impédhida , nf: impéllida, impillida Definizione su fortzare a una bandha, pruschetotu a cropu, coment'e ispinghendho; su chi si narat o chi si faet po fortzare a unu, po dhu cumbínchere a calecuna cosa Sinonimi e contrari acollada, afracada, colpu, imbàtida, impella, impellériu, imperta, incannada, ispinta Frasi s'impéllida de sos bentos ◊ at inténdiu s'impillida de si dha basai ◊ is piciocus si fiant pigaus a impéllidas e a corpus Etimo srd. Traduzioni Francese impulsion, poussée Inglese push Spagnolo impulso, empellón Italiano impulso, spinta Tedesco Antrieb.

impellériu , nm Definizione genia de ispinta, de fortza Sinonimi e contrari impédhida, ímpetu, ispinta, púntzia Frasi sos impellérios de su chervedhu e s'enerzia chi frunit s'istòcomu daint bita e motu a totu su corpus Traduzioni Francese impulsion Inglese impulse Spagnolo impulso, empellón Italiano impulso Tedesco Antrieb.

ímpetu , nm: ímpidu, ímpite, ímpitu Definizione genia de fortza chi unu si podet sentire in s'ànimu e chi si pentzat prus che àteru mala, de prepoténtzia Sinonimi e contrari foltza, impellériu, púntzia, santidu, trínnigu Modi di dire csn: ímpidos de fele = cadha de fele, arrennegu forte, ma fintzas sentidu malu, velenosu; èssere ómine de ímpetos = rebbestu, focosu, de ideas malas Frasi cussu est de ímpidu malu! ◊ lassade custos ímpidos: no fetedas disonore a s'arte! ◊ un'animali timiu est s'urtzu, ca no tenit ímpitu iscassu ◊ at tancadu sos ojos pro dare fortza e ímpidu a su carvedhu ◊ medas boltas custu pane e mele si bóltulat totu in ímpidos de fele ◊ bi l'at nadu chin cudhu ímpite… pro pagu no si bochit sa pisedha! Traduzioni Francese élan, sentiment, impulsion Inglese impetus, impulse, sentiment Spagnolo ímpetu Italiano ìmpeto, sentiménto, impulso, frèmito Tedesco Wucht, Gefühl, Antrieb, Beben

inghítida , nf, nm: inghítiu Definizione genia de cropu, de ispinta, de inghitillu, ma nau in sensu prus largu / inghítida a foradedha = tiru de sa ballina a su gari Sinonimi e contrari impédhida, inghitillu, inghitiradura, púntzia Frasi s'inghítida de cumentzu tocat a sa biríllia prus atesu Traduzioni Francese impulsion Inglese impulse Spagnolo impulso Italiano impulso Tedesco Antrieb.

púntzia , nf Definizione sa fortza chi si faet andhandho de su corpus o orinandho / su mali a púntzias = su no pòdere pisciare; erba de su mali a púntzias = genia de erba chi faet a pisciare (Eryngium tricuspidatum) Sinonimi e contrari impellériu, inghítiu, prémida Traduzioni Francese impulsion Inglese impulse Spagnolo impulso Italiano impulso Tedesco Reiz.

«« Cerca di nuovo