Ditzionàriu in línia
de sa limba e de sa cultura sarda

arruinàbi , nm: arruinali Definizione su chi abbarrat de iscónciu, orrutu a terra, de òperas fatas in àteros tempos (es. nuraghe idorrutu) e fintzes muntones de pedra arregorta in is terras trebballadas; genia de terramíngiu bonu Sinonimi e contrari masentziali, sciarrocu Frasi in is arruinalis si agatat téula de sa chi umperànt a is tempus de Roma ◊ in s’arruinabi dhui at un'ischisórgiu 2. candu is muridinus funt medas acanta de pari si narat arruinabedhu, arruinaxu Etimo srd. Traduzioni Francese ruines Inglese ruin Spagnolo ruina Italiano rùdere Tedesco Überreste (pl.)

arruínu , nm: orroghina, roghina* Definizione dannu mannu, meda Sinonimi e contrari desacatu, isciàsciu Frasi sa campagna est tota un'arruinu: àlvures istratzadas, trigos chi parent apeigados Traduzioni Francese ruine Inglese ruin Spagnolo ruina Italiano rovina Tedesco Verderben.

derrúta , nf: dirruta Definizione s'efetu de su derrúere Sinonimi e contrari arruinu, desacatu, sderrocu, sderrota, sderruimentu | ctr. benefíssiu, mezoru Frasi pariat zente nóbbile, ma unu pagu coment'e in derruta Etimo srd. Traduzioni Francese ruine Inglese ruin Spagnolo ruina Italiano rovina Tedesco Ruin.

dissàntara , nf, nm: dissàntaru Definizione su bogare de pare sa cosa Sinonimi e contrari arruinu, derruta, desacatu, destrossa, gastu 1, iscunsertu, istrópiu, sderrocu, sderrota, sderruimentu Etimo srd. Traduzioni Francese dégât, ruine Inglese damage, ruin Spagnolo daño, ruina Italiano guasto, rovina Tedesco Verfall.

ispérdidu , pps, agt: ispérdiu, spérdiu Definizione de ispèrdere; chi no si agatat prus; a logos, guastu, malu, totu andhau male, abbandhonau Sinonimi e contrari ispéirtu, isperevunniu Frasi su logu irbandhonadu, chentza bi colare prus neune a bi triballare, si ch'est ispérdidu 2. assimbillat a una bidha ispérdia 3. cussu casu non fut ispérdiu, ansis fut peri bonu! (G.C.Mameli) Traduzioni Francese disparu, ruiné Inglese lost, destroyed, gone to ruin Spagnolo desaparecido, destruido, estar echo una ruina Italiano scomparso, distrutto, andato in rovina, desolato Tedesco verschwunden, zerstört, verfallen.

roghína , nf, nm: arruinu, roina, rughina, ruina, ruinu Definizione dannu mannu, meda; ruinu si narat fintzes po ruinzu, orruina Sinonimi e contrari bisorruta, desacatu, iscalabru, isciàsciu Frasi si unu contr'a s'àteru si parat, de domo sa ruina si preparat ◊ in s'istiu sa Sardigna est un'inferru de focos, de roghina, de morte ◊ cussu est sa rughina de sa domo! ◊ est diventada piena de dogni ruinu, custa pàtria mischina ◊ si bi mancat su trigu, ozu e casu finas pro nois est una ruina! (Màsala) Cognomi e Proverbi smb: Ruina, Ruinas Etimo ltn. ruina Traduzioni Francese ruine Inglese collapse, ruin Spagnolo ruina Italiano rovina Tedesco Ruin.

sciàsciu , nm: [scià-sciu] Definizione su sciasciai, su distrúere totu Sinonimi e contrari arruinu, desacatu Frasi eis biu totu su sciàsciu chi ant fatu is Tedescus in custa guerra? ◊ eus a intendi su sciàsciu: sàbudu dhus depint interrogai in tribbunali ◊ it'est su sciàsciu chi as fatu andendi a su buju a cicai cosa? ◊ agabbadha, deghinou sutzedit caincunu sciàsciu mannu! ◊ candu at a sutzedi totu su sciàsciu de sa fini de su mundu? Etimo srd. Traduzioni Francese destruction Inglese ruin Spagnolo destrucción, ruina Italiano distruzióne, rovina Tedesco Zerstörung, Zerfall.

sfaiméntu , nm Definizione su sfàiri Sinonimi e contrari irfaghidura, sciusciada / sumidura Etimo srd. Traduzioni Francese délabrement Inglese breakup Spagnolo decadencia, ruina Italiano disfaciménto, sfacèlo Tedesco Verfall, Zerfall.