atibbíre, atibbíri , vrb Definizione
aferrare in su sensu de cumprèndhere su chi si narat o s’intendhet o liget
Sinonimi e contrari
atinai,
cumprèndhere
Frasi
no atibbit nudha, cussu ◊ candho fist minore no atibbias (G.Ruju)◊ sas féminas si fint atristadas, fortzis ca aiant atibbidu s'irballu ◊ no si cumprendhiat, no beniat bene a atibbire cantu nos inghiriaiat ◊ s’argumentu de su líbberu non fit tantu bonu a atibbire ◊ sa tradutzioni mi est serbia po atibbí asua de is diferéntzias de is duas línguas
Traduzioni
Francese
comprendre
Inglese
to perceive
Spagnolo
percibir,
entender
Italiano
percepire,
comprèndere
Tedesco
wahrnehmen.
atibbisciòne, atibbissiòne, atibbitziòne , nf Definizione
capacidade de cumprèndhere, de aferrare cun sa mente / ómine, fémina de pagu a. = chi cumprendhet pagu
Sinonimi e contrari
atibbidura,
atinadura,
atuamentu,
cumprendhóniu,
tinnu
Etimo
srd.
Traduzioni
Francese
perception
Inglese
perception
Spagnolo
percepción
Italiano
percezióne
Tedesco
Wahrnehmung.
atichèdha , nf: atighedha Definizione min. de atza, atza minore; nau in cobertantza, atza chi no segat bene, atza manna meda, atza segante meda (dipendhet de su betu chi si narat) Frasi atighedha chi zughet cussa lepa… cosa de bi fidare su pódhighe acurtzu, est!
atichíre atechíre
atichizàre , vrb Definizione su torrare de s'ispiga a prus minore Sinonimi e contrari torrare | ctr. crèschere Etimo srd.
àticu , nm Definizione s'úrtimu pianu de unu palàtziu, reduiu, prus piticu, in artu Terminologia scientifica dmo.
atidhài , vrb: tidhare Definizione
brinchitare, nau mescamente de is cuadhos; caminare impresse, lestros
Sinonimi e contrari
atidhidai,
brinchillai,
cadrabudhai,
ischeltiare,
sadhie,
subesciare
Frasi
si ndi est andada atidhendi ◊ su fragu atidhat maris e montis ◊ comenti fatzu po atidhai su muru?◊ sa noti de santu Giuanni atidhastus su fogadoni
2.
s'intendint is passus de sa sciampita lébius e atidhaus ◊ su coru miu po tui at sèmpiri atidhau
3.
custas cosas faint atidhai su coru!
Etimo
srd.
Traduzioni
Francese
sautiller
Inglese
to hop
Spagnolo
brincar,
andar deprisa
Italiano
saltellare,
balzellare
Tedesco
hüpfen,
herumspringen.
atidhidài , vrb Sinonimi e contrari atidhai, brincae, sadhie, seghedhare Frasi atídhidu in is notis chentz’e pasu (T.Piredda) Etimo srd.
atídhidu , nm Definizione
genia de movimentu a cropu, a iscutuladura, brínchidu mescamente comente faent is cuadhos, is lèperes, crabas e àteru / donai atídhidus
Sinonimi e contrari
brinchitu,
sàdhidu,
sàltidu
Frasi
est unu cuadhu chi no donat atídhidus ◊ ia donau un'atídhidu e nci fui intrada in s'àteru aposentu
Etimo
srd.
Traduzioni
Francese
saut,
bond
Inglese
jump,
jerk
Spagnolo
bote,
brinco
Italiano
sbalzo,
salto
Tedesco
Sprung.
atidiàre atediàre
atidilài, atidilàre atedilàre
atiernàdu , pps, agt Definizione de atiernare; chi est sentindho meda a ccn., tenendhondhe làstima Sinonimi e contrari dolimentosu, ternurosu 2. bidendhe su púpulu sou istraxinadu in terra e chene pes si sereit atiernadu.
atiernàre , vrb Definizione fàere su tiernu, su si ammostare carosu, de coro modhe Sinonimi e contrari ammodhiae, internèssiri Frasi l'isculteit, leeit parte acorada a su contu, ndhe apeit dolu, si atierneit Etimo srd.
atigúsa , nf Sinonimi e contrari apiubburdu, cugusa, giúguru, giuru, tzeligusa, tzurgusa, turgusone Terminologia scientifica rbz Etimo srd.
atilchinzàdu , agt Definizione chi tenet fritu, apibiredhau po su fritu Sinonimi e contrari atirchinzidu, ifritoridu Frasi so frimmu e atilchinzadu in custa domo frita, chena fogu (G.Canu).
atíle assíli
atilibbríu atalibbríu
atilibílche, atilibísche ateribílche
atilidàdu atedilàdu
atilighèlta, atilighèrta atalighèlte