A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ascamàre , vrb: oscomare Definizione àere àscamu, grisu, ischifu, po calecuna cosa; pigare sa cosa o pigare a unu coment’e ascamosu, chi faet ischifu Sinonimi e contrari aconare, afastiai, agrungiai, colloviare, ilvilire, iserare, istomacare, tolocare / ghelestiare, grisai 1, ischifare, ispucire | ctr. desizare 2. si fis tambedhadu dae su trambustu, ascamadu de viles afaristos, semper su cantu ti det dare gustu ◊ est totu ascamadu servendhe s'ammàniu de cudha lodhinosa Traduzioni Francese dégoûter Inglese to nauseate Spagnolo nausear Italiano nauseare Tedesco ekeln.

ascamíle , agt, nm Definizione chi o chie faet o ndhe tenet àscamu, persona de dispretziare Sinonimi e contrari afastiadori, argamile, ascamosu, ascherosu, ascosu, ghelestiosu, ischifosu, pullinu, stogumosu Frasi totu lu depent ischire ite ascamile che amus! ◊ no mi at mamma mia parturidu pro bàtoro ascamiles de drogados ◊ sos peus ascamiles lu faghiant rúere Etimo srd. Traduzioni Francese nauséabond Inglese loathsomenss, nauseating Spagnolo asqueroso Italiano nauseante, schifézza Tedesco ekelhaft, Ekelhaftigkeit.

ascamilósu , agt Definizione chi ndhe faet s’àscamu, chi est unu grisu, nau pruschetotu de chie est avesu a fàere cosas disonestas Sinonimi e contrari ascamile, ascamosu, ascherosu Frasi custu mundhu revessu, ereze, ascamilosu, at su coro pilosu pro èssere gai cumbessu? (G.Ruju)◊ totu sezis a una tèmpera, ascamilosos de su logu! ◊ a custu ascamilzu ascamilosu, púdidu e infadosu, li meritat peus de gai! Terminologia scientifica ntl Etimo srd. Traduzioni Francese dégoûtant Inglese disgusting Spagnolo asqueroso Italiano làido, schifóso Tedesco widerlich, ekelhaft.

ascamílzu , nm Sinonimi e contrari ascamile, ascamosu, ascherosu, ascosu, ischifosu Frasi a custu ascamilzu ascamilosu bi l'apo fatu ca li meritàt! Etimo srd.

ascamósu , agt, nm Definizione chi o chie tenet àscamu, ischifu, de is cosas; chi o chie ndhe faet s'àscamu, est unu grisu po su brutore chi portat Sinonimi e contrari afastiadori, ascamile, ascherosu, ascosu, ghelestiosu, ischifosu, pullinu, stogumosu Frasi fit ascamosu, ma candho at bidu sos àteros manighendhe isse puru at manigadu 2. ascamosos faularzos chi no sunt àteru! ◊ s'ozu de merlutzu tenet sabore ascamosu Terminologia scientifica ntl Etimo srd. Traduzioni Francese nauséabond Inglese sickening Spagnolo asqueroso Italiano nauseante, stomachévole Tedesco ekelhaft.

àscamu , nm: òscoma Definizione genia de disgustu o gana lègia chi si provat po cosas chi no praghent Sinonimi e contrari afàstiu, aschiore, ascru, gheléstia, grisu, ischifu Frasi fit totu brutu chi ndhe faghiat s'àscamu ◊ mi faghet àscamu a manigare sa peta crua ◊ su betzu a tremulea, in dolos mannos, a fizu e nura àscamu faghiat (Chighine) Etimo srd. Traduzioni Francese dégoût Inglese disgust Spagnolo asco Italiano ribrézzo Tedesco Ekel.

ascàre , vrb: escare Definizione provare ascu, grisu, ischifu po calecuna cosa Sinonimi e contrari abbolotai, aconare, afastiai, agrungiai, ascamare, aschiare*, colloviare, isbolotiare, istomacare.

ascàre 1 , vrb Definizione cagiare, nau de su sambenedhu; fàere macarrones tundhos o mallaredhos de símbula.

ascendiài , vrb: iscendiai, scendiai Definizione su ndhe fàere o naschire su pipiu Sinonimi e contrari iglierare, infendiai*, insinnigare, palturire, springiai.

ascensciòne, ascensiòne, ascensiòni , nf: assensione, assentzione Definizione sa festa chi arregodat s’artzada de su Segnore a is Chelos, a is baranta dies de Pascamanna: dhue at bidha chi narant pasca de s'assensioni a sa Pasca rosada o de fiores Sinonimi e contrari ischiscione 1 Etimo itl. Traduzioni Francese Ascension Inglese ascension day Spagnolo Ascensión Italiano ascensióne (fèsta) Tedesco Himmelfahrt.

ascensòre , nm Definizione in is palatzos mannos o àteros fàbbricos mescamente artos (o ue si dhue artzat e calat cosa meda o malàidos, antzianos), genia de cabbina a motore po artzare e calare gente e cosa de unu pianu a s’àteru.

ascèta , nf: isceta*, scelta.

ascherósu , agt Definizione chi faet àscamu, chi batit sa gana lègia Sinonimi e contrari afastiadori, ascamile, ascamosu, ascosu, irghelestiosu, ischifosu, pullinu, stogumosu Etimo spn. Traduzioni Francese nauséabond Inglese disgusting Spagnolo asqueroso Italiano nauseante Tedesco ekelhaft.

àschia , nf: àscia 2 (à-scia e à-sci-a) Definizione su fusu de su carru; assaedhu, tacita o turnu de is serros, de cernera, de frontissa, de fircis e cosas deasi, su mascu de is grofales / úngiri s’àscia = dare un'ammustru, fàghere carchi regalu a ccn. pro ndhe àere carchi piaghere Sinonimi e contrari fusu / assaedhu Frasi s'orroda de suta de su mólinu portiat un'àschia de ferru chi artzàt a susu inue portiat s'àtera orroda ◊ at fatu laurai una bella àscia de carru de coru de íxili Etimo ltn. axis Traduzioni Francese pivot, tourillon Inglese pivot Spagnolo perno, espiga Italiano pèrno Tedesco Zapfen.

àschia 1 , nf Definizione aina adata po arrasigare is carradas a parte de aintru Sinonimi e contrari raschiolu.

aschiài, aschiàre , vrb Definizione àere àscamu Sinonimi e contrari abborrèschere, afeai, ghelestiare, grisai 1, ischifare, tolocare Etimo spn. asquear Traduzioni Francese éprouver du dégoût Inglese to loathe Spagnolo asquear Italiano nauseare, avére schifo Tedesco anekeln.

àschida àlchida

aschidàre alchidàre

aschídha , nf Definizione genia de erba chi asuta faet a conca che a sa chibudha Sinonimi e contrari abridha, ambridha, aspidha, scruidha Terminologia scientifica rba, Charybdis maritima.

àschidu àlchida