Ditzionàriu in línia
de sa limba e de sa cultura sarda

isconcàda , nf: isconcata, sconcada Definitzione cropu giau cun sa conca; decisione leada chentza istare pentzandhodhoe meda / dare isconcadas a boinu = iscúdere a conca bassa Sinònimos e contràrios atumbada, istumbada / aconcada, acucada, ancada, ciancarronada, isconchinada, meleda 2. no ia dépiu fàere custa isconcada, no mi fui dépiu pònnere cun custa gioventude! ◊ su piciochedhu fut timendho a dhu brigare po s'isconcada chi iat fatu Ètimu srd. Tradutziones Frantzesu coup de tête Ingresu butt, header Ispagnolu cabezazo Italianu testata Tedescu Kopfstoß.

iscónchinu , nm: iscónchiu Definitzione móvia de sa conca a cropu, mescamente candho unu no est de acórdiu cun su chi est intendhendho Sinònimos e contràrios conchinada, isconchinada, isconchizada, isconchizu, sconchiada Frases cudhu andai pistabista, feriveri, arrósciu oi de custus, cras de cudhus, a iscónchius, a murrúngius ◊ candho dhi narant cosa istat a iscónchios de conca ma no arrespondhet Ètimu srd. Tradutziones Frantzesu désapprobation d'un signe de tête Ingresu headshake to dissent Ispagnolu negación con la cabeza Italianu mòssa del capo per dissènso Tedescu mit dem Kopf ablehnen.

iscopetàda , nf: iscupetada, scupetada Definitzione cropu, isparu de iscupeta Sinònimos e contràrios archibbusada, fusilada, ischibbusada Tradutziones Frantzesu coup de fusil Ingresu shot Ispagnolu escopetazo Italianu schioppettata Tedescu Büchsenschuß.

iscorriàda , nf: iscorriata, iscurriada, scorriada Definitzione cropu de corria, de foete o fintzes de àteru; segada, segadura in s'orrobba Sinònimos e contràrios aciotada, illatigada, iscorriolada / dannu, irbrúnchiu, iscórriu, male Maneras de nàrrere csn: onzunu picat s'i. sua = onzunu tenet sos males suos; i. de fogu = pampada Frases a su fizu li at dadu un'iscorriada de tzinta ◊ li at allutu sa cara chin d-un'iscorriada de chicone 2. no bastat su tzàpulu a s'iscorriada 3. si nche intenniant sos cànticos e sas iscorriatas de sonete dae unu capu a s'àteru de sa vidha ◊ comente finit de narre su frastimu, cudhu piciochedhu at giau un'iscorriada de fogu e ispariu: fiat su maschinganna! Ètimu srd. Tradutziones Frantzesu coup de fouet Ingresu stroke Ispagnolu azote (m), latigazo Italianu frustata Tedescu Peitschenhieb.

iscratzadúra , nf Definitzione su iscratzare, su segare cosa (es. cambos) a tiradura, a isperradura (in sa frochidha) Sinònimos e contràrios iscosciadura Ètimu srd. Tradutziones Frantzesu fente de branches Ingresu breaking by drawing Ispagnolu arranque Italianu scosciatura Tedescu Abbrechen von Zweigen.

iscravadúra , nf Definitzione su iscravare Sinònimos e contràrios iscravamentu | ctr. inclavadura Ètimu srd. Tradutziones Frantzesu action de déclouer Ingresu unnailing Ispagnolu desclavamiento Italianu schiodatura Tedescu Aufnageln.

iscubidalàda , nf: iscuitalata Definitzione cropu giau cun su cuidu Sinònimos e contràrios iscúbidu, iscuidada Frases fint totu a iscuitalatas pro s'impercare ◊ donzi tantu nche li porria un'iscubidalada a brente e tandho s'ischidabat Ètimu srd. Tradutziones Frantzesu coup de coude Ingresu elbowing Ispagnolu codazo Italianu sgomitata Tedescu Stoß mit dem Ellbogen.

iscubidalàre , vrb: iscuitalare Definitzione giare cropos de cuidu Sinònimos e contràrios incuidare, iscuidare 1 Ètimu srd. Tradutziones Frantzesu donner des coups de coudes Ingresu to elbow Ispagnolu codear Italianu sgomitare Tedescu mit dem Ellbogen stoßen.

iscuidàda , nf: iscuvidada, scuidada Definitzione cropu giau cun su cuidu Sinònimos e contràrios incuidada, iscubidalada Frases mi desit un'iscuidada ◊ si no rispondhia a tonu fit un'iscuidada bene dada! Ètimu srd. Tradutziones Frantzesu coup de coude Ingresu push with the elbow Ispagnolu codazo Italianu gomitata Tedescu Stoß mit dem Ellbogen.

iscuidàre 1 , vrb: scuidai Definitzione giare cropos de cuidu Sinònimos e contràrios incuidare, iscubidalare Frases tra frades no s'iscuidant pari pari ◊ iscuidendhe e a cumbata che lu cravo in su puntu giustu pro iscultare Ètimu srd. Tradutziones Frantzesu donner des coups de coudes Ingresu to elbow Ispagnolu codear Italianu sgomitare Tedescu mit dem Ellbogen stoßen.

