impédhida , nf: impéllida, impillida Definizione su fortzare a una bandha, pruschetotu a cropu, coment'e ispinghendho; su chi si narat o chi si faet po fortzare a unu, po dhu cumbínchere a calecuna cosa Sinonimi e contrari acollada, afracada, colpu, imbàtida, impella, impellériu, imperta, incannada, ispinta Frasi s'impéllida de sos bentos ◊ at inténdiu s'impillida de si dha basai ◊ is piciocus si fiant pigaus a impéllidas e a corpus Etimo srd. Traduzioni Francese impulsion, poussée Inglese push Spagnolo impulso, empellón Italiano impulso, spinta Tedesco Antrieb.

incotzàda , nf Definizione su incotzare; cropu chi si giaet iscudendhosiche a pitzu de s'àteru de parte de apalas; nau in cobertantza, ispinta de gente chi podet po fàere bínchere a ccn. chentza méritu unu cuncursu o dhi fàere otènnere calecuna cosa Sinonimi e contrari atapada, atumbada, stumbada / acotzu, apógiu, ispinta 2. sa màchina chi zughiat addainanti si fit frimmendhe e isse sighindhe a cúrrere chentza si ndhe abbizare li at dadu un'incotzada Etimo srd. Traduzioni Francese tamponnement, poussée Inglese collision, push Spagnolo choque, empuje, enchufe Italiano tamponaménto, spinta Tedesco Stopfen, Schieben.

ispínta , nf: spinta Definizione fortzadura, fortza chi si faet po mòvere calecunai cosa, siat in manera pàsida (es. comente faent is motores) o a cropu; fintzes acotzu, agiudu po praxere e fatu a preferu o fintzes a càmbiu cun calecuna cosa Sinonimi e contrari acollada, afracada, colpu, imbudada, impellériu, imperta, incannada, spintua | ctr. remada Frasi mancari siant sas giannas de brunzu ti ndhe ruent in pes a un'ispinta ◊ a ispintas dha depemu pigai po nci dha bogai?◊ custa cosa no cheret móida a ispintas, ca est díliga!◊ cun s'ispinta tua ndhe amus bogadu su tratore dae su fossu ◊ issu si fut fichiu in mesu de totu custa genti a ispintas e bocendi sa genti a fragu de binu! 2. in postu gai chentza ispintas tue no b'intras!◊ sas paràulas de cudhu, ómine sàbiu e onestu, li aiant dadu fortza e un'ispinta noa (M.Danese) Etimo srd. Traduzioni Francese poussée Inglese push Spagnolo empuje Italiano spinta Tedesco Schieben.

spintúa , nf Definizione ispinta a cropu / èssiri a spintuas (nau de gente meda) = in medas de s'ispínghere s'unu cun s'àteru cherindhe colare prima Sinonimi e contrari acollada, afracada, colpu, imbudada, impellériu, imperta, incannada, iscollizada, ispinta 2. dhoi fiat sa genti a spintuas Etimo srd. Traduzioni Francese poussée Inglese shove Spagnolo empujón, tirón Italiano spinta, strattóne Tedesco Stoß, heftiger Ruck.

«« Cerca di nuovo