A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

assàssiu , nm: assàtziu, assatzu, satzu Definizione tzatzu, su èssere tzatzaos de cosa de papare; genia de cuntentu / tènnere, leàresi a. de calecuna cosa; dare, no dare a. a ccn. = donai, giare, no donai satisfatzione Sinonimi e contrari satisfamentu Frasi de figumorisca ndi podemus segai cantu ndi bolemus, a totu assàssiu (G.Cadeddu) 2. macari crebes no ti dò cuss'assàtziu! (P.Casu)

assatanàdu , agt Definizione chi est coment'e chi portet dimónios, intregau a is dimónios Sinonimi e contrari intregadu Frasi coment'e tzilibirche assatanadu calas famidu a s'ispiga indorada Traduzioni Francese endiablé Inglese demoniac, frenzied Spagnolo endemoniado Italiano indemoniato Tedesco besessen.

assatzaulàri , vrb Definizione coment'e tzatzare, suspire abba Sinonimi e contrari assabbare, imbibbiri Frasi candu proit, s'àcua assatzàulat sa linna sicada, si dh'agatat in foras.

assàtziu, assàtzu assàssiu

assaubbàda , nf Sinonimi e contrari abbanzulada, abbanzuladura Etimo srd.

assaubbài , vrb Definizione isciúndhere meda cun abba Sinonimi e contrari abbangiuledhai, abbanzulare.

assaurràda , nf Definizione su assaurrare; ammuntonamentu de cosa o de gente Sinonimi e contrari apubulada, atrumadura / zentória Frasi at favedhadu a totu s'assaurrada de gente chi bi aiat Etimo srd.

assaurràre , vrb Definizione agiummai coment'e fàere a àurra, in su sensu de si pinnigare impare in medas po calecuna cosa a calecunu logu Sinonimi e contrari apubulare, atropare, atrumare Frasi pitzinnos e vetzos si sunt assaurrados a inghíriu de sa domo sua Etimo srd.

assazadòre assagiadòri

assazadúra , nf Definizione su tastai Sinonimi e contrari gustamentu, tastadura Etimo srd.

assazaméntu assagiaméntu

assazàre assagiài

assazàre 1 , vrb Definizione punciare cun obbilos, cun craos Sinonimi e contrari apunciai, ciaitare, obbilai Etimo srd.

assàzu , nm: Definizione su tastare cun sa buca (pruschetotu cun sa limba); sa capacidade de ndhe bodhire su gustu o sabore chi si leat tastandho (es. druche, marigosu, aghedu, pitzigorosu e àteru) Sinonimi e contrari atastu Frasi s'assazu de su binu nou ◊ at bogadu unu piatu de peta de su labiolu pro lu giúghere a s'assazu Etimo itl. Traduzioni Francese dégustation Inglese sampling Spagnolo degustación, gusto Italiano assàggio, gusto Tedesco Kosten, Geschmack.

àsse , nm: assi Definizione sa línia de is puntos fissos chi a inghíriu dhi girant o si agatant totu is àteros puntos de su matessi corpus (es. a. de sa Terra) Sinonimi e contrari filada, filu, línia Traduzioni Francese axe Inglese axis Spagnolo eje Italiano asse Tedesco Achse.

assè! , iscl Definizione assenta! = boghe po fàere acostire is boes po dhos giúnghere o un'àteru animale a calecunu logu po si che cicire a cuadhu.

asseàdu , pps, agt: asseau Definizione de asseare; nau de cosa de papare, chi at pérdiu su sabore bonu Sinonimi e contrari contomosu, cosconosu, istantissu, istantufu, tastosu, tosconosu, tufosu Frasi at iscallau unu cantu de lardu mesu asseau ◊ prommore de Deu, dàdemi unu cantu de pane, peri chi siat asseadu! 2. su frúschiu de sas ballas, su túnchiu de sas sirenas parent ammentos de unu bisu asseadu Terminologia scientifica sbr Traduzioni Francese rance Inglese rancid Spagnolo rancio Italiano ràncido Tedesco ranzig.

asseadúra , nf Definizione su asseare, su si fàere de sabore malu de unas cantu cosas (mescamente grassas) Sinonimi e contrari asseonzu Etimo srd.

asseài, asseàre , vrb: assiai Definizione impudire, pigare fragu o sabore de ogiuseu, sabore malu, nau de cosas de papare grassas Sinonimi e contrari stantissai, tosconare Etimo srd. Traduzioni Francese rancir Inglese to go rancid Spagnolo ranciar Italiano irrancidire Tedesco ranzig werden.

asseàre 1 , vrb Sinonimi e contrari abertai, aisetare, arreare, aspeare, ispetare.