Legenda Incurtzaduras | Legenda Sìmbulos

abbarballài , vrb: abbraballai, abbrabballai Definitzione abbarrare o fàere incantau, a buca aperta, coment’e chie no est cumprendhendho nudha Sinònimos e contràrios abbabballocai, abbambanai, indormiscai / sansiae Frases s'isposa dh'at abbarballau Ètimu itl. abbarbagliare Tradutziones Frantzesu retomber en enfance Ingresu to become stupid Ispagnolu embelesarse, encantarse Italianu incantarsi Tedescu verdummen.

addrollíu , pps, agt Definitzione de addrollire Sinònimos e contràrios allacanadu, disartoriadu, illaéndhidu, isbriadu, iscinigau 2. est addrolliu de su trabballu Tradutziones Frantzesu gâteux Ingresu stupid Ispagnolu trastornado Italianu rimbecillito Tedescu verdummt.

allollojài , vrb Sinònimos e contràrios abballalloare, allochiai, atolondrai Ètimu srd. Tradutziones Frantzesu s'abêtir Ingresu to make stupid Ispagnolu alelarse Italianu diventare stùpido Tedescu dumm werden.

arrembambíu , agt: rembambitu Definitzione chi istat sèmpere naendho cosas de pagu contu, isciolórios, chentza cabu Sinònimos e contràrios irbambiadu Tradutziones Frantzesu gâteux Ingresu stupid Ispagnolu bobo, chocho Italianu rimbambito Tedescu verblödet.

balòsso, balòssu , agt, nm Definitzione chi o chie est pagu abbistu, bambiocu Sinònimos e contràrios babbalocu, ballalloe, biobba, gingiorre, scimpri, sciolocau, tolondro, tontu | ctr. abbistu, àbbile 1 Frases de óminis nci nd'est tontus, intelligentis, furcas, balossus, bonus e malus ◊ no teniat gana de abarrai fadendi s'ampuecala in sa passillada coment'e una balossa in mesu de genti prus balossa puru Terminologia iscientìfica ntl Tradutziones Frantzesu stupide, bête, idiot Ingresu stupid Ispagnolu estúpido, necio, cretino Italianu stùpido, cretino Tedescu dumm, Tölpel.

baosàtzu , nm Definitzione unu chi istat cun s'abbau calandho che is criaduras, ca est che pipiu etotu mancari mannu Sinònimos e contràrios bambioco, baosone, deleadu, locu, solocu Terminologia iscientìfica ntl Ètimu srd. Tradutziones Frantzesu sot, stupide Ingresu stupid Ispagnolu bobo, necio Italianu stòlido, stùpido Tedescu Tölpel.

bistónchinu , agt Definitzione chi est trotu e bistrotu; nau de gente, chi no ndhe faet una bona, bene Sinònimos e contràrios atortiau, doltu, garronosu, rémbinu / bambioco, bambu, biondu, biorru, biscioncu, bisónchinu, braballu Ètimu srd. Tradutziones Frantzesu tordu, tortueux, sot Ingresu crooked, winding, stupid Ispagnolu torcido Italianu stòrto, tortuóso, stòlido Tedescu krumm, gewunden dumm.

bucallòto, bucallótu, bucalótu , agt, nm: bucarotu Definitzione tontatzu, chi est pagu abbistu Sinònimos e contràrios babbalocu, bibbillocu, bucabbentu, bucamindotu, gingiorre, tolondro Frases pro dare su votu a unu bucallotu de s'ischeda ndhe fato unu zirotu e poi bi l'ataco a su chervedhu! ◊ ancora esistit calchi bucalloto chi l'adorat che unu santu in bida Ètimu srd. Tradutziones Frantzesu stupide, bête, idiot, balourd, nigaud Ingresu stupid, dullard Ispagnolu estupido Italianu stùpido, balórdo Tedescu dumm, Tölpel.

dròdha, dròdhe , agt: drolle, drollo, drolloi, drollu, drou Definitzione chi istat a trascuru in su bestimentu, unu de pagu giudu, chi si lassat pigare in giru o chi credet totu, chi no giughet crabbu / língua drolla = limba coment’e leada, chi no foedhat bene Sinònimos e contràrios ciarollu, cocollodho, dangallone, dàngaru, giangalloi, immalisciadu, isconfusu, scanciofau, sgangagliau Frases drodha, boles a ti nàrrede totu deo?! ◊ cussu fut un'ómini drollu e tontu ◊ no bastat ischifosu e mi naras drollo puru: arratza de arrespetu!… 2. dhi at infromigau totu sa camba, unu bratzu, sa faci a una parti e fintzas sa língua drolla portàt ◊ chi portas sa manu drolla, lassa sonai su sulitu a un'àturu! Ètimu ctl. drolle Tradutziones Frantzesu négligé, naïf, sot Ingresu stupid, naive, slovenly Ispagnolu desaliñado, descuidado Italianu sciatto, ingènuo, babbèo Tedescu nachlässig, einfältig.

