A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

dannàghine , nf Definizione cresura de orruo Sinonimi e contrari dennaghe Etimo srd.

dannàgliu , agt, nm: dannalzu, dannàrgiu, dannarju, dannarzu Definizione chi o chie istat sèmpere faendho calecunu dannu, chie dhu tenet de avesu a fàere dannu, a furare Sinonimi e contrari dannaghe, dannaresu, dannigale, dannistu, dannosu, malandhanta / furone Frasi in cue bi at solu canes carràglios e imbreacones dannàglios ◊ oh, ses tue su dannarzu chi mi papas sos porcos a furinu! ◊ tue ses peus de cane dannàgliu, male pesau e male chischiu ◊ sa rana in sos ortos si mànigat sos bobbois dannarzos Etimo srd. Traduzioni Francese celui qui cause du dommage Inglese harmful, injurer Spagnolo torpe, dañino Italiano danneggiatóre, uso a comméttere danni, dannóso Tedesco schädlich, Beschädiger.

dannài , vrb: addagnai, dannare Definizione fàere dannu, male; betare una cundenna Sinonimi e contrari indomaxai, nòcere, scalabrai / cundennai Etimo ltn. damnare.

dannàlzu dannàgliu

dannàre dannài

dannarésu , agt, nm Definizione chi o chie istat sèmpere faendho calecunu dannu, chie dhu tenet de avesu a fàere dannu, a furare Sinonimi e contrari dannàgliu, malandhanta Frasi candho unu no atinat a nudha podet fàchere machíghines dannaresos ◊ dannaresu, candho che liu conto a babbu tuo zai ti l'assétiat sa tira!… Etimo srd.

dannàrgiu, dannàrju dannàgliu

dannarzàre , vrb Definizione fàere dannu, guastare, segare, distrúere Sinonimi e contrari bisastrare, guastai.

dannàrzu dannàgliu

dannasciòne, dannassiòne , nf Definizione su si pèrdere s'ànima in eternu.

danneficài , vrb: dannificai, dannificare Definizione fàere dannu, fàere male Sinonimi e contrari arroriai, dannai, nòcere Frasi su binu bufadu a tropu danníficat piús de su toscu piús perigulosu ◊ sos frutales sa temporada los danníficat candho sas àrvures sunt fioridas o puzonadas.

dannefícu , nm Sinonimi e contrari dannu, iscalàbru, roghina.

dannificài danneficài

dannificànte , agt Definizione chi noghet, chi faet male Sinonimi e contrari dannosu, deleadu, noxili | ctr. giuativu Traduzioni Francese nuisible, nocif Inglese noxious Spagnolo dañoso, dañino Italiano nocivo Tedesco schädlich.

dannificàre danneficài

dannigàle , agt Definizione chi o chie istat sèmpere faendho calecunu dannu, chie dhu tenet de avesu a fàere dannu Sinonimi e contrari dannàgliu, dannaresu, malandhanta Frasi bi est dannigale su colvu ambidhaju chi andhat cun s'untulzu e cun s'altore.

dannístu , agt Sinonimi e contrari dannàgliu Frasi dannistos e manighiles, custos políticos!

dannizàre , vrb Definizione fàere dannu Sinonimi e contrari addagnai, guastai, indomaxai, scalabrai Frasi ponedibbei cun aju a tentare, ca sas aes ti dannizant su gialdinu.

dannòi , avb Definizione de innoghe, dae inie, dae cue, dae custu o dae cussu mamentu Frasi su chitzi apu incarrerau de domu de sa picioca mia, aici dannoi a arribbai a domu de is àteras acudia a dha basai Etimo srd.

dannósu , agt Definizione chi faet dannu, male, chi noghet Sinonimi e contrari dannificante, noxili | ctr. giuativu, profetosu Frasi sos Sardos che ant bogadu custu dannosu inimigu ◊ sa musca est semper increscosa e dannosa e cheret bochida Traduzioni Francese nuisible, nocif Inglese noxious, hurtful Spagnolo dañino, nocivo Italiano dannóso, nocivo Tedesco schädlich.