A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

làncu , nm Definizione logu in calada Frasi a fundhu monte, in costa teremada, possedit unu loto de terrinu: a bonu passu, tra lancu e pigada, bi cheret duas oras de caminu (S.Casu).

landàri, landàriu , nm: landhare 1 Definizione logu de landhe, padente de crecos o ílighes chi dhue faet su landhe Sinonimi e contrari elichetu Frasi su bandhidore dat sa voche chi su landhare est apertu ◊ is procus pascint in su landàriu Etimo srd. Traduzioni Francese chênaie, bois de chênes verts Inglese ilex grove (oak) Spagnolo montanera, bellotero Italiano quercéto, leccéto Tedesco Eichenwald.

làndha , nf, nm: landhe, landi, làndiri 1, lanne Definizione su frutu chi faent crecos, ílighes (landhe d'élighe) e suèrgios (l. suerina): su pitzu o cugudhu coment'e crobedha a ue est atacau su landhe est su cocotzu o cogòcia o fintzes raga, corbinzola Sinonimi e contrari grandhe 1 Modi di dire csn: andhare a l. = andai a bodhiri làndiri; cotu a perra de làndiri (nau de is loris) = cotu a perras, chi no at cotu bene ca est de mala cotura; ghetàresi che porcu in su l. = a s'airada, cun ganas manna, comenti a cosa chi praxit meda; zenia de frastimu: corpu de landhe… e s'àrbure ifatu!; làndiri de mari = su frutu de sa pallamarini, bòcia de ispiàgia, fintzas una zenia de frutighedhu chi faghet un'àliga de mare (sa "Posidonia oceanica") Frasi dhue teniat landhe de orròali meda, dhue fut su landhe a bodhie a giuntas! ◊ su procu iscrichiobàt làndiri a cantu podiat ◊ sos tazos teniant sa landhe a trazadura ◊ sos procos che sunt in su lanne ◊ si est agatau mortu de fàmini, istracibau e papendi làndiri Cognomi e Proverbi smb: Lande, Landi, Landis / prb: làndiri a fàmini castàngia parit ◊ su landhe ruet a sa parta Etimo ltn. glandine(m) Traduzioni Francese gland Inglese acorn Spagnolo bellota Italiano ghianda Tedesco Eichel.

landhàre , vrb: lannare Definizione andhare a arregòllere landhe, a cricare o papare landhe, andhare a landhe Sinonimi e contrari grandhare, landirai 1 Frasi sas bacas, addaghi si ant papadu su fenu, che sunt essidas a lannare Etimo srd.

landhàre 1 landàri

landharésu , agt, nm Definizione chi o chie est landhendhe, in landhe, cricandho, arregollindho landhe Etimo srd.

landhàriga , nf Sinonimi e contrari bachica, badharola, ballarodha, cocoredha, gàdhara, lureta, varvaríssia Etimo srd.

làndhe làndha

landhebbéntu , avb Definizione èssere, istare a l. = in giru, bagamundhandho, aifatu de su logu chentza fàere cosa de giudu Etimo srd.

landhínu , agt: lanninu Definizione chi est de landhe, che landhe, chi paret landhe / fae a l. = fae (prus che àteru frisca ma intostendhe, candho comintzat a zúghere su nasedhu niedhu) cota a budhidu a ranu a piscadura Frasi custa castanza est punta e landhina ◊ at fatu fae a lissu e a landhinu cun càule e lardu Etimo srd.

landhíu , agt Definizione càrrigu de landhe, chi portat landhe, nau de is matas de ílighe, crecos e suèrgios Frasi sos ílighes landhios si fritint coment'e iscultendhe s'eternu chistionu de sos rios (A.Casula) Etimo srd.

landhósu , agt Definizione tostau che landhe, nau de alegúmenes de malu cotu, malos a còere Etimo srd.

làndi làndha

landinàe , vrb Sinonimi e contrari grandhilare, landirai*, landiredhai, randhinae, ranzudare.

làndine, làndini , nm: làndiri Definizione abba astrada a farinos chi betant is nues segundhu comente si agatant Sinonimi e contrari gràndhile*, landiredhu, ràndhine, ranzola Frasi si pesit s’arràbiu de làndiri e bentus, totus is aposentus po nd'isciorrocai!

landirài , vrb Definizione betare o fàere gràndhine Sinonimi e contrari arrandinai, grandhilare, landiredhai, randhinare* Traduzioni Francese grêler Inglese to hail Spagnolo granizar Italiano grandinare Tedesco hageln.

landirài 1 , vrb Definizione andhare a landhe, cricare o arregòllere o papare landhe Sinonimi e contrari landhare Frasi su procaxu portat unu tallu de procus landirendi in monti (Lai) Etimo srd.

landiredhàda , nf Definizione iscutulada o nue de gràndhine Sinonimi e contrari randhinada Frasi sa landiredhada forti chi at fatu at atzumborau is màchinas chi at agatau foras Etimo srd. Traduzioni Francese averse de grêle Inglese hailstorm Spagnolo granizada Italiano grandinata Tedesco Hagelschlag.

landiredhài , vrb Definizione betare o fàere gràndhine / l. a imbudus = a meda Sinonimi e contrari arrandinai, grandhilare, landirai Frasi est landiredhendi e proendi a istracia ◊ arregordat sa data precisa de is temporalis, de is dis chi at própiu, niau, landiredhau Terminologia scientifica tpm Etimo srd.

landirédhu , nm Definizione abba astrada a farinos chi betant is nues segundhu comente si agatant Sinonimi e contrari gràndhile*, làndini, ràndhine, ranzola Frasi in sa fentana s'intendit bentu e landiredhu ◊ currint a serrai is ventanas coment'e candu si abetat su landiredhu ◊ is frastimus badhànt in terra che una strossa de landiredhu asuba de sa muredha.