A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aterúve aterúbe

atesàre, atesiài astesiài

atesidhàre , vrb: atisidhare Definizione ufrare, essire a tisidhu, fàere a tisidhu una cosa, a unu, tzatzare a tropu Sinonimi e contrari ufiare 2. si est atisidhau bibendhe vinu Etimo srd.

atesidhàu , pps, agt Definizione de atesidhare Sinonimi e contrari ufradu.

atesorài , vrb Definizione fàere o ammuntonare siendha.

atessiòne atensciòne

atéssu atéltzu

atestàdu , nm: atestau Definizione paperi, documentu chi atrogat de comente unu at fatu calecunu istúdiu, calecuna proa Sinonimi e contrari diproma, tzertificadu Traduzioni Francese certificat, attestation Inglese certificate Spagnolo certificación Italiano attestato Tedesco Zeugnis.

atestàre , vrb Definizione nàrrere, atrogare o ammítere calecuna cosa coment’e beridade Sinonimi e contrari atestimonzare, atorgare.

atestàu atestàdu

atestimonzàre , vrb: distimonzare* Definizione fàere a testimóngiu, su testimóngiu, nàrrere su chi s’ischit de una cosa o de una chistione Sinonimi e contrari atorgare, testificai Traduzioni Francese témoigner Inglese to testify Spagnolo testimoniar Italiano testimoniare Tedesco bezeugen.

atésu , avb, agt: stésiu, tesu 1 Definizione a tretu mannu de unu logu (ma si narat fintzes de tempus, de parentella): no càmbiat mancu candho est manigiau cun sa funtzione de agt: su logu atesu, is logos atesu, una bidha atesu, is bidhas atesu Sinonimi e contrari ailladru, aistesu, allontanu, tesanu / istesiadu, istrizidu | ctr. acanta, acurtzu Modi di dire csn: atesu de pari = atesu s'unu de s'àteru; atesu atesu, atesu mannu = atesu meda, atesu prus de luna e de istedhu Frasi su pisitu fait curri su lómburu po nci dhu ispúndiri sempri prus atesu ◊ est atesu che s'isméntigu ◊ semus in frearzu e s'istiu ch'est atesu! ◊ cussos nos sunt parentes, ma de atesu ◊ s’intendint is cérrius atesu mannu ◊ est ca ch'est atesu, sinono bi fia andhadu 2. so partidu detzisu de mi che istare in logu atesu ◊ teniat su praxeri de si ndi andai perilí e perilà, in logus atesu Etimo ltn. attensus Traduzioni Francese loin Inglese far Spagnolo lejos, lejano Italiano lontano, discòsto Tedesco entfernt.

atésu 1 , pps Definizione de atèndhere Sinonimi e contrari aténdhidu Frasi su tempus chi fit in domo mia fit bene atesu!

atetemecàu , agt Definizione chi istat sèmpere aifatu de calecunu, sèmpere impare, a tetemeche Etimo srd.

ateteràda , nf Definizione su ateterare Sinonimi e contrari ateteramentu, cancaratzone, incirdinadura Etimo srd. Traduzioni Francese raidissement, engourdissement Inglese turning cold Spagnolo entumecimiento Italiano irrigidiménto Tedesco Versteifung.

ateteràe, ateterài , vrb: ateterare Definizione fàere o essire téteru; fintzes cricare de pònnere prantau, de si ndhe pesare Sinonimi e contrari achirdinae, incidrinai, inteterare / ficare Frasi ateterados de su fritu, paraimus sas manos a su fogu pro nos caentare 2. seu circhendi de ateterai ma no nci arrennèsciu: donamí sa manu! Etimo srd.

ateteraméntu , nm Definizione su ateterare, su tènnere fritu, istare morindho de su fritu Sinonimi e contrari ateterada Etimo srd.

ateteràre ateteràe

ateterigaméntu , nm: atitirigamentu Definizione su essire téteru de su fritu Sinonimi e contrari ateterigu, atitirigadura, ammarmuramentu Frasi seu friru che màrmuri, portu sa pedhi atzutzudhara, ma circu de m'iscutulai custu ateterigamentu Etimo srd. Traduzioni Francese engourdissement Inglese stiffening Spagnolo aterimiento Italiano intirizziménto Tedesco Erstarrung.

ateterigàre , vrb: atetirigai, atetirigare, atitirigai Definizione tènnere fritu meda, trèmere de su fritu, essire téteru de su fritu meda, ammarmurare de su fritu Sinonimi e contrari abbidhiritzai, acancarronae, aggurjare, atitiglionai, cancarai, ingortigai, intetericare, inteterighedhare | ctr. caentare Frasi fiat apretau atitirighendi, aspetendi s'istadi po si callentai (F.Carta)◊ parat a su fogu sas manos atetirigadas de su fritu ◊ si atitirigat in s'ierru po su frius ◊ unu manzanu l'agateint in sas iscalinas de chéjia ateterigadu de sa bidhia e de sa morte 2. candu s'ódiu pillonat in sa menti, ananti de una creatura apatigada, s'atitirigat su coru! (R.Piras) Etimo srd. Traduzioni Francese engourdir Inglese to numb Spagnolo entumecer Italiano aggranchire Tedesco erstarren.