A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

púdha , nf Definizione genia de pigione mannu, grussatzu, a pinnias mannas, pesau meda po sa petza e po is oos (a/c.: a sa sossinca, ma solu su pl., dha faent a mascu: sos pudhos = is/sas pudhas)/ min. pudhichina; su mascu: pudhu, caboni; su minore de naschidórgiu: pudhighinu, pillonedhu (e, si est fémina de calecun'annu, pudhighina, pillonedha); p. matre = sa pudha chi at frochiu; p. putzonata, pillonada = chi portat is pillonedhus, p. frucera Modi di dire csn: sa pudha, pudhighina est bennia in ou = est a tretu de criare, at comintzadu a criare; p. arrufada (cun sa pinnia totu allorigada), cucuruciana (cun tzufu de pinnias in conca), nanita (de ratza minuda), criangiana (chi criat meda), flori de fà (de colore biscacadu, randhinada); brutesa de p. = merda pudhina; p. de mudeju = caboni de murdegu, pudha média, itl. beccàccia; p. mudreghina o de mata = perdixi; p. de santa Lughia = pilloni de santa Luxia, genia de arrúndili; p. càmpina = pidraxu; pudhighina de abba = pudhixedha de àcua ("porzana porzana", itl. voltolino), zenia de pzn. solu in passera in Sardinna; no ischire betare pedra a p. = no èssere bonu a fàghere male, ma fintzas no èssere bonu a nudha; su fizu de sa p. bianca = su ciciu de domu, su fizighedhu prus bene chérfidu, parpadu, e gai (ma nadu fintzas de unu bastus chi siat ma leadu a preferu); àere fintzas late de p. = àere donzi cuntentu, donzi ingúlumu; portai is pudhas a piscai = (nadu de unu) chi cheret fàghere totu isse; fidai is pudhas a margiani = pònnere su grodhe a tentare anzones, lassare cosa in manos de chie si che la furat; tocai is pudhas = compidare sas p. pro ischire si criant; corrovai su cú a is pudhas = chircare tropu cosas, su chi no si depet, unu fàghere de chie no tenet àteru de prus importu; faedhare candho píssiat sa p. = mai, abarrai citius; èssere culu de pudha = culivala, chi iscóviat totu; papai a pudhas = manigare totugantos in su matessi pratu Frasi sa pudha criat, cantat, crochit o frucit o tzotzit, bichitat, forrogat o iscarràfiat ◊ sas pudhas sunt criendhe ◊ pisedhos e pudhas imbrutant su logu ◊ duos pudhones no podent istare in mesu a sas pudhas 2. beni a mamedha tua, frorichedhu meu, pudhichinedha irmarinada! 3. est girendi che una pudha chi non iscít aundi fai s'ou ◊ tue mudu, faedha candho píssiat sa pudha! ◊ Chírigu no betat pedra a pudha ◊ muzere mia no ischit fàghere nudha, no ischit mancu betare pedra a pudha! Cognomi e Proverbi smb: Pudda Terminologia scientifica anall, gallus gallus Etimo ltn. pulla Traduzioni Francese poule Inglese hen Spagnolo gallina Italiano gallina Tedesco Henne.

pudhàdhara , nf Definizione nau cun ifadu, presse, furighedha Frasi assiat pudhàdhara chi tenes!… Etimo srd.

pudhàgiu, pudhàgliu prudhàxu

pudhàju , nm Definizione (f. -a) chie bendhet pudhos, caboniscos, petza de pudha o de cabone; fintzes acúliu o aprigu de pudhas, pudharzu 2. currit a sa domixedha sua acanta de su pudhaju Cognomi e Proverbi smb: Puddaia Etimo srd. Traduzioni Francese marchand de volaille Inglese poulterer Spagnolo pollero Italiano pollivéndolo Tedesco Hühnerverkäufer.

