A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

annozàre 1 , vrb: nozare* Sinonimi e contrari annolitai, nolegiai.

annózu annógiu

annózu 1 , nm: nozu Definizione su tantu chi si pagat po pigare calecuna cosa a nolégiu Sinonimi e contrari nolégiu, nólitu, nolu Etimo srd.

ànnu , nm: Definizione su tempus chi dhue ponet sa Terra po fàere unu giru intreu a inghíriu de su Sole: 365 dies, 5 oras, 48 minutos e 46 segundhos (de contare una die in prus dónnia bàtoro annos, candho su mese de freàgiu faet 29 dies); sumana de dóighi meses, nau fintzes po annada / min. annixedhu, nau in su sensu de tempus meda; annu-lughe = genia de misura po inditare sa distàntzia de is astros, est su tretu chi faet sa lughe in tempus de un'annu Modi di dire csn: s'a. chi est currindhe = ocannu; a. chin/cun a. = dónni'annu chen'e farta, un'annu avatu de s'àteru; zenias de augúrios: a largos annos!, atrus annus mellus!; fàghere sos annos = lòmpere sos annos (sa die de sa nàschida); furriai s'a. = fàghere cuntratu nou cun su matessi mere, a s'annu; segai s'a. = iscontzare s'acordu, segare su cuntratu; est s'a. a…, su mese a… (a sa die chi si narat) = fait o lompit s'annu, su mesi; bogàreche sos… (númeru) annos = fai, lòmpiri is (númeru) annus; mancai sa mellus dí de s'a. (a unu) = mancare sa menzus cosa (sa sabidoria, su tinu); bòlliri passai s'a. po noi mesis = pretènnere tropu; su nuntzu de s'a. = zenia de candhelarzu, sa costuma de andhare sos pisedhos de domo in domo, su manzanu de Annunou, a pedire s'istrina Frasi s'annu abbinente ◊ ti emu a bolli cent'annus che a oi festegiau! (Locci)◊ fit s'annu milli e noighentos ◊ como est in sos deghe annos chi semus cojados ◊ bèni cosias cussas crapitas: mi funt duradas annus e annus! 2. si bollu cumbirai ca oi fatzu is annus ◊ - A cent'annus cun saludi! - E tui a dhus contai! 3. su vintibàtoro de làmpadas est s'annu de su biadu 4. de un'annixedhu apu acabbau!…◊ de candho at tentu cussu male, siscura, no che at bogadu mancu s'annu! ◊ sos chent'annos che voches! Terminologia scientifica tpc Etimo ltn. annus Traduzioni Francese an, année Inglese year Spagnolo año Italiano anno Tedesco Jahr.

annuàda , nf Sinonimi e contrari incumbuxada, carrarzada | ctr. ilgiariada, ispalatada.

annuadórgiu, annuadróxu , nm: nuadroxu Definizione cosa fata a nodu, coment'e a nodu, su tretu de su nodu o ue duas cosas intradas apare faent giogu, nau mescamente a is aciunturas de is arremos de sa carena Sinonimi e contrari aciuntura, annaghidura, annodricadorju, arte 1, innodricadorju, nigradroxu Terminologia scientifica crn Etimo srd. Traduzioni Francese articulation Inglese joint Spagnolo articulación Italiano snodatura, articolazióne Tedesco Anknüpfung, Gelenk.

annuàdu , pps, agt: annuau 1, nuadu Definizione de annuare; nau de s’aera, chi est ammontada de nues, chi dhue at nues meda Sinonimi e contrari abbudhonadu, abbueradatzu, ammurrau, annuiladu, cugurrosu, imbugiadu, incuculatu, innuvilau, nuadu, núilu, nuirosu | ctr. iscraridu, ispàciu, ispalatadu, netu Frasi si ch'est annuadu e fossis proet puru 2. s'aera est annuada Terminologia scientifica tpm Traduzioni Francese nuageux Inglese cloudy Spagnolo nublado Italiano annuvolato, nuvolóso Tedesco bewölkt.

annuadúra , nf Definizione su annuare, su èssere annuau, ammontau de nues Sinonimi e contrari annuamentu, incúgulu, nuarzu Frasi custa no est annuadura de piòere Terminologia scientifica tpm Etimo srd. Traduzioni Francese état nuageux Inglese cloudiness Spagnolo nubosidad Italiano nuvolosità, annuvolaménto Tedesco Bewölkung.

annuadúra 1 annodadúra

annuàe, annuài annoài

annuài 1 , vrb: annuare, nuare Definizione carragiare de nues (deunudotu o in parte a tretos), su si pesare nues in s'aera (vrb. aus. èssere o fintzes àere); in cobertantza, essire tristu / annuaisí a logus a logus = annuare a nues lascas, itl. ragnare Sinonimi e contrari abbudhonare, annuidai, cuculare, incuculare, incumbuxae | ctr. isclarire, ispalaciae Frasi s'aera si est annuendhe, paret in chirca de pròere ◊ si s'annuat cuguzat su sole e faghet fritu ◊ oe no bi at annuadu Terminologia scientifica tpm Etimo srd. Traduzioni Francese obscurcir, assombrir Inglese to get cloud Spagnolo nublar Italiano annuvolare, rannuvolarsi Tedesco sich bewölken.

annuàle, annuàli , agt Definizione de s'annu, chi durat un'annu Traduzioni Francese annuel Inglese year's Spagnolo anual Italiano annuale Tedesco jährlich.

annuaméntu , nm Definizione su fàere nodos, a nodu; su si pesare is nues Sinonimi e contrari annodadura / annuadura Etimo srd.

annuàre annuài 1

annuàu annodàdu

annuàu 1 annuàdu

annudéu , nm Definizione istúgiu de valore po chistire relíchias de santos; fintzes una genia de medàglia chi si giaet po onore Terminologia scientifica prdc Etimo ltn. agnus Dei Traduzioni Francese reliquaire Inglese reliquary Spagnolo relicario Italiano reliquiàrio Tedesco Reliquienschrein.

annudhàda , nf Definizione su annudhare Etimo srd.

annudhài, annudhàre , vrb: annullai, annullare Definizione cunsiderare o pònnere chi una cosa fata no balet, est in debbadas, no est validora, su dha cunsiderare nudha, segare un’acórdiu Sinonimi e contrari abbolire Frasi annudhamus su cuntratu, amus diversas ideas! (G.A.Cossu) Traduzioni Francese annuler Inglese to cancel Spagnolo anular Italiano annullare Tedesco für ungültig erklären.

annuelàre, annuelài , vrb Definizione annuare, ammontare de nues; iscurigare sa vista o fintzes sa mente Frasi si annuelat s’àiri e ndi benit unu bonu corpu de àcua ch’iat ammodhiau terra 2. lassa istare sa droga chi annuelat su coro! (G.Brocca)◊ dhi annuelànt is ogus, in puntu de morti, e isperàt chi iat a èssi lómpiu calincunu po dhu salvai ◊ a s'intendi tzerriai "Pulentedha" Gepetu s'annuelàt (M.Vargiu) Etimo srd.