agróniu , nm: agrúmiu, agrúniu Definition sa boghe de is pegos de bulu Synonyms e antonyms múghilu Sentences e búmbitus e agrónius e iscràmmius e isciarrocus e súrbius e borrocus e currúghinus e cónius ◊ s'agrúmiu dhu fait su bòi Scientific Terminology bga Etymon srd. Translations French mugissement English moo Spanish mugido Italian muggito German Muhen.

borràda , nf Definition su corrighinare, su corrighinu de is boes Synonyms e antonyms borrochinada, bórrida Scientific Terminology bga Etymon srd. Translations French mugissement English moo Spanish mugido Italian muggito German Muhen.

bórrida , nf Definition sa boghe pruschetotu de boes, bacas e vitellos Synonyms e antonyms borrada, borrógliu, múghilu Sentences sos carrales, a caloredhu a fogu, fint sonniendhe bacas rassas e bórridas de bijos ◊ sos traos sunt a bórridas ◊ in sos beranos, candho bigiaiant sas bachitas, sas bórridas poniant sa paura Scientific Terminology bga Etymon srd. Translations French mugissement English bellow Spanish mugido Italian mùgghio German Muhen.

borrighinàre , vrb: borrochinare, burruxinari Definition istare a corrighinos, a borróilos, nau prus che àteru de bestiàmene bulu / ite ses borrochinandhe?! = ita tenis a tzérrius?! Synonyms e antonyms abborriare, ammuilare, barroinae, borrare, borridare, corrighinare, corrinai, muniae Sentences is mallorus funt burruxinendi Etymon srd. Translations French mugir English to moo Spanish mugir Italian muggire German muhen.

corrighinàre , vrb: corriginare, corrochinare, corronchinare, currighinare Definition betare unu corrighinu, istare a corrighinos: si narat de is animales, e de sa gente puru in su sensu de abboghinare o tzerriare in debbadas Synonyms e antonyms abboghinare, ammuilare, barroinae, borrare, borrighinare, corraxinai, corrinai, irruilare Sentences su porcu est corrighinandhe ◊ currighinant che traos in begriles ◊ si pesant a toroju corrighinendhe che boes feridos ◊ s'aca corrighinanne a istedhos de s'aera e sos procos in su lanne de sa pastura anzena 2. corronchinare che trabu de Orra ◊ a ndhe as de s'àsiu de corrighinare!… Scientific Terminology bga Etymon srd. Translations French beugler English to bellow Spanish bramar Italian mugghiare, schiammazzare dei tòri German muhen.

corrinài , vrb: currinai, currinari Definition betare unu corrinu, corrighinos (su tzerriare de is boes), istare o èssere a corrighinos: si narat de animales e de gente puru Synonyms e antonyms abborriare, barroinae, borrare, borrighinare, corraxinai, irronchiare, corruxinai, mughilare 2. si est fuiu corrinendi che unu malloru Scientific Terminology bga Etymon srd. Translations French mugir English to moo Spanish mugir Italian muggire German muhen.

corrínu , nm Definition su tzerriare pruschetotu de is boes / prangi a corrinus = a boghes, a órrios, a corriolos; iscapai c. = lassare andhare un'órriu; corrinus de trumbita = sonos (de bandhidore) fatos a trumba Synonyms e antonyms bórriu, corrinamentu, corrúxinu, múghilu, muilada, órriu, orrúinu Scientific Terminology bga Etymon srd. Translations French mugissement English moo Spanish mugido Italian muggito German Muhen.

corróchinu , nm: corrónchinu, corróghinu Definition boghe o tzérriu de animale, de gente, de bentu forte / prànghere a c. = a boghes, a tzérrius Synonyms e antonyms corrinu, múghilu, órriu / boche, intzérriu, irgargu 2. arguai si sa mama no li colliat una frichinia de ite sisiat, ca ispapatabat su bichinau a corróchinos ◊ istronat in sas rocas de granitu su corróghinu mannu de terrore ◊ candho si est segherau de su chi bi fit sutzessu at cumintzau a corrónchinos ◊ cadhos de abba istant a múghidas e a corrónchinos in notes de pore 3. su bentu est a corróchinos che trabu ispojoladu e a órulos, in precas e in trocos Scientific Terminology bga Etymon srd. Translations French braiment, mugissement, hurlement English bray, moo, shout Spanish rebuzno, mugido, grito Italian ràglio, muggito, urlo German Iahen, Muhen, Schrei.

irruilàre , vrb Definition s'abboghinare o corrighinare chi faent is boes Synonyms e antonyms ammuilare, corrighinare Sentences de giúnghere già est ora, e no trascuras e, tenzendhe sos voes, los incoras: issos, mentres chi tue los alloras, irruilendhe abbivant sas alturas (P.Casu) Etymon srd. Translations French mugir English to bellow Spanish mugir Italian mugghiare del bue German muhen.

irrúilu , nm Definition corrighinu, sa boghe, su tzérriu de is boes; tzérriu mannu de chèscia, de dolore Synonyms e antonyms corrinu, múghilu / cérriu, grida Sentences sas bacas a irrúilos tucaiant pro allatare sos bigros ◊ dae sos ojitos isperieit una illampizada chi naraiat prus de un'irrúilu! ◊ s'intendhent sos irrúilos de su trau 2. est boghe chi no est piús ne úrulu e ne irrúilu, ma gridu ispaventosu e orrorosu ◊ irrúilos de ira e de arràbbiu disisperadu Scientific Terminology bga Etymon srd. Translations French mugissement English bellow Spanish mugido Italian mùgghio German Muhen.

ischemiàre , vrb Definition su muilare o borroinare de is bigos Synonyms e antonyms borridare Sentences ciuat sa tonca, créculat sa rana, ischémiat su biju, grígliat su grígliu Scientific Terminology bga Translations French mugissement du veau (jeune) English calf bellowing Spanish berrido Italian il muggire del vitellino German Muhen.

«« Search again