A | B | C | D | E | F | G | H | I | J | L | M | N | O | P | R | S | T | TZ | U | V | X | Z

dannàghine , nf Definition cresura de orruo Synonyms e antonyms dennaghe Etymon srd.

dannàgliu , agt, nm: dannalzu, dannàrgiu, dannarju, dannarzu Definition chi o chie istat sèmpere faendho calecunu dannu, chie dhu tenet de avesu a fàere dannu, a furare Synonyms e antonyms dannaghe, dannaresu, dannigale, dannistu, dannosu, malandhanta / furone Sentences in cue bi at solu canes carràglios e imbreacones dannàglios ◊ oh, ses tue su dannarzu chi mi papas sos porcos a furinu! ◊ tue ses peus de cane dannàgliu, male pesau e male chischiu ◊ sa rana in sos ortos si mànigat sos bobbois dannarzos Etymon srd. Translations French celui qui cause du dommage English harmful, injurer Spanish torpe, dañino Italian danneggiatóre, uso a comméttere danni, dannóso German schädlich, Beschädiger.

dannài , vrb: addagnai, dannare Definition fàere dannu, male; betare una cundenna Synonyms e antonyms indomaxai, nòcere, scalabrai / cundennai Etymon ltn. damnare.

dannàlzu dannàgliu

dannàre dannài

dannarésu , agt, nm Definition chi o chie istat sèmpere faendho calecunu dannu, chie dhu tenet de avesu a fàere dannu, a furare Synonyms e antonyms dannàgliu, malandhanta Sentences candho unu no atinat a nudha podet fàchere machíghines dannaresos ◊ dannaresu, candho che liu conto a babbu tuo zai ti l'assétiat sa tira!… Etymon srd.

dannàrgiu, dannàrju dannàgliu

dannarzàre , vrb Definition fàere dannu, guastare, segare, distrúere Synonyms e antonyms bisastrare, guastai.

dannàrzu dannàgliu

dannasciòne, dannassiòne , nf Definition su si pèrdere s'ànima in eternu.

danneficài , vrb: dannificai, dannificare Definition fàere dannu, fàere male Synonyms e antonyms arroriai, dannai, nòcere Sentences su binu bufadu a tropu danníficat piús de su toscu piús perigulosu ◊ sos frutales sa temporada los danníficat candho sas àrvures sunt fioridas o puzonadas.

dannefícu , nm Synonyms e antonyms dannu, iscalàbru, roghina.

dannificài danneficài

dannificànte , agt Definition chi noghet, chi faet male Synonyms e antonyms dannosu, deleadu, noxili | ctr. giuativu Translations French nuisible, nocif English noxious Spanish dañoso, dañino Italian nocivo German schädlich.

dannificàre danneficài

dannigàle , agt Definition chi o chie istat sèmpere faendho calecunu dannu, chie dhu tenet de avesu a fàere dannu Synonyms e antonyms dannàgliu, dannaresu, malandhanta Sentences bi est dannigale su colvu ambidhaju chi andhat cun s'untulzu e cun s'altore.

dannístu , agt Synonyms e antonyms dannàgliu Sentences dannistos e manighiles, custos políticos!

dannizàre , vrb Definition fàere dannu Synonyms e antonyms addagnai, guastai, indomaxai, scalabrai Sentences ponedibbei cun aju a tentare, ca sas aes ti dannizant su gialdinu.

dannòi , avb Definition de innoghe, dae inie, dae cue, dae custu o dae cussu mamentu Sentences su chitzi apu incarrerau de domu de sa picioca mia, aici dannoi a arribbai a domu de is àteras acudia a dha basai Etymon srd.

dannósu , agt Definition chi faet dannu, male, chi noghet Synonyms e antonyms dannificante, noxili | ctr. giuativu, profetosu Sentences sos Sardos che ant bogadu custu dannosu inimigu ◊ sa musca est semper increscosa e dannosa e cheret bochida Translations French nuisible, nocif English noxious, hurtful Spanish dañino, nocivo Italian dannóso, nocivo German schädlich.