Ditzionàriu in línia
de sa limba e de sa cultura sarda

abboghiàda , nf: abboghinada Definition su abboghinare, su tzerriare, fintzes boghe tzerriandho Synonyms e antonyms bérchida, boche, giúilu, intzérriu, làmidu Etymon srd. Translations French cri, hurlement English cry, shout Spanish grito Italian urlo German Schrei.

abélidu, abéliu , nm Definition su apedhare o guguliare de is canes; foedhandho de gente, boghes de dolore; idea fissa, violu, oriolu Synonyms e antonyms agrugu, agúriu, giàngiulu, gruju, gurrúliu, órulu, zàrulu / pedine 3. ndi teneis unu de abéliu po sa binnenna!…(E.Nieddu) Scientific Terminology bga Etymon srd. Translations French hurlement English howl Spanish aullido, queja Italian ululato, guaito German Heulen, Klage.

addorojàda , nf Synonyms e antonyms abboghiada, addorojamentu, bérchida, boche, cérriu, grida Etymon srd. Translations French hurlement de souffrance English cry Spanish grito de dolor Italian urlo di dolóre German Geheule.

agrúgu , nm Definition boghe de animale, mescamente su gúgulu de su cane; fintzes boghe de persona pranghendho Synonyms e antonyms gruju, gurrúliu, órulu Sentences s'agrugu de su cani 2. est a agrugus tzerriendi ca dhi est mortu su mairu ◊ scerau, cussu piciocu: est mortu a agrugus! Scientific Terminology bga Etymon srd. Translations French hurlement English animal howl Spanish grito de animal, gañido Italian urlo animalésco German Schrei, Heulen.

arrúlliu , nm Definition genia de apedhare chi faent is canes, a boghe longa Synonyms e antonyms abélidu, agrugu, gruju, gurrúliu, órulu Sentences s'intendit arrúlliu de canis ◊ a illargu s'intendiat s'arrúlliu de unu cani Scientific Terminology bga Etymon srd. Translations French hurlement English howl Spanish aullido Italian ùlulo German Heulen.

cérriu , nm: intzérriu, tzérriu* Definition boghe chi si betat naendho su númene de ccn., pedindho agiudu, a lamentu forte, a brigare, fintzes solu foedhandho in artu meda Synonyms e antonyms abboghiada, addorojada, bérchida, boche, giúilu, grida, ingargu, ingrídulu, irgràmiu, istríulu, làmidu, tírriu Sentences dhi at ghetau unu cérriu… s'est trémiu paris! ◊ cussu candu fuedhat est sempri a cérrius Translations French hurlement, cri English shout, cry Spanish grito Italian urlo, grido German Schrei.

corróchinu , nm: corrónchinu, corróghinu Definition boghe o tzérriu de animale, de gente, de bentu forte / prànghere a c. = a boghes, a tzérrius Synonyms e antonyms corrinu, múghilu, órriu / boche, intzérriu, irgargu 2. arguai si sa mama no li colliat una frichinia de ite sisiat, ca ispapatabat su bichinau a corróchinos ◊ istronat in sas rocas de granitu su corróghinu mannu de terrore ◊ candho si est segherau de su chi bi fit sutzessu at cumintzau a corrónchinos ◊ cadhos de abba istant a múghidas e a corrónchinos in notes de pore 3. su bentu est a corróchinos che trabu ispojoladu e a órulos, in precas e in trocos Scientific Terminology bga Etymon srd. Translations French braiment, mugissement, hurlement English bray, moo, shout Spanish rebuzno, mugido, grito Italian ràglio, muggito, urlo German Iahen, Muhen, Schrei.

grúju , nm: gúriu, gurju Definition su grujai, gugúliu, sa boghe lègia prelongada de su cane, ma fintzes tzérriu pibinosu de pipiu Synonyms e antonyms abélidu, agrugu, arrunzu, gurrúliu, órulu / boche, grida Sentences s'intendit su gurju de su cani, s'intendit s'iscràmiu de s'istria 2. s'intendiat prantu de féminas e gúrius de pipius Scientific Terminology bga Etymon srd. Translations French hurlement English howl Spanish aullido Italian ululato German Heulen.

gurrúliu, gúrrulu , nm Definition boghe de animale ma fintzes de gente po dolore o dispraxere mannu Synonyms e antonyms abélidu, agrugu, gruju, órulu Sentences s'intendiat su gurrúliu ispantau de unu cani abbandonau 2. is féminas prangendu dh'acumpàngiant a gúrrulus Scientific Terminology bga Translations French hurlement English howl Spanish aullido Italian ululato German Heulen, Geheul.

órulu , nm: úrrulu Definition genia de gugúliu de su cane, chi abbóghinat illonghiandho sa boghe, boghes unu pagu orrorosas de àteru animale (es. margiane); boghes, gridas de gente, moida forte a súrbiu, mescamente de is bentos / pesàresi a órulos Synonyms e antonyms abélidu, agrugu, coroju, giàngiulu, gràliu, gurrúliu, zàrulu / grida, ólchidu Sentences a s'órulu de su cane fint inie aes e feras ◊ s'intendhet órulos de catedhu ◊ parent órulos de mariane famiu 2. sa bidha fit torrata unu burdellu niedhu chin prantos, órulos, protestas e minetzas ◊ l'ant piantu a órulu in sa losa Etymon srd. Translations French hurlement, glapissement English shout, squeak Spanish gañido, aullido, grito Italian urlo, guaito German Winseln, Jaulen, Schrei.