A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

asciàre alciàre

asciaréu , nm Definizione usciareu, candhelita e frore de s’abrutzu Sinonimi e contrari iscareja* Terminologia scientifica rbr.

ascídha , nf Definizione its, agridhu? Frasi ascidha picigosa e frida.

ascièdha , nf Definizione su fusighedhu de is serros, de sa tagiola, de àteru Sinonimi e contrari assaedhu Traduzioni Francese pivot, tourillon Inglese pin Spagnolo perno Italiano pèrno Tedesco Zapfen.

asciensciàre , vrb: assiensciare Definizione andhare abbellu, fàere su sàbiu, crèschere de sabiore 2. est ómine asciensciadu e no che ispeldísciat su dinari Etimo srd. Traduzioni Francese sage Inglese to be wise Spagnolo ser sensato Italiano èssere sàvio Tedesco weise sein.

ascioculàre , vrb: assuculare Sinonimi e contrari assachitai, assucare Frasi in carrete si andhat assúcula assúcula 2. sos pratos cherent assuculaos in medas abbas Etimo srd.

asciòla , nf Definizione astuladura, àstula de linna, fintzes farra de linna segada a serra Sinonimi e contrari alciuza, àstua, doladu, gliesca, iscata, isciapa, schedra.

asciolàda , nf Definizione cropu de aschiolu Etimo srd.

asciòlli , vrb: asciòlliri Definizione dichiarare innocente, connòschere chi unu no at fatu is cosas chi dhi ant incurpau Sinonimi e contrari assolussonare, assòlvere | ctr. cundennai Etimo itl. asciogliere Traduzioni Francese absoudre, acquitter Inglese to absolve Spagnolo absolver Italiano assòlvere, prosciògliere Tedesco freisprechen.

asciollidúra , nf Sinonimi e contrari assolucione, peldonu Etimo srd.

asciòlliri asciòlli

asciólu aschiólu

asciòne, asciòni aciòne

asciòni 1 aschiòne 1

asciósu , agt: ascrosu Definizione chi essit a àstulas; nau de unu, chi si ofendhet luego, chi tenet o sentit ascru, genia de sentidu de arrefudu Sinonimi e contrari ascruzosu / iscontriosu, primmósigu / crepuru, terriosu Frasi traballabant dae sole in sole pro unu cantu de orjatu ascrosu ◊ custu pane risultat prus ascrosu de cussu de su cane 2. est un'imbreacolu e ascrosu puru ◊ cussu fit unu pacu ascrosu e letranchicurtzu (B.Murgia) Etimo srd.

asciotúra , nf: assutura, asciutura, isciutura Definizione su èssere asciutu, nau mescamente de su tempus candho no proet Sinonimi e contrari ansura, asciutore, sicagna, sicoi | ctr. ifustura, umedadi Frasi sos pastores chi sufrint s'asciutura de cust'istadiale pregant s'abba ◊ fossis fit pro piòere custa die in contu de batire s'infustura: issa at ischidu chi ant giamadu a mie e pro rispetu at fatu s'assutura! (Tucone) Etimo srd.

ascíssa , nf Definizione sa línia orizontale de is asses cartesianos (ortogonales) po arrapresentare unu valore.

asciuconàre , vrb: assuconai, assuconare, assucunai, atzuconare Definizione pigare o fàere pigare assíchidu, fàere a tímere meda (a./c. is formas vrbl. de assucunai ispostant sa tónica cunforma a su nm. assúcunu: indic. pres. 1ˆ, 2ˆ, 3ˆp. sing. e 3ˆp. pl. assúcunu, assúcunas, assúcunat, assúcunant; cong. pres. 1ˆ, 2ˆ, 3ˆp. sing. e 3ˆp. pl. assúcuni, assúcunis, assúcunit, assúcunint) Sinonimi e contrari abbuare, acicai, apramare, assalciare, assantiare, asciustrare, aterrighinare, ilgirare, impagurire, ispabajare, ispantamare, ispaurire, ispramai, istrementire, isturdinare, spetziai, stremessiri Frasi su pisedhu si fit asciuconadu e che fit cúrridu avrinendhe a coas de sa mama ◊ no mi essas chentza mi ndhe abbizare, ca mi assuconas! ◊ si ndi fut assucunau e si ndi fut andau stramoriau ◊ sa mannalissa chi benit assuconada no donat lati ◊ no timas e no ti asciucones, ca bi est chin tecus su Segnore!◊ no mi assúcunis! Etimo srd. Traduzioni Francese épouvanter Inglese to scare Spagnolo asustar Italiano far prèndere spavènto, impaurire Tedesco einschüchtern.

asciucónu , nm: assuconu 1, assúconu, assúcunu Definizione isprama, assíchidu chi unu provat candho dhi acontesset totinduna ccn. cosa de tímere o chi timet, e fintzes sa trémia chi faet, sa timoria chi abbarrat a bisura de maladia tempus meda apustis Sinonimi e contrari acíchidu, apanteju, arrore, assàntiu, assàrtiu, assucononzu, assucu, assúmbridu, assústidu, ilgiru, ispantu, ispàsamu, isprama, tzurrumbu Modi di dire csn: leare, pigare a. = fai sa sprama; ghetare asciuconu a unu = fai atzicai Frasi upas umanas atrigantadas de s'assuconu si chircant a s'apapu in miniera ◊ a s'assuconu sa pipa che li est illigigada dae buca ◊ pro s'asciuconu, sas guàrdias resteint che mortas ◊ e ca fiza tua est a gana mala mi faes pigare un'assúcunu gasi?! ◊ su Segnore lis at a ghetare asciuconu mannu! ◊ a issos si los at picados s'asciuconu 2. andu pretibreti ascultendu un'atrepillu, un'assúcunu 3. Antoni curaiat s'assúcunu Etimo srd. Traduzioni Francese frayeur, peur Inglese fright Spagnolo susto Italiano spavènto Tedesco Schreck.

asciugamànu , nm: assugamanu, isciugamanos Definizione trastighedhu de orrobba, mescamente linu, po si frobbire in manos e in cara e àteru Sinonimi e contrari abbamanu, tiagiola Terminologia scientifica ts Etimo itl. asciugamano.