Ditzionàriu in línia
de sa limba e de sa cultura sarda

assupédhu , nm: supedhu* Definition su torrare àlidu a cropu, mancamentu de s’àlidu chi faet a chie pranghet a meda; bémida, respiru chi si faet a pelea Synonyms e antonyms acoramentu, atzuconamentu, singurtu, sucúturu, surpúliu, tzuconi, tzúcuri / afandha, assúpidu, bémida, irbúfida. Sentences

assúpidu , nm: assupu, súpidu Definition s'alenu chi s'intendhet in is bruncos o in prumones de chie respirat male (po maladia) o a forte (po pelea chi at leau) Synonyms e antonyms acalamamentu, afandha, afodogu, afogu, assenegu, assubentu, bémida, irbúfida, supedhu Sentences currendho a cuadhu intendhiat s'assúpidu de s'animale ◊ no dh'intendhes s'assúpidu de su minadore aferrau a s'orroca? (I.Patta) Etymon srd. Translations French essoufflement English breathlessness Spanish jadeo Italian affanno German Atemnot.

assúpra assúa

assuprída , nf: suprida Definition su assuprire o lòmpere a unu logu, ma mescamente su lòmpere, betare manu o giare a pitzu a unu o a calecuna cosa po atripare, furare, trebballare Synonyms e antonyms assuprimentu, benia / acirrada, acollada, afracada, colpu, infilipada, lómpia Sentences a s'assuprida mia deretu si est calladu ca no cheriat a l'intèndhere ◊ a s'assuprida totugantos ant saludadu su mastru 2. una bella assuprida li amus dadu oe, a su triballu: che ndhe amus fatu meda abberu! ◊ s'assuprida chi li at fatu lu at lassadu biaitu meru Etymon srd. Translations French assaut, attaque English attack Spanish asalto Italian assalto German Überfall.

assuprídu , pps, agt Definition de assuprire; fintzes fruniu, chi tenet o portat calecuna cosa chi serbit (es. ainas) Synonyms e antonyms arribbau, lómpidu / forniu 2. istat mezus cue chi no in su bàntzigu, ancus chi assupridu de tremata e de manta de lana ◊ messendhe fint bene assupridos de pedhes de nanti e de manighiles.

assupriméntu , nm Definition su assuprire, su bènnere; fintzes apretu, dificurtade Synonyms e antonyms acudida, assuprida, benia Idioms csn: pro a. = pro netzessidade, bisonzu; fàghere cosa in a. = impresse, a s'impressida Sentences s'assuprimentu de sa zente fit meda (P.Casu).

assupríre , vrb: suprire* Definition lòmpere a unu logu, lòmpere cun sa manu a una cosa, giare a pitzu a unu o a calecuna cosa (po fàere trebballu, atripare, furare o àteru); batire cosa, bènnere de cosa; contivigiare, fàere calecuna cosa; giare, aporrire Synonyms e antonyms acodie, arrivire, ciòmpere, cròmpere, lòmpere / agiudai, batire, donai, frunire | ctr. andai, tocai 1 Sentences no bi assuprimus a fagher dinari gai meda pro cussa còmpora ◊ a ite ora assuprides a bidha? ◊ in cussu bi at assupridu zente e barigada mi che est s'ora ◊ tropu in artu est cussa cosa e dae terra no assupro a la leare ◊ si ti assupro a fuste ti ponzo in tàulas de letu! ◊ li sunt assupridos a lu mazare, ca l'ant agatadu solu 2. in cudhu tempus de bisonzu issos mi ant assupridu ◊ dinari a nois no nos ndhe assuprit dae logu perunu 3. sas notíscias de s'argumentu mi las at assupridas tia Cubeddu de S'Ulumedu (G.Addis) Translations French survenir English to arrive, to throw oneself Spanish sobrevenir, lanzarse Italian sopraggiùngere, avventarsi German überraschend kommen.

assúpu assúpidu

assúra ansúra

assuràre assoràre

assuràu assoràtu

assurbitài , vrb Definition bufare a tzichedhu a tzichedhu Synonyms e antonyms ticare Sentences assurbita assurbita m'iscinitzas is venas, mi alluatzas, mi arbigas e mi ponis forrogu Etymon srd.

assurcadúra , nf: surcadura* Synonyms e antonyms sulcamentu.

assurcàe, assurcài, assurcàre assulcài

assurdidàde , nf Definition cosa, chistione o arrexonamentu chi no tenet sétiu, chi no torrat paris cun s'iscopu chi iat a dèpere tènnere, chi no cuncordat Translations French absurdité English absurdity Spanish absurdidad Italian assurdità German Sinnlosigkeit.

assúrdu , agt Definition chi no tenet sétiu, chi no torrat paris e antzis est a iscórriu cun s'iscopu chi tenet o chi iat a dèpere tènnere Synonyms e antonyms | ctr. lógicu Translations French absurde English absurd Spanish absurdo Italian assurdo German absurd.

assuriméntu , nm Synonyms e antonyms allurpidura, arràngulu, asuria, asurímini, isuria, limiore | ctr. bonugoro Etymon srd.

assuríu , agt: asuridu, asuriu, esuridu*, isoridu Definition nau de unu, chi iat a bòllere cosa meda, chi iat a bòllere totu isse, chi no iat a bòllere lassare nudha a is àteros; si narat fintzes in su sensu de sidiu meda Synonyms e antonyms abbramidu, àidu 1, allimitzidu, asuriosu, aulidu, codiciosu / aggantzadu, coghedhu, cringone, ingurdone, ispiceche, issotzigadore, limidu, pistricu, soridu, sulieri, susuncu, tzecosu / sedidu Sentences is bècius contant a is piticus custus contus po dhus imparai a èssiri ne trasseris e ne asurius ◊ torradindi a andai, istràngiu asuriu! 2. so torrau a custa terra ammaghiada che ómine asuriu Scientific Terminology ntl Translations French avide, usuraire English usurer, avid Spanish ávido, usurero Italian àvido, usuràio German gierig.

assurràda , nf Synonyms e antonyms banzu, surra Etymon srd.

assurragàre assorrogàre