Legenda Abbreviazioni | Legenda Simboli

degógliu , nm: dególliu, degollu, degorju, degullu, digógliu, tagollu Definizione istrópiu, dannu mannu meda fatu a gente, animales o cosas; moida, sonu forte Sinonimi e contrari bisestru, dannu, destrossa, idegollu, istralia, istrópiu, macedhu, sdegógliu / abbasatu, fracassu Frasi a fortza de degógliu e de fracassu crent chi si rimédiet s'errore (D.Mele)◊ fàcia de ghimisone isreguladu, cheres fàghere de àrias degógliu candho de ària as solu su respiru! ◊ chentu bardaneris falant a cadhu e intrant in bidha a fàghere bardana: unu degógliu, unu disacatu! ◊ za ndhe at fatu de degullu cussu bentu, in binza: che at betadu totu sa bide noa! ◊ sos fogos fuidos faghent degollu inue passant 2. s'intendhet degullu: abbàida no siant canes! ◊ mi ndhe at ischidadu su degógliu de sas undhas ◊ timiat su degógliu de sos isparos ◊ s'intenniat su degógliu de una sirena ◊ pro fàere essire is sibrones faiat meda degollu: pariat betandhoche a Deus de s'assétiu! ◊ s'intendhet unu degorju de abba de rivu ufratu 3. in domo si ndhe tzacat chentza falta e bi pesat degógliu Cognomi e Proverbi smb: Degogliu, Digogliu Etimo srd. Traduzioni Francese massacre Inglese massacre Spagnolo masacre (f), degüello Italiano strage, scémpio, massacro Tedesco Massaker, Blutbad.

istralía , nf Sinonimi e contrari destrossa, isperdimenta, macedhu, istragu, strossa Frasi totu nachi istant a su gherra gherra, bochendhe zente e fatendhe istralias Traduzioni Francese massacre, carnage Inglese massacre, slaughter Spagnolo masacre Italiano massacro, stermínio Tedesco Gemetzel.

macédhu , nm, agt: machedhu 1, maghedhu, masellu Definizione logu adatu a bochíere bestiàmene de fàere a petza a bèndhere (e fintzes su macellare etotu); butega inue bendhent petza; su maghedhare, bochíere, fàere a petza, a bisera Sinonimi e contrari bochidorju, caitza, carnatzeria, mocidórgiu / cdh. macedhu, ttrs. matzedhu / degógliu, destrossa, istralia Modi di dire csn: musca macedha = animale fatu a pessamentu, zenia de musca mala e manna meda, unu mostre de timire chi nachi punghet e bochit su cristianu…; mòrrere de musca maghedha = m. de apesta, de maladia apitzigadita; musca maghedha b'at!… = no dhui at própriu nudha! Frasi medas, a tallus che bestiàmini po su macellu, funt partius in guerra e no funt mai torraus ◊ a comporare petza a su macellu in cussu tempus pagu si andhaiat! 2. su martis fit die de masellu e de minuzos e de chentupuzones de bitellu chi los daiant agiummai a s’indonu 3. Neroni prenu de arrogantza in Roma fiat unu macellu Etimo itl. Traduzioni Francese abattoir, boucherie, massacre Inglese abattoir, massacre Spagnolo matadero, masacre (f) Italiano macèllo, massacro Tedesco Schlachthof, Schlachthaus, Gemetzel.

sagràstu , nm: sagrestu, seghestu, segrestu Definizione su segrestare, distrutzione de una cosa, dannu mannu fatu mescamente a segadura; catzigamentu meda chi faent animales mannos in logu de fàere dannu Sinonimi e contrari degógliu, destrossa, istralia, macedhu Frasi ite sagrastu chi ant fatu, cussos animales, in s'ortu! ◊ pòvera partorza ite sagrastu: barantaduos fizos in d-unu partu!…◊ sos binzateris, bidendhe su segrestu chi lis ant fatu duos burricos in binza, che los giughent a sa mandra comunale Etimo srd. Traduzioni Francese massacre, destruction Inglese massacre Spagnolo masacre Italiano massacro, distruzióne Tedesco Massaker, Zerstörung.

salína 2 , nf Definizione sale, ma nau in cobertantza in su sensu de degógliu, dannu mannu mescamente fatu a gente: mortes, disatinu mannu / ghetare sa s. a ccn. = pònniri in sali, ma nau in cobertantza in su sensu de dhi donai carda Sinonimi e contrari abbasatu, arruina 1, desacatu, iscarramatzina, iscràsamu Frasi odheu, inoghe che ant fatu sa salina: abbàida cussos duos mortos fatos a cantos! ◊ za bi l'ant fata sa salina, in campu: duos ómines ant mortu! Traduzioni Francese carnage, ruine Inglese break up, massacre Spagnolo carnicería, masacre Italiano carneficina, sfacèlo Tedesco Blutbad, Verwesung.

stràgu , nm: istragu* Definizione dannu mannu de bochíere gente o animales, distrúere totu; fastídiu mannu, pena forte, dispraxere Sinonimi e contrari distrubbu, dolore, matratamentu, pena / dannu, degógliu, desacatu Frasi is màrigas, a su biri custu stragu, atumbant apari e segaras si funt ◊ billas totu sa noti timendi chi margiani iscumpudiu ti fatzat stragu mannu ◊ sa morti ti at fatu stragu mannu in corti Traduzioni Francese massacre Inglese massacre Spagnolo masacre Italiano strage Tedesco Blutbad.

«« Cerca di nuovo