Ditzionàriu in línia
de sa limba e de sa cultura sarda

poétu , nm Definition pou, putzighedhu pitichedhedhu (in logu de fognas, de cundhutos e tubbos de abba) Etymon ctl. pouet Translations French petit puits, fosse d'écoulement à l'égoût English well Spanish hoyo, pozo Italian pozzétto German Abzugsgrube.

poltellítu , nm: portalitu, portallitu, portellitu, portillitu Definition portighedha pitica, parte de una genna manna o de una fentana po tupare is imbidros (fintzes sa tabedha de su lacu de sa mola) Synonyms e antonyms fonestu, importoglitu, isperàglia, pantelitu, portedhu, portoritu Sentences sos poltellitos de su tauladu de su sostre ◊ fiat totu pesa e croca, castiendi me is isperraduras de su portallitu ◊ iat criau bèni su portellitu de s'enna ◊ su canariedhu si nci fiat fuiu ca iant lassau su portillitu de sa càbbia obertu Etymon spn. portillito Translations French petit volet, porte English shutter Spanish postigo, portillo Italian scurétto, portéllo German Fensterladen, kleine Tür.

pontíca , nf, nm: ponticra, pontiga, pontigra, pontija, pontixa, pontrica, pontricu, pontriga Definition in is errios, genia de pontighedhu, fintzes tàula, pedra o àteru, chi si ponet tanti de pònnere is peis e pòdere passare de una parte a s'àtera chentza s'isciúndhere, in tretos de pagu abba, fintzes tretu chi faet a passare; in cobertantza, css. cosa chi faet de ponte, chi agiudat a passare, a lòmpere Synonyms e antonyms giampadorzu, pontíglia, pontinu 2 Sentences una pontica betza, unu traghinu addasiau, su murmutu de s'abba…◊ sa die fia passadu sa prima borta in sa pontriga subra de su riu 2. tue ses sa pontica de sa bida ◊ alla cudhane, tra chercos e laros, sa pontixa de sa vida: a s'àter'ala in cue giampo? (A.M.Pinna) Etymon ltn. pontic(u)la Translations French petit pont, passerelle English footbridge Spanish pasarela, puente pequeño Italian ponticèllo, passerèlla German Steg, Laufsteg.

púpu , nm Definition pipiedhu de naschidórgiu, ma fintzes de calecunu annu / min. pupitu Synonyms e antonyms creadura, criatone, fizaredhu, pipiu Sentences passendhe tremulades s'ervutza e sa foza che carignu innotzente de pupu risulanu ◊ ant àpidu su pupu apenas nadu ◊ anninnia, pupu bellu, chi ses bellu chei s'oro! Etymon ltn. pupus Translations French petit enfant English baby, child Spanish criatura, niño Italian bimbo German Kind.

rezólu , nm: arrentzolu*, irritzolu, risolu, ritzolu, rizolu Definition erriu pitichedhu Synonyms e antonyms arriixedhu, ribitolu, tàcinu Sentences cudhos límpios risolos de prata si sunt imbertos in tulungros (P.Delussu)◊ fit zona rica de ortos, de mulinos e de rezolos de abba bona Scientific Terminology slg Translations French petit ruisseau English brook Spanish riachuelo, arroyuelo Italian rigàgnolo German Bächlein.

ricordínu , nm Definition immaginedha chi si faet e giaet, donu po arregodu prus che àteru de unu mortu a sa missa de su mese o de s'annale Synonyms e antonyms cdh. rigóldia Translations French petit souvenir English souvenir Spanish regalo, obsequio, detalle Italian ricordino German Aufmerksamkeit.

rísida , nf Definition su erríere, iscracaliada o pasta de errisu Synonyms e antonyms iscacagliada, iscacàgliu, iscacaratzu, iscracanzu, iscracaxu / cdh. risaredha Sentences est de una rísida ischifosa! ◊ li fruscieit in orijas una rísida manna Etymon srd. Translations French éclat de rire, petit rire English laughter, small laugh Spanish risotada, carcajada, risilla, risita Italian risata German Lachen, unterdrücktes Lachen.

sàdhidu , nm: sàdhiu Definition trémia, iscutulada, brínchidu chi si faet mescamente candho unu si assicat totinduna, a s'ingrundha / andai a sàdhidus = donai sédhidas, andhare a brincos che a su lèpere Synonyms e antonyms bótiu, brinche, brínchidu, sadhimentu, sàltidu, scianchitu, sédhida, sídhidu / fritida, trémida / atídhidu Sentences at fatu unu sàdhiru po s'acíchiru ◊ iscudet de sàdhiu e che brincat a cropas de su cadhu Etymon srd. Translations French tressaillement, petit saut English jump, sudden fright Spanish sobresalto Italian trasaliménto, saltèllo German Zusammenschrecken, Hupfer.

serpellúcu , agt, nm: tzerpellucu Definition cerpiu, bobboi, nau meda po piciochedhu ifadosu, unu pagu malu Synonyms e antonyms disatineri, mauchedhu, petziotu, pigliete Sentences mangallu de piciochedhu, serpellucu malu, si at fatu unu trincu! ◊ serpellucu malu, bai ca babbu tuu ti dhu donat in costas su súcuru! Translations French petit polisson English rascal Spanish pícaro, golfillo Italian monèllo German Lausbube.

