chentza fàere, chentza matanare, chentza pentzamentos: coment'e avb. (a. = a asséliu) si podet fintzes impreare acordau che un'agetivu; fintzes trabballu po arrangiare o pònnere apostu calencuna cosa / èssere de malu asséliu = chentza asséliu, sèmpere ammungiandho Synonyms e antonyms amellu, apógliu, arréulu 1, asseletu, paidhu / firmu, séliu / arràngiu, mezoru | ctr. oriolu, tormentu, trambullu Sentences cun totu cussu it'e fàghere no tenzo asséliu ◊ aspetat de Deus s'asséliu eternu ◊ is bècius bolint asséliu ◊ su sero, sos fulferinos chirchendhe asséliu punnant a sa solzaga ◊ fostei no tenit assébiu, sempri in movimentu! 2. si arregordat de sa pischera in s'arriu cun s'àcua assélia e límpia ◊ su dolori no mi lassat assébia 3. tocat a dhas lassai assébiu is bagadias, e is cojadas puru! ◊ lassamí sa conca asséliu, gei dhu sciu su chi fatzu! ◊ atura asséliu! ◊ no podendu abbarrai asséliu de su prexu, si fiat imprassau a su babbu ◊ sas bamas sunt paschendhe assélias 4. cun cussu dinai depeus fai assélius in domu Etymon srd. Translations French repos, calme, paix English rest Spanish descanso, tranquilidad Italian ripòso, quïète, bonàccia, tranquillità German Ruhe, Stille.

assechiài , vrb Definition tocare is campanas a mortu Sentences oi est noti de totu is santus e chi no fiat ca apu inténdiu is campanas assechiendi mancu mi ndi arregordau ◊ intendu is campanas assechiendi de is campanibis Etymon srd.

asséchias , nf pl: eséchias Etymon spn. Translations French obsèques English exequies Spanish exequias Italian esèquie German Begräbnisfeier.

asséchiu , nm Definition sonu de campanas a mortu, su assechiare Synonyms e antonyms addópiu, lassa 1, tocu Etymon srd. Translations French glas English knell Spanish doble Italian rintócco fùnebre German Grabschlag.

asseciài , vrb Definition its 2. cussus cincu mila francus dhus donas a mei e su contu est asseciau!

assecretàe, assecretàre , vrb: secretare* Definition citire, firmare de foedhare, istare citios, mantènnere in segretu Synonyms e antonyms ammudai 1, assamudare, cagliai, citire | ctr. faedhare, nàrrere Sentences a su tochedhonzu in su portale, Zuvanna e Mintónia si assecretant e istramudint s'àghera (N.Rubanu).

assecuestràre , vrb: secuestrai* Synonyms e antonyms imbargai, issucutare Sentences abberint sa gianna chin su cantzilleri e intrant pro assecuestrare sa robba.

assecurónzu , nm: assegurognu, asseguronzu, assicuronzu, assiguronzu Definition su assegurare calecuna cosa, su chi si ponet po mantènnere segura una cosa; agiustamentu de cójua, su giare o torrare su foedhu seguru a chie dimandhat fémina, sa festa chi si faet in famíglia po s’ocasione Synonyms e antonyms assicuramentu, cojancraru, ispalesonzu, seguróngiu / cdh. assigurugnu Sentences cuss'invitu crediant chi fit s'assecuronzu Scientific Terminology sntz Etymon srd. Translations French fiançailles English engagement Spanish noviazgo Italian fidanzaménto German Verlobung.

assécus aisségus

assèda , nf Definition manera de fàere Synonyms e antonyms abbitúdine Sentences aiant leadu s'asseda de si cricare e faedhànt de Sardínnia (A.Cossu).

assedadòre , agt, nm Definition chie carrugat o portat su sede (trigu messau) a s'argiola Synonyms e antonyms carrugadore Etymon srd.

assedàdu , pps, agt Definition de assedare; nau de su laore, chi ch'est carrau a s’eremàgiu, acanta a s’argiola, o fintzes chi est lómpiu, fatu a sede 2. assedados ispigant sos laores.