A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

dròdha, dròdhe , agt: drolle, drollo, drolloi, drollu, drou Definizione chi istat a trascuru in su bestimentu, unu de pagu giudu, chi si lassat pigare in giru o chi credet totu, chi no giughet crabbu / língua drolla = limba coment’e leada, chi no foedhat bene Sinonimi e contrari ciarollu, cocollodho, dangallone, dàngaru, giangalloi, immalisciadu, isconfusu, scanciofau, sgangagliau Frasi drodha, boles a ti nàrrede totu deo?! ◊ cussu fut un'ómini drollu e tontu ◊ no bastat ischifosu e mi naras drollo puru: arratza de arrespetu!… 2. dhi at infromigau totu sa camba, unu bratzu, sa faci a una parti e fintzas sa língua drolla portàt ◊ chi portas sa manu drolla, lassa sonai su sulitu a un'àturu! Etimo ctl. drolle Traduzioni Francese négligé, naïf, sot Inglese stupid, naive, slovenly Spagnolo desaliñado, descuidado Italiano sciatto, ingènuo, babbèo Tedesco nachlässig, einfältig.

drofínu derfínu

dròga , nf: (nr.saddroga) Definizione genia de sustàntzia chi si aciunghet a s'àrculu cun abba e tzúcuru po fàere licores; genia de meighina chi si giaet a su malàidu po dh'addromitiolare e, oe mescamente, genia de addrommitiolu chi idorruet sa persona de no ndhe bàlere prus a nudha fintzes ca faet a dipendhéntzia: in cobertantza, css. cosa chi faet a èssere sa persona fora de se coment'e imbriaga, de no cumprèndhere prus su giustu o no àere prus volontade 2. su berme in conca portes a forrogu e in sas manos sias cancaradu pro non tocare piús droga in logu (P.Bitto)◊ cussu est mali chi imbodhicat in sa troga parada, oi, de sa droga! Traduzioni Francese drogue Inglese drug Spagnolo droga Italiano dròga Tedesco Gewürz, Droge, Rauschgift, Droge.

drogadòre , agt, nm Definizione chi o chie drogat a s'àteru.

drogadúra , nf Definizione su drogare Etimo srd.

drogài, drogàre , vrb Definizione su pigare o giare droga Sinonimi e contrari abbelenare, alluchetare, ammarvanare, atossigai, intossigare Traduzioni Francese droguer Inglese to drug Spagnolo drogar Italiano drogare Tedesco würzen, Rauschgift verabreichen + Dat.

drogàu , pps, agt, nm Definizione de drogare; chi o chie si drogat 3. at intopadu unu cane molaju, unu drogadu chi l'at arruinadu.

droghería , nf Definizione butega inue bendhent drogas po licores.

drógliu , nm: trógliu Definizione fossu, poju o lurtzina de abba comente si ndhe faet apresu de is funtanas.

drogmànu dragumànu

drojadítu , agt Definizione chi si aumbrat, chi costumat a si assicare Sinonimi e contrari addojaditu*, apupaditu, assumbraditu, assumbrósigu, aumbraditu, drojanu, subidhosu | ctr. coragiosu Terminologia scientifica ntl.

drojànu , agt: addrojanu* Definizione chi si aumbrat, chi si atzicat Sinonimi e contrari addojaditu, apupaditu, assumbraditu, assumbrósigu, aumbraditu, drojaditu, subidhosu Terminologia scientifica ntl.

dròlla , nf Definizione foedhandho de o cun piciochedhos, sa natura de s'ómine Sinonimi e contrari bichiriola, billella 1, bobborota, chichia, lelledha, marracoi, minninna, pichiriola, pilledha, pisciuledha, pissiredha, puzonedha, tórrina, tuturedhu 1 Etimo srd.

drollàmene , nm Definizione su èssere drolles, su istare o èssere a pagu incuru in su bestimentu, in su fàere, po no ndhe èssere bonos o po sa pagu gana Sinonimi e contrari aciarollu, drolléntzia, drollímene, sgangàgliu Etimo srd.

drollàtzu , agt Sinonimi e contrari bovo, drollo, gavardu.

dròlle dròdhe

drolléntzia , nf Definizione su èssere drolles, su istare o èssere a pagu incuru in su bestimentu, in su fàere, po no ndhe èssere bonos o po sa pagu gana Sinonimi e contrari aciarollu, drollàmene, sgangàgliu Etimo srd. Traduzioni Francese négligé, laisser-aller Inglese slovenliness Spagnolo descuidado, descuido Italiano sciatterìa Tedesco Nachlässigkeit.

drollímene, drollímini , nm Sinonimi e contrari drolléntzia Etimo srd.

dròllo, drollói, dróllu dròdhe

dromedàriu , nm Definizione animale mannu chi assimbígiat a su cammellu, ma chi giughet una gobba ebbia Traduzioni Francese dromadaire Inglese dromedary Spagnolo dromedario Italiano dromedàrio Tedesco Dromedar.