Ditzionàriu in línia
de sa limba e de sa cultura sarda

bratzalètu , nm: brussalete Definition genia de prendha chi si ponet in su brúciu Synonyms e antonyms bratzale Sentences in su brussu giuchet unu brussalete de pedhe Translations French bracelet English small bangle Spanish pulsera Italian braccialétto German Armband.

brughíta , nf Definition greme piticu Synonyms e antonyms bermighedhu, bermizolu Surnames and Proverbs smb: Brughita, Brughitta Translations French vermisseau English small pretty worm Spanish gusanillo Italian vermiciàttolo German kleiner Wurm.

bubbulíche, bubbulícu , nm Definition unu tantighedhu, pagu, crocoledhu, su tanti chi podet càbere in buca, nau de cosa a bufare; fintzes moida de cosa budhindho Synonyms e antonyms bucada, gropu, ingullida, intullada, ticada, tichedhu, tirone, tumata 1 / cróculu, gurgúlliu Sentences ndhe picat unu bubbulicu in buca, pro l'assazare ◊ bibíebbos unu bubbulicu de abbardente! Translations French petite gorgée English small sip Spanish sorbo Italian sorsettino German kleiner Schluck.

buchètu , nm Definition matzitedhu de frores Synonyms e antonyms màrtulu Sentences candu ti plenis de floris paris unu buchetu! ◊ po sa bella ermusura paris unu buchetu Etymon frn. bouquet Translations French bouquet English small bunch Spanish ramito Italian mazzolino German Sträußchen.

bumbúlla , nf Definition ispétzia de grobbuledhu chi faet s'abba candho proet o candho budhit in sa pingiada; buciuchedha chi faet sa pigota o un'abbruxadura / pesai sa b.; bumbulledha prena de àcua; b. de àcua cun saboni Synonyms e antonyms bobbollonca, bollonca, bubbulica, buciuca, bulluca, burbudha, ilfiodha Sentences sa pigota fait bumbullas ◊ is bumbullas dhas fait su pani chi no est bèni axedau Etymon srd. Translations French cloque, bulle, ampoule English small blister, bubble Spanish burbuja Italian bólla, vescichétta German Blase.

buschédu , nm Definition logu de tupas, de matas, cràchiri Synonyms e antonyms boschili, buscale, mateda Sentences sunt un'ammiru, buschedos bellos chi parent foresta ◊ ant postu fogu a sos buschedos pro essire sos sirvones ◊ sos buschedos nostros nos los ant ismutzurrados e reduidos a chijina Scientific Terminology slg Etymon srd. Translations French bosquet, bouqueteau English small wood Spanish bosquete Italian boschétto German Wäldchen, Hain.

cadeníglia , nf: careníglia Definition genia de prendha de portare in su tzugu, apicada calandho in petorras; trebballu fatu a ferritos / fai unu trabballu a puntu de cadeníglia Synonyms e antonyms cadenita, teneghita Scientific Terminology prd Etymon spn. cadenilla Translations French chaînette English small chain Spanish cadenita Italian catenèlla German Kettchen.

cadreèdha , nf Definition min. de cadrea, cadira pitichedha (sa de duas /e/, cussa de su sufissu, no s'intendhet e po cussu su foedhu est fintzes iscritu cun d-una sola)/ min. cadredhutza Synonyms e antonyms cadreighedha, catriedha Sentences intro a coghina e mi tratenzo solu cun d-una cadredhutza iscarrugada (P.Zenzero) Translations French petite chaise English small chair Spanish sillita Italian seggiolina German kleiner Sthul.

cadreighèdha , nf Definition min. de cadrea, cadira pitichedha Synonyms e antonyms cadreedha Translations French petite chaise English small chair Spanish sillita Italian seggiolina German kleiner Stuhl.