gadhighinósu , agt: cadhighinosu Definitzione chi giughet cadhighinzu o badhine in conca, chi no est tanti giustu de conca, chi faet calecunu machiore Sinònimos e contràrios alivertu, badhighinosu, badhinosu, irdollocau, irvaliotzau, iscaltaredhadu, macocu, mériu, pertocadu, stolocau Ètimu srd. Tradutziones Frantzesu loufoque, sot Ingresu crazy, stupid Ispagnolu chiflado Italianu pazzòide, scémo Tedescu verrückt.

gingiòrre, gingiòrro , nm Definitzione unu tontatzu Sinònimos e contràrios babbalocu, galabboi, tolondro Tradutziones Frantzesu balourd, nigaud Ingresu stupid Ispagnolu tonto Italianu balórdo, stùpido Tedescu Dummkopf.

iscantaràdu , pps, agt: iscanteradu Definitzione de iscantarare Sinònimos e contràrios irbambiadu, irbentiadu / cdh. scantaratu 2. istaiat pedindhe cun boghe iscantarada e piuncosa ◊ macaca, ite ratza de teraca iscantarada!…◊ tenet rejone su díciu de babbai: iscantarados sunt sos betzos mannos ◊ ohi s'iscantarada conca mia! ◊ totu su chi mi essit dae laras no sunt boghes de bandhu iscantaradu! 3. cudh'ària iscantarada de s'ierru no s'intenniat prus in ossos (A.Cossu) Tradutziones Frantzesu insensé, gâteux Ingresu senseless, stupid Ispagnolu chocho Italianu insensato, rimbambito Tedescu unbesonnen, kindisch.

isènte , agt, nm: isentu, ixente Definitzione chi o chie tenet de naschia pecu mannu a sa carena, o fintzes chi at tentu dannu mannu de dh'àere istrupiau; chi est chentza cabu in manera grave de no bàlere de conca Sinònimos e contràrios diculau, imprestile, irvàlitu, iscalfante, isentiau, istropiadu, lertone, tzémiu, tzómigu / iscabadu, labadu | ctr. àbbile 1 Frases fit unu chi teniat dolu de sa zente isenta ◊ cudhu isentu no si abbalet mancu a si bufare abba, a solu 2. deghe piciocas ant leadu sas làmpanas e sunt andhadas a atopare su cojadu nou: chimbe fint isentas e no ant leadu s'ozu, chimbe fint sàbias e ant leadu s'ozu puru paris cun sas làmpanas Tradutziones Frantzesu invalide, inepte Ingresu disable (person), stupid, fool, incompetent Ispagnolu minusválido, estúpido, tonto Italianu invàlido, inètto, stúpido Tedescu invalide, untüchtig, albern

scióncu , nm, agt: iscioncu* Definitzione chi o chie est conchilébiu, pagu de giudu, chi no est tanti giustu de conca Sinònimos e contràrios ammadredhadu, innóchidu, scimpri, tontassu / abbaunzu, peca 1 Maneras de nàrrere csn: fai su s. = fàghere cosa chi andhat tropu male, dannu, (nadu de duos ammorados: pònnere ràida sa fémina innantis de cojare); ischertzus scioncus = brullas malas; fai cropu e scioncu = chentza grabbu, in manera isazerada, a sa maconatza Frases no fait a arriri mancu a unu scioncu ◊ pòberu scioncu, ita creis, ca unu pisci de cussu manniori tengat ganas de si firmai inguni po comodidadi tua? ◊ cussa frasi scionca ofendit 2. po si lassai cojai, mamma, eus imbentau chi emus fatu su scioncu ◊ custus pretendint de fai su scioncu e poi is fillus si dhus depint mantenni is atrus 3. scioncas abbétias lasseus, ca a mama morendi bieus! ◊ cussa est genti scionca ◊ castiai aundi arribbat sa fémina scionca, a narri ca est fastigendi cun mimi e mancu dha connòsciu!◊ ma càstiai custu, fait cropu e scioncu! Tradutziones Frantzesu sot Ingresu stupid, fool Ispagnolu estúpido Italianu stùpido Tedescu dumm.

tzancarronàda , nf: ciancarronada Definitzione aconcada maca, fatura de tzancarrones Sinònimos e contràrios aconcada, acucada, garrafatoni, isconcata, isconchinada, meleda / cdh.tzancarrunata, ttrs. tzancarrunada Ètimu srd. Tradutziones Frantzesu faute grossière, balourdise Ingresu big mistake, stupid act Ispagnolu disparate, imprudencia, falta Italianu cólpo di tèsta, gròsso sbàglio, spropòsito, balordàggine Tedescu unbesonnene Handlung, grober Fehler, Dummheit.

«« Torra a chircare