A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

arretontài , vrb Definizione pèrdere su sentidu mescamente po becesa o maladia, essire ammachiau, pagu giustu de conca Sinonimi e contrari scassolai, scibudhae, sciolloriai.

arretontaméntu , nm Definizione su arretontai Etimo srd.

arretoràle , agt: retorale* Definizione chi est de o pertocat a s'arretore Frasi ch'est imbàtiu a sas dommos arretorales ◊ aus atzapadu su preide in s'ortu arretorale.

arretòre, arretòri arratòri

arretóriu , nm Definizione aposentu, fràigu de sa crésia pruschetotu po acasagiare is giòvonos po ispàssiu, po imparu.

arretràdu , agt, nm Definizione chi est addasegus meda po ideas, cumportamentos, òperas; calecuna cosa (es. pagamentu) cambada, abbarrada 2. lis ant pagadu sos arretrados a sos operajos.

arretrànca, arretrànga arratrànca

arretrancàtu , agt Definizione chi no at aguantau sa letranga, in cobertantza: chi at pérdiu sa passiéntzia, arrennegau Sinonimi e contrari fastiziosu, infrascau Frasi fit mesu arretrancatu ca no resessiat a abbèrrere sa gianna Etimo srd.

arretratadòri , nm: arritratadori, retratadori Definizione pintore de ritratos, fintzes maistu chi faet fotografias Frasi oi est beniu s’arritratadori: mamma, mi cuncodrat ca nci bollu andai? Etimo srd.

arretratài , vrb: arritratai, retratai* Definizione pintare sa figura, sa cara, fàere su ritratu (ma fintzes sa fotografia) a unu Sinonimi e contrari fotografare.

arretròcere, arretròchere, arretròci , vrb: redòrchere* Definizione atrotigare sa lana o cosas deasi faendho su filu, tròchere a tantas bortas; arare a duas, a tres bortas, sa terra de semenare Sinonimi e contrari atrotixai, profizare 2. apo zutu cust'arau po fàere su beranile in arbile e po arretròchere in làmpadas.

arretrociméntu , nm: retrocimentu* Definizione sa de duas o fintzes tres araduras chi si faent in is terras de prènnere a trigu innanti de dhas semenare Sinonimi e contrari retrocidura Frasi s'arretrocimentu furiat s'aríngiu chi si faiat in s'atóngiu.

arretrogài arratrogài

arretrogaméntu , nm Definizione su arretrogare, su pònnere in rima is versos cantandho o iscriendho a poesia Etimo srd.

arretrogàre arratrogài

arretrogàu , pps, agt: retrogau Definizione de arretrogare / sinnalis arretrogaus = sinzas fatas a biraorba, a egas e a ogas (in sa chisina, in su bruine).

arretronài arrentronài

arretronósu , agt Definizione chi intumbit, nau de sonu mescamente mannu Sinonimi e contrari arrembumbosu, arretumbosu Etimo srd.

arretrónu , nm: arrintronu, retronu Definizione sonu o boghe chi si sighit a intèndhere, deasi coment'e chi torret agoa agatandho calecuna cosa imbia Sinonimi e contrari abbóvidu, arrembumbu, arretumbu, insonnita, intúmbida, intumbu, torrabboxi, tumbu 1, tzàchida Frasi in s'arrintronu mi est partu ca fut sa boxi de babbu 2. narat cantu prendas iat ordinau a s'oreri e timendi aspetat is arretronus de sa mama Etimo srd.

arretrótu , pps, agt Definizione de arretròcere Sinonimi e contrari profizadu, retróciu.