Ditzionàriu in línia
de sa limba e de sa cultura sarda

atídhidu , nm Definizione genia de movimentu a cropu, a iscutuladura, brínchidu mescamente comente faent is cuadhos, is lèperes, crabas e àteru / donai atídhidus Sinonimi e contrari brinchitu, sàdhidu, sàltidu Frasi est unu cuadhu chi no donat atídhidus ◊ ia donau un'atídhidu e nci fui intrada in s'àteru aposentu Etimo srd. Traduzioni Francese saut, bond Inglese jump, jerk Spagnolo bote, brinco Italiano sbalzo, salto Tedesco Sprung.

bótiu , nm Definizione movimentu a sàrtidu, a brínchidu Sinonimi e contrari brinche, brínchidu, brínchili, brincu, giagu 2, sàltidu, sédhida / arratroxa Frasi atacat a cudhos ballos tundhos cun bótios e brincos de poledhos tocados de puntolzu Etimo srd. Traduzioni Francese saut, bond Inglese jump Spagnolo salto Italiano salto, làncio Tedesco Sprung.

brínche , nm: brínchie Definizione móvia de botu, a cropu, chi si faet mescamente inartandhosindhe de terra, calandho de artu a terra o faendho unu passu longu meda Sinonimi e contrari bótiu, brínchidu, brínchili, brincu*, giagu 2, sàltidu, sédhida Frasi sa die de sa festa est a unu brínchie e no biet s'ora de mustrare sa braga a sa zente chi at a bènnere a la bisitare Traduzioni Francese saut, bond Inglese jump Spagnolo salto Italiano salto Tedesco Sprung.

brínchidu , nm: abbrínchidu, brínchiru, brínchitu, brínchiu Definizione móvia de botu, a corpu, chi si faet mescamente inartandhosindhe de terra, calandho de artu a terra, faendho unu passu longu meda pesandhondhe is peis impare Sinonimi e contrari bótiu, brinche, brínchili, brincu, giagu 2, sàltidu, sédhida, tídhidu Modi di dire csn: andai a brínchidus = a séllidas, a sedhas, che a su lèpere; ghetai unu brínchidu = fàghere unu brincu Frasi su brínchidu de su cuadhu no dh'apu mai tímiu ◊ nàsciu, funt a bébidus e a brínchidus cument'e crabus! ◊ at iscutu unu brínchiu e si ch'est ghetau a supra in d-unu dómine ◊ de su prexu depit ghetai brínchidu che craba in logu de arrocas! ◊ duos brínchios e che fimus in iscola ◊ is piciochedhos andhànt de parte in parte de su camminu a brínchidos e a críbidos Etimo srd. Traduzioni Francese saut, bond Inglese leap Spagnolo salto Italiano salto Tedesco Sprung.

cadramínciu, cadramínzu , nm Sinonimi e contrari brinchitu, brincu, iscradédhiu, issédhidu Frasi sos masones sunt currindhe a cadramíncios che muscados Etimo srd. Traduzioni Francese saut, bond Inglese jump Spagnolo salto Italiano salto, balzo Tedesco Sprung.

cradédhiu , nm Definizione su cradedhare, su istare a brínchidos, iscudendho is peis a terra po reberdia, ca no si bolet una cosa o fintzes po prexu Sinonimi e contrari brincu, iscradédhiu, issédhidu, sàltidu Etimo srd. Traduzioni Francese saut, bond Inglese jump, hop Spagnolo salto Italiano salto, balzo Tedesco Sprung.

giàmpu , nm: giumpu Definizione su passare o brinchidare de una parte a s'àtera, nau fintzes de su tempus; in cobertantza, decisione manna, de contu Sinonimi e contrari brincu, giànchidu, passu, sàltidu, zumpadura / decisioni, passu Modi di dire csn: betare unu giampu = fai unu sàrtidu; su geunzu de su giumpu = de su trapassu, de sa zoja a su sàpadu santu Frasi no ti retenzas sos giampos: curre, curre o cadhu ispanu! ◊ sa vida est unu giampu chi si atraessat a su pesarue ◊ innantis de fàghere su giampu lea sa medida! ◊ si li do tempus de unu giampu a su de duos bei at a restare! ◊ una fémina avesa a tebbacare aiat fatu votu de no tocare tebbacu de sa zoja a su sàpadu santu: unu giumpu divésciu! 2. già lu podes pensare che ómine addotu chi est pro tota vida cussu giampu Etimo srd. Traduzioni Francese saut, bond Inglese jump Spagnolo salto Italiano salto, balzo Tedesco Sprung.

incannàda , nf Definizione genia de móvia chi si faet a cropu Sinonimi e contrari imbatu, infrusada, irfunada Modi di dire csn: fàghere una cosa, andhare a incannadas = a sàrtidus, a brínchidus, a corpus, a impéllidas; leare s'i. = pigai su bólidu, cúrriri unu pagu po pòdiri sartai de prus, leare s'issédhidu Etimo srd. Traduzioni Francese bond, élan Inglese jerk, rush, run-up Spagnolo salto Italiano slàncio, sbalzo, rincórsa Tedesco Anlauf.

issédhidu, issédhitu , nm, nf: issedhu, issídhida Definizione genia de brínchidu Sinonimi e contrari brínchidu, brincu, giànchidu, iscradédhiu, isédhiu Frasi si nche fit falada dae s'ebba chin d-un'issédhidu chi no pariat mancu de fémina ◊ bi at crapas chi iscudent issédhidos peri de deche metros catzandhe fogu dae gàligas! ◊ ndh'est essiu a issedhos e a ghémidas pro su dolore chi l'arrajolabat Etimo srd. Traduzioni Francese bond Inglese jump Spagnolo brinco, salto Italiano balzo Tedesco Sprung.

petòne , nm Definizione movimentu lestru meda Sinonimi e contrari fua, fuliénsia Frasi in sa falada su carru at leadu petone e sos voes si sunt iscorrados (G.Ruju)◊ si no bi est sa mecànica, su carru leat petone e si podet bortulare ◊ addaghi est arrividu a sa trempa, s'ómine at leadu petone e a su paris ch'est lómpidu lorumendhe Traduzioni Francese bond Inglese rush Spagnolo salto, impulso Italiano slàncio Tedesco Schwung, Anlauf.