Ditzionàriu in línia
de sa limba e de sa cultura sarda

irvàlitu , agt, nm Definitzione nau de ccn. o de un'arremu de sa carena, chi est isentu, istrupiau, chi no ndhe balet ca at tentu dannu, tenet male Sinònimos e contràrios desvàlidu, imbàlidu, isente, tzémiu | ctr. àbbile 1, abbilidadosu Frases zuto unu bratzu irvàlitu dae candho mi che est essidu in su codhu Tradutziones Frantzesu invalide Ingresu disabled Ispagnolu inválido, minusválido Italianu invàlido Tedescu Invalide.

isènte , agt, nm: isentu, ixente Definitzione chi o chie tenet de naschia pecu mannu a sa carena, o fintzes chi at tentu dannu mannu de dh'àere istrupiau; chi est chentza cabu in manera grave de no bàlere de conca Sinònimos e contràrios diculau, imprestile, irvàlitu, iscalfante, isentiau, istropiadu, lertone, tzémiu, tzómigu / iscabadu, labadu | ctr. àbbile 1 Frases fit unu chi teniat dolu de sa zente isenta ◊ cudhu isentu no si abbalet mancu a si bufare abba, a solu 2. deghe piciocas ant leadu sas làmpanas e sunt andhadas a atopare su cojadu nou: chimbe fint isentas e no ant leadu s'ozu, chimbe fint sàbias e ant leadu s'ozu puru paris cun sas làmpanas Tradutziones Frantzesu invalide, inepte Ingresu disable (person), stupid, fool, incompetent Ispagnolu minusválido, estúpido, tonto Italianu invàlido, inètto, stúpido Tedescu invalide, untüchtig, albern

renunsciàdu , agt Definitzione chi no ndhe balet prus de sa becesa o po is males chi sufrit Sinònimos e contràrios irvàlitu, rentesu Frases finas su renunsciadu intrat in bozas, budhit su mustu, su mannale ingrassat, pinghet s'olia e… s'atunzu passat Ètimu srd. Tradutziones Frantzesu invalide Ingresu invalid Ispagnolu minusválido, inválido Italianu invàlido Tedescu Invalide.