caistèdha , nf, nm: canestredha, canistedha, canistedhu, canistredha Definition de s'istrégiu de fenu (est fata de iscaria), est cussu a costaos bàscios e piticu (unos barantas centímetros de diàmetru) impreau a pònnere prus che àteru cosa de papare, fintzes in mesa (es. su pane) Synonyms e antonyms cherrighedha, palinedha, palini, pobinu Sentences pone duos orzatos in sa caistedha ca immurzamus! ◊ pitzinnu minore ma, si li bocas canistedha, sa parte sua si la fachet che pessone manna! ◊ assupreint sas féminas a ndhe acabidare in cólvulas e canistredhas piatos, istelzos, pane e dulches restados Scientific Terminology stz Translations French corbeille, manne English small basket Spanish panero Italian canestrino German kleiner Korb.

caladòris , nm pl Definition trastighedhos chi serbint a pigare istrégiu budhiu postu in su fogu Etymon srd. Translations French poignées pour saisir un objet chaud English small grips Spanish agarrador Italian presine German Topflappen.

calastrínu , nm: calestrinu Definition genia de traessa po mantènnere duas bigas de calecuna cosa acostias apare Etymon itl. Translations French mince pièce de bois servant de support English small chock Spanish telera Italian calastrèllo German Unterlegebalken.

camerèdha , nf Definition min. de càmara, cambaredha, aposentu pitichedhu Synonyms e antonyms istantziedha Scientific Terminology dmo Translations French chambrette English small room Spanish cuarto, habitación pequeñoa Italian camerétta German kleines Zimmer.

campanínu , nm: camparini, camparinu Definition gurdone de àghina pitichedhedhu, mescamente de is chi su fundhu bogat e che arresurtant a trigadiu Synonyms e antonyms carràmbalu, cicillone, iscaligione, iscalúgia, ispérula, pimpillia, popurustu, pripixone, scalonina, scrichilloni, sprimpilloni, tzitzicra Sentences piciochedhas, mi arracumandu su pibioni de terra e is camparinis cotus: arrigollendi totu! Scientific Terminology rbr Etymon srd. Translations French grappillon English small bunch of grapes Spanish cencerrón Italian racìmolo German Rispe.

canciofítu , nm Definition cranciofedha pitica, s'úrtima chi faet candho su tempus de sa cranciofa est passau, is figighedhos chi bogat apustis a trigadiu Sentences seus arregollendi canciofitu po dh'allogai in ollu e axedu Scientific Terminology rbr Etymon srd. Translations French petit artichaut English small artichoke Spanish alcachofita Italian carciofino German Artischockenherz.

canòtu , nm Definition genia de barchita lébia Translations French canot English small boat Spanish bote, lancha (f) Italian canòtto German Boot.

capucédhu , nm Synonyms e antonyms cugutedhu Translations French petit chaperon English small hood Spanish capuchita Italian cappuccétto German Käppchen.

carraciòla, carraciólu , nf, nm: carratzolu, carriciola Definition carradedha pitica, cubedhutzu Synonyms e antonyms cubiciola, cupoto, fascella Sentences ite arrore, ti ant asciutu sos carratzolos cussos imbreagones!◊ tenit unu carraciolu de binu bonu ◊ aggarrat una berrina e ponet manu a su carratzolu ◊ at batiu unu carratzoledhu de binu ◊ apu postu su binu in is carraciolas in mangasinu Scientific Terminology stz Etymon srd. Translations French tonnelet English small barrel Spanish barrica Italian botticèlla German kleines Faß.

carradédhu, carradéllu , nm: carradellu Definition carradedha, cuba pitica; genia de tzuca, crucuriga po binu Synonyms e antonyms carraciola, cubedha, cubedhu / cdh. carratedhu Sentences su binu chi faghimus nois cabet in duos carradellos e una mesina Etymon itl. car(r)atello Translations French tonnelet English small barrel Spanish barrica Italian pìccola bótte German kleines Faß.

cascèta , nf: casseta, cascita Definition genia de istrégiu de linna, prus che àteru fatu a forma de parallelepípedu: podet èssere pitichedhedha puru Sentences apenas chi che leat su lentore leade cuinzolos e cascetas chi li atacamus, a binnennare ◊ labai aràngiu bellu a deximila sa cascita! Surnames and Proverbs smb: Cascetta, Cassetta, Cassita, Cassitta Scientific Terminology stz Translations French caisse English small box Spanish cajita Italian cassétta, cassettina German Kästchen.