acíchidu, acíchiru , nm: assíchidu, atzíchidu, atzíchiru Definizione su tímere chi naschit totinduna po calecuna cosa chi s'intendhet o chi capitat, prus che àteru de dannu o chi podet fàere dannu, èssere perigulosa Sinonimi e contrari arrore, asciuconu, assàntiu, assicu, assúmbridu, assústidu, avrina 1, ilgiru, isprama, tzurrumbu Modi di dire csn: pigai a. = leare assustru; cídrinu de s'a.; a. légiu, forti = assuconu mannu Frasi genti chi andàt a cicai iscruxoxus anca ndi beniant macus de s'assíchidu! ◊ mi ndi seu pigau un'atzíchiru!…◊ nosu dh’eus biu nontesta cussu mustajoni, de unu cantu si moreus de s’acíchiru! ◊ intendhendho su gugúliu de is canes si fut istridhida po s'assíchidu Etimo srd. Traduzioni Francese peur Inglese fear Spagnolo susto Italiano spavènto Tedesco Schrecken.

asciucónu , nm: assuconu 1, assúconu, assúcunu Definizione isprama, assíchidu chi unu provat candho dhi acontesset totinduna ccn. cosa de tímere o chi timet, e fintzes sa trémia chi faet, sa timoria chi abbarrat a bisura de maladia tempus meda apustis Sinonimi e contrari acíchidu, apanteju, arrore, assàntiu, assàrtiu, assucononzu, assucu, assúmbridu, assústidu, ilgiru, ispantu, ispàsamu, isprama, tzurrumbu Modi di dire csn: leare, pigare a. = fai sa sprama; ghetare asciuconu a unu = fai atzicai Frasi upas umanas atrigantadas de s'assuconu si chircant a s'apapu in miniera ◊ a s'assuconu sa pipa che li est illigigada dae buca ◊ pro s'asciuconu, sas guàrdias resteint che mortas ◊ e ca fiza tua est a gana mala mi faes pigare un'assúcunu gasi?! ◊ su Segnore lis at a ghetare asciuconu mannu! ◊ a issos si los at picados s'asciuconu 2. andu pretibreti ascultendu un'atrepillu, un'assúcunu 3. Antoni curaiat s'assúcunu Etimo srd. Traduzioni Francese frayeur, peur Inglese fright Spagnolo susto Italiano spavènto Tedesco Schreck.

asciústru , nm: assultu, assustru, assustu Definizione assíchidu mannu / dare a unu s'abba de s'assustru = dare abba a bufare a chie at collidu assustru, ca li faghet bene Sinonimi e contrari acíchidu, assústidu, timoria Frasi vos at a uchídere s’asciustru! ◊ at collidu asciustru: pórrili una tassa de abba!◊ si a denote biet cuss'irmustru calicunu de coro pacu forte, massestat, ndhe morit de s'assustru! (G.A.Solinas)◊ ti pesso currendhe a fuidura cun s'assustu de rúere ◊ a sa pitzinna li ant fatu mandhicare carchi cosa pro si torraret dae s'assustu Etimo srd. Traduzioni Francese grande frayeur Inglese strong fright Spagnolo susto Italiano fòrte spavènto Tedesco großer Schreck.

assústidu , nm Definizione assíchidu mannu, timoria meda Sinonimi e contrari acíchidu, arrore, asciuconu, asciustru, assàntiu, assàrtiu, assúmbridu, ilgiru, ispàsamu, isprama Etimo srd. Traduzioni Francese grande frayeur Inglese fear Spagnolo susto Italiano spavènto Tedesco Schreck.

atraghéntu , nm: atreghentu, atrighentu, treghentu Definizione arrumóriu, carraxu, avolotu mannu de boghes, tzérrios e sonos, fintzes timoria manna meda Sinonimi e contrari abbolotu, biuldu, carralzu, chimentu, irburbutzu, tremutu / cdh. strallatu Frasi in su tzilleri est finidu s'atreghentu, si sunt totu ritirados ◊ su tronu faghet atreghentu ◊ avita a sos minores s'atreghentu! ◊ bos giambet in discansu dogni atreghentu! ◊ intendhes s'atreghentu e istruendu, sos istragos de pérfidas ischeras? (P.Casu) Etimo srd. Traduzioni Francese vacarme, tumulte Inglese dismaying uproar Spagnolo alboroto, susto Italiano frastuòno che sgomenta, strèpito Tedesco Getöse, Lärm.

ilgíru , nm Definizione assíchidu forte de ndhe furriare is crebedhos, de si ammachiare Sinonimi e contrari acíchidu, arrore, asciuconu, assàrtiu, assúmbridu, assústidu, isprama / ischíssiu Frasi ca piús miras piús ndh'as ammiru e piús vides piús creschet vista piús cumprendhes piús ndh'as ilgiru (P.Casu)◊ sendhe gai afritzadu rie rie, sempre martirizadu e in ilgiru, dultze pinneta, so torradu a tie ◊ s'ammentu, s'ilgiru de sos parentes fit peus terrore pro sos sordados in sa gherra Etimo srd. Traduzioni Francese terreur Inglese fright Spagnolo susto fuerte Italiano atterriménto Tedesco Erschrecken.

timoría, timória , nf: timuria, timúria Definizione prus che àteru, su tímere, su istare timendho / intrare t., pònnere t. = cummentzai a tímiri, fai a tímiri Sinonimi e contrari pagura, paguria, timinzu | ctr. coragi Frasi dhis fut intrada a totus una grandu timoria ◊ sos astudhos pigant piús pro sas timorias chi no pro sos bonos sentimentos ◊ una timoriedha megat de mi pigai!…◊ si ponit peri a fai su mortu margiani po mi ponni timória ◊ sa timoria li lebabat binta Etimo srd. Traduzioni Francese peur Inglese fear Spagnolo miedo, susto Italiano paura, spavènto Tedesco Furcht, Schreck.

tzurrúmbu , nm Definizione pauria manna, timéntzia chi si provat de un'improntu, a s'ingrundha Sinonimi e contrari acíchidu, asciuconu, assicu, assúmbridu, assústidu, isprama Traduzioni Francese peur soudaine Inglese fright Spagnolo susto Italiano spavènto, paura violènta e improvvisa Tedesco Schreck.

«« Cerca di nuovo