sorighítu , nm Definition min. de sórighe, sórighe piticu, tonighedhu Synonyms e antonyms topixedhu Translations French petit rat English small mouse Spanish ratoncito Italian topolino German Mäuschen.

surtidédhu , nm Definition min. de súrtidu, dormia de pag'ora Synonyms e antonyms drommidedha, surtighedhu Translations French petit somme English doze Spanish siesta Italian sonnellino German Schläfchen.

tàca , nf, nm: tacu Definition logu artu e in paris in pitzu, mescamente orroca sola, logu de orroca arta totu a inghíriu Synonyms e antonyms giara, gollei, ibba, pranedha 1 / tecu, toneri, texile Sentences sas abbas a bàsciu terra falant dae sos tacos de Diosa ◊ su tacu ainca funt is domus de gianas est unu pranu calcàriu assurcau de is errius Scientific Terminology slg Etymon srdn. Translations French petit plateau rocheux English small rocky tableland Spanish pequeña meseta rocosa, peña llana Italian tacco, pìccolo tavolato roccióso German felsiges Tafelland.

tàcinu , nm Definition logu a fossu inue curret abba, trainedhu; logu a badhigu Synonyms e antonyms arrentzolu, arriixedhu / bacu Sentences cussu nci essit tàcinu tàcinu Etymon srdn. Translations French petit ruisseau, rigole English rivulet Spanish riachuelo Italian rigàgnolo German Rinnsal.

tímpanu , nm: trímpanu Definition genia de tumborru, est un'umpedhu de ortigu (a bisura de casidhu, cilíndricu), tupau a una parte cun pedhe de cane istampada in mesu in mesu, cun d-una tricighedha de pilu de cuadhu in pitzu, istirada de unu costau a s'àteru de s'umpedhu: in s'istampu de sa pedhe si faet passare un'ispau, chi comente si tirat sonat frigandhodhu a pódhighes; parte de mesu de s'origa, aintru, tupada a parte e àtera cun d-unu pigighedhu fine fine e tundhitu de pedhe (ma si narat fintzes de custu etotu) Synonyms e antonyms túnchiu 1 Idioms csn: giúghere a unu che tímpanu in ballu = èssere sa befe de totugantos; portare a unu che trímpanu in festa = leare a corpos Scientific Terminology sjl, crn Etymon itl. Translations French petit tambour, tympan English eardrum, kettledrum Spanish tímpano Italian tamburétto, tìmpano German kleine Trommel.

trechínzu , nm: trichíngiu, trichinzu, trighignu, trighinzu Definition nau de bidha, bidhighedha, bidha pitica, medau de una pariga de domos o fintzes bighinau; chedha de animales / Sos Trighinzos = sa leada de Ispollatu, Su Burgu e Bótidha in Sa Costera Synonyms e antonyms bichinadu, bidhichedha, bidhiciolu, bidrinzu, furriadolzu, leada, madau / arbutzu, assorte, cedha, fiotu, grústiu, tropedhu Sentences canno fut biu babbai, Désulu fut divisu in tres trighignos 2. tenet unu trighinzu de erveghes Etymon ltn. tricinius Translations French quartier, petit troupeau English neighbourhood, little herd Spanish barrio, rebaño pequeño Italian rióne, pìccolo grégge German Statdviertel, kleine Herde.

trillítu , nm Definition sonàgia pitichedhedhu chi si ponet a unos cantu animales apicada a su tzugu mescamente a trintzilleri, a collana, po is festas Synonyms e antonyms caciolu, dringhígliu, ischíglia, sonagiolu Scientific Terminology snl Translations French petit grelot English little harness-bell Spanish cascabel, campanilla Italian sonaglino German kleine Schelle.

trinnítu , nm Definition sa sonàgia prus pitica chi si ponet a su bestiàmene (prus che àteru a is angiones) Synonyms e antonyms chícula, tintinnu, tríchili, tringhitu, trinnedhu Scientific Terminology snl Etymon srd. Translations French petit grelot pour agneaux English lamb harness-bell Spanish esquila Italian sonaglino per agnèlli German kleine Schelle.

tumbarédhu , nm Definition tumborru piticu; casidhu Synonyms e antonyms tumbarinu Sentences fit che cane presu e postu a isfamigare pro ndhe otènnere sa pedhe lanza pro fàghere tumbaredhos Scientific Terminology sjl Translations French petit tambour English small drum Spanish tamboril Italian tamburétto German kleine Trommel.

turronète , nm Definition turrone segau e imbodhigau a orrughedhos piticos Synonyms e antonyms turronedhu Translations French petit nougat English small torrone Spanish trozos de turrón Italian torroncino German kleiner Nougat.

tzacarrète , agt, nm Definition piciochedhu chi istat giaendho ifadu Synonyms e antonyms bagiariotu, brisca, petziotu, pigliete, serpellucu, tribbuletu, tzacarredhu Sentences unu tzacarrete fit apretandhe a corpos de frunzita unu fiotu de crabas essindhe a pàschere Translations French petit polisson English rascal Spanish granujilla Italian monèllo German Spitzbube.