pudhàlzu prudhàxu

pudhamédia , nf Definizione pudha areste, una genia de pigione chi abbitat e faet cria puru in Sardigna Sinonimi e contrari ciurlina, pudhighinu 1, tiridu, tiriolu Terminologia scientifica pzn, burhinus oedicnemus Etimo srd. Traduzioni Francese œdicnème Inglese stone-curlew Spagnolo alcaraván Italiano occhióne Tedesco Triel.

pudhàre , vrb Definizione pònnere s'abudhu in sa bresca, pònnere sa cria chi faet s'abe; in cobertantza, pigare, furare / mele pudhadu = cun sa cria 2. bi at dimónios chi s'incòrporant in sirbones pro trampare su pastore a che li pudhare s'ànima ◊ cheriat collonare su babbu chin carchi istrússia pro nche li pudhare carchi sodhu ◊ chin su dinare l'at pudhau totu! ◊ carchi borta pro su chi che lis aiat pudhau li pistabant sos murros! Etimo srd.

pudhàre 1 , vrb Sinonimi e contrari amprudhiare, annicare, pirmare.

pudhàrgiu, pudhàrju, pudhàrzu prudhàxu

pudhàsta , nf Definizione pudhighedha, pudha pitica de tempus Sinonimi e contrari pudhichina Frasi tengu unu caboni de sa vera casta: bista sa pudhasta si ndi fait meri! (E.Pintor Sírigu)◊ e a innui tocais aici prexada e in grandu cumpangia, gommai pudhastedha? Etimo ltn. pullastra Traduzioni Francese poulette Inglese pullet Spagnolo pollastre Italiano pollastra Tedesco junge Henne.

pudhàxu prudhàxu

pudhèca , nf Definizione ebba chi no at angiau ancora, giòvona; a disprétziu, fémina chi istat tropu in giru, de divertera in divertera Sinonimi e contrari calabrina Frasi est una pudheca toga, bona po sedha e po carrotzinu.

pudhécu , nm: purrecu Definizione burricu o cuadhu de naschidórgiu o, a dónnia modu, piticu de tempus / min. pudhechedhu Sinonimi e contrari prudedhu, pudhéricu*, reda Frasi at comporau unu bellu pudhecu ◊ tui, terra salia chi pesas pudhecus sena de frenu, ti abbrúschiant sa pedhi e no fuedhas?! ◊ is pudhechedhus de Sa Giara funt sentza de domai ◊ su birdi, is tallus de cuadhus e is purrecus faiant su logu bellu a ispantu Terminologia scientifica anall, anar Traduzioni Francese poulain Inglese colt Spagnolo potro Italiano pulédro, cavallino Tedesco Fohlen.

pudhédhu , nm Sinonimi e contrari tilimbavuristera.

pudhèdra , nf: purdedha Definizione ebbita, ebba giòvona / p. fata a buca = chi sentit su frenu e si frimmat si bi lu tirant Frasi una pudhedra che bentu iscurrizat peri sas tancas ◊ no podia frimmare sa pudhedra ca no fit ancora fata a buca Traduzioni Francese pouliche Inglese foal Spagnolo potra Italiano cavallina Tedesco junge Stute.

pudhèdras , nf pl Definizione màncias orrúbias chi essint in is cambas a fortza de dhas aparare nuas a su fogu Sinonimi e contrari pudhérigas, caricas.

pudhedrína , nf Definizione cambarada de pudhecos, de pudhecas, is pudhecos e pudhecas Frasi li ant postu sa trobea pro no si ch'essire dae sa tanca a ue bi at pudhedrina Etimo srd.

pudhédru prudédhu

pudhericàu , agt: pudherigadu Definizione chi portat pudhérigu, pudhechedhu aifatu, nau de ebba, de molente fémina; in cobertantza nau de gente, chi portat a ccn. aifatu chentza bisóngiu o fintzes a istrobbu Frasi tenet trinta calarinas e sas piús sunt pudherigadas ◊ apas vinti chimbe puledhas e totu pudhericadas! Etimo srd.

pudhericósu , agt Definizione nau de is cambas, chi funt a marcos orrúbios a fortza de dhas aparare nuas a su fogu Sinonimi e contrari carigadu Etimo srd.