iserbónzu , nm: iservonzu Definitzione su iserbare, su ndhe bogare s'erba a tiradura de arraighinas Sinònimos e contràrios innetiadolzu, isarghera, iselvinzu, iserbadura, issiligognu, scabiscadura, scadradura Frases in s'iserbonzu nos cheret tempus ca su laore est brutu meda de erba Ètimu srd. Tradutziones Frantzesu action de désherber Ingresu weeding Ispagnolu escarda Italianu diserbatura, disèrbo Tedescu Unkrautvertilgung.

iseredaméntu , nm Definitzione su fàere mancare a unu sa parte de su bene chi dh'iat a dèpere tocare de is mannos, su no dhi lassare interessu Sinònimos e contràrios diseredamentu, iseretu Frases sos primos a si opònnere fint sos custrintos, pena sa pérdida de su faedhu e s'iseredamentu dai sos benes Ètimu srd. Tradutziones Frantzesu action de déshériter Ingresu disinheritance Ispagnolu desheredamiento Italianu diseredazióne Tedescu Enterbung.

iserétu , nm Definitzione su iseretare Sinònimos e contràrios diseredamentu, iseredamentu Frases s'iseretu si faghet una borta solu Ètimu srd. Tradutziones Frantzesu action de déshériter Ingresu disinheritance Ispagnolu desheredamiento Italianu diseredaménto Tedescu Enterbung.

isfilinzonàdu , agt Definitzione chi est totu iscorriau, a pendhiligiones Sinònimos e contràrios filatzigosu, iscorrioladu, lizinidu / cdh. sbalbaciulatu Frases rupet su muru, rujat sa chisura e che imberghet apalas de un'altura totu isfilinzonadu e munziadu Ètimu srd. Tradutziones Frantzesu couvert de lambeaux, déguenillé Ingresu torn in threads (to), frayed Ispagnolu deshilachado Italianu sfilacciato, sbrandellato Tedescu abgetragen, fransig, zerfetzt.

ismandroníre , vrb Definitzione lassare sa mandronia, fàere passare sa mandronia Sinònimos e contràrios smandronai, spreitzai | ctr. ammandronare, ammandronire Ètimu srd. Tradutziones Frantzesu guérir de la paresse Ingresu to act Ispagnolu desemperezarse Italianu spoltronire Tedescu die Faulheit austreiben.

ispatónzu , nm: ispatzóngiu Definitzione su ispatzare, illimpiamentu de una terra Sinònimos e contràrios ilmatadura, innetionzu, ispatadura, ispatzinzu, isputzucronzu, limpióngiu, matadura Frases in austu faia s'ispatzóngiu e in cabidanni su carríngiu (A.Barra) Ètimu srd. Tradutziones Frantzesu action de dégarnir un terrain des buisson Ingresu clearing of the bushes Ispagnolu desmonte Italianu decespugliaménto Tedescu Gestrüppentfernung.

ispèra 1 , nf: spera 1 Definitzione ràgiu de sole, filighedhu de lughe, súlidu de bentu lébiu lébiu: in is negas, nudha, mancu pagu pagu Sinònimos e contràrios luche / frina Frases sos ojos apenas iscanzados lassant passare un'ispera de lughe ◊ s'úrtima ispera de sole innantis de iscurigare 2. si sedent in carrera ue giòvanos bi at e antzianos a leare s'ispera (A.Casula) 3. est nighedha sa note, chene trata de luna: no si biet ispera! ◊ no bi at mancu un'ispera in cussu logu: su bestiàmine est morindhe de su fàdigu Ètimu ltn. spera Tradutziones Frantzesu rayon de lumière, rayon de soleil, souffle de vent Ingresu sunbeam, glimmer of light, breeze Ispagnolu rayo de sol, soplo de viento, brizna Italianu filo di luce, ràggio di sóle, àlito di vènto Tedescu Lichtbündel, Sonnenstrahlen, Windhauch.

isperantziàre , vrb: sperantzai Definitzione giare bonos ànimos, giare isperu o ibertu bonu Ètimu itl. speranzare Tradutziones Frantzesu donner de l'espoir Ingresu to give hope Ispagnolu esperanzar Italianu dare speranza Tedescu jmdm Hoffnung machen.

ispinghidúra , nf: spingidura Definitzione su ispínghere; manera de fortzare Sinònimos e contràrios ispinghinzu, ispinta, spintua Ètimu srd. Tradutziones Frantzesu action de pousser Ingresu pushing Ispagnolu empuje Italianu spingiménto Tedescu Schieben.

ispínu , nm: spinu Definitzione ischina de procu, sa petza de s'ischina (ambidhiola) impare cun is ossos (segada a orrugos po ndhe giare a parentes o bighinos) Frases candho uchidiant su mannale secavant sos ispinos de dare a sos parentes e amicos ◊ mandhaiant sos pitzinnos a giúghere sos ispinos a parentes o famílias amigas Ètimu ltn. spinus Tradutziones Frantzesu carré de porc Ingresu saddle of pork Ispagnolu lomo de cerdo asado Italianu àrista Tedescu Schweinsrücken.