Ditzionàriu in línia
de sa limba e de sa cultura sarda

abbèlta , nf: abberta, aperta Definizione su abèrrere; filidura, isperradura in cosas tostadas coment'e is muros, sa linna, cimentu, fintzes me in sa terra candho est sicada meda / avb. faedhare, fàghere a s'a. = in manera crara Sinonimi e contrari afilada, afiladura, cannidura, filidura, irganzada, isperrada, tzacadura | ctr. serrada 1 Frasi a s'abberta de sos ojos chi apo fatu t'apo connotu ◊ a s'abberta de sa buca ti che ingullo! ◊ sa terra si unfrat a s'abberta de su semen chi si abbiat ◊ a cada aperta de buca, candho favedhabat issu, féminas e ómines l'acumpanzabant a cuncordu de tzocadas de manos Etimo srd. Traduzioni Francese lézarde, fissure Inglese crack Spagnolo apertura, abertura, grieta Italiano apertura, spacco Tedesco Öffnung.

afilàda , nf: filada 1 Definizione aperta longa, de pàrrere unu filu, chi si faet in linna, pedras, muros o àteru de tostau Sinonimi e contrari abbelta, afiladura, cannidura, filidura, isperrada, tzacadura Etimo srd. Traduzioni Francese fissure, lézarde Inglese cleft Spagnolo hendidura, grieta Italiano fenditura, fessurazióne Tedesco Spaltung.

afiladúra , nf: afilatura, fibadura* Definizione su si cannire, tzacare, filare de cosa tostada; genia de aperta, una síngia fine che filu, chi faet sa cosa tostada mescamente chídrina (linna, pedra, bidru) candho leat cropu o fintzes comente sicat; passada de pedra (o de àteru) po bogare s'atza a un’aina po segare Sinonimi e contrari abbelta, abbeltura, afilada, filidura, sinnigada, tzacadura / acutadura, arrodada, arrodadura Traduzioni Francese lézarde, fissure Inglese crack Spagnolo grieta Italiano crèpa Tedesco Spalt.

calpidúra , nf: carpidura, caspidura, crapidura Definizione genia de segada chi si dhue faet in sa carre o in cosas tostadas (pedra, linna o àteru deasi) Sinonimi e contrari abbelta, calpida, carfidura, fresadura, frísida 1, isperrada, secada, trapada / cdh. calpitura Frasi s'abba essit de una carpidura in su granitu ◊ su sole comente si àlciat illúminat onzi carpidura ◊ no lu podiant agatare in perunu chizolu, ne in peruna istampa e ne in peruna carpidura de sa zona Etimo srd. Traduzioni Francese fissuration, lézarde, fente Inglese cleft, spliting Spagnolo grieta, resquebrajadura Italiano fessurazióne, screpolatura Tedesco Spaltung, Riß.

cannidúra , nf Definizione segadura de cosa chídrina, tostada, deasi comente dha faet sa canna chi si aperit, ma chentza èssere segada deunutotu Sinonimi e contrari abbelta, afilada, afiladura, filidura, isperrada, schinnidura, tzacadura Frasi cussa broca zughet cannidura: no cheret posta chentza l'acontzare Etimo srd. Traduzioni Francese fêlure, fissure, lézarde Inglese cracking Spagnolo rajadura Italiano incrinatura, fenditura Tedesco Riss.

crebàda , nf: crepata, cribada Definizione su crebare; sa segada chi si dhue faet in sa cosa chi si tzacat; carda de arrennegu; foedhandho a disprétziu, cagada Sinonimi e contrari crebadura, tzacadura Etimo srd. Traduzioni Francese lézarde, crevasse, fêlure Inglese crack Spagnolo grieta Italiano crèpa Tedesco Riß.

crebadúra , nf: crepadura Definizione su crebare; manera de fàere (de segare) una cosa coment'e cosa crepandho o chi si crepat; s'afilada chi abbarrat de su crepare; nau de sonu o de boghe, chi essit a fortza, a pelea, e s’intendhet coment'e de cosa chi si crepat Sinonimi e contrari crebada, fibadura, scrafangiadura / ttrs. cribadura 2. de cussos cantantes bi ndhe at chi cantant a crebadura e no balent a nudha ◊ su pitzinnu est pranghindhe a crebadura ca sa mama l'at iscutu própiu pro no prànghere ◊ cussu triballu unu tempus si faghiat a crebadura: oe cun sas màchinas est prus discassosu Etimo srd. Traduzioni Francese lézarde, crevasse, fêlure Inglese fissure Spagnolo grieta Italiano crepatura Tedesco Riß.

schinnidúra , nf: schinnirura Definizione isperradura de cosa chídrina, tostada, deasi comente dha faet sa canna chi si aperit de longu, ma chentza èssere segada deunudotu Sinonimi e contrari abbelta, afilada, afiladura, cannidura, filidura, isperrada, tzacadura Frasi est iscorrovonendi sa fentana in dogna schinnirura ◊ sa luxi passat in is schinniduras de is portellitus de sa fentana Etimo srd. Traduzioni Francese lézarde, crevasse Inglese cleft, crack Spagnolo grieta, hendidura Italiano fenditura, lesióne Tedesco Riß, Beschädigung.

scrafangiadúra , nf Definizione su scrafangiai; iscrachedhadura, genia de segada o fresadura cun istésiu de is partes Sinonimi e contrari calpidura, crebadura, scrafàngiu Traduzioni Francese lézarde Inglese spliting Spagnolo resquebrajadura Italiano screpolatura Tedesco Riß.