bàlca , nf: barca, barcu 1, braca 1 Definition genia de mezu piticu po andhare in pitzu de s'abba, impreau prus che àteru po piscare; s'ossamenta de sa carena de sa persona, de is pigiones / genias de barca: a fundu ciatu (po piscai in su stàniu), de mari biu (pro essire a mare); is bracas de cassa sunt sas b. minores; is bracas de cullega sunt sas prus mannas e las ponent pro piscare a cullega (fiotu de dóighi piscadores, is bogheris, cumpartidos in bàtoro barcas)/ min. barchighedha, barchixedha, barchita / partes de sa b.: fundhu, piada, prua, pupa, costazos, bancos, timone, giae (de su timone), remos, àncura, iscàlamu Synonyms e antonyms ciu / càscia, tuvu Idioms csn: mastru de balcas = chi faghet barcas; tènniri cuadhus in mari e barcas in terra = no tènnere nudha, peruna intrada; èssiri, birisí, agataisì a barca pérdia = itl. nàufrago, in suspu: agatàresi in malas abbas, a munnu pérditu, a tretu malu de bisonzu, de apretu, chentza prus ispera, a cadhos pérdidos; andhare dae barca a caravella (a logos: carella)= andhare de una cosa o argumentu a s'àteru afaiu, chentza órdine; piatu de balca = pratu mannu de portada Sentences tristos sos navigantes chi sunt a barca pérdida in mare! ◊ bi at barcas essindhe a piscare ◊ bi aiat una barca pariat bete bejone ◊ una pariga de piscadoris fiant passendu a barca in s'oru de mari ◊ fatesit armare su barcu e s'imbarchesit 2. candu si est biu a barca pérdia at circau a nosu! Surnames and Proverbs smb: Barca / prb: barca segada marineri in terra Scientific Terminology pscd, crn Translations French bateau, barque English boat Spanish barca Italian barca German Boot.

barchighèdha , nf: barchixedha Definition min. de barca, barca pitica Synonyms e antonyms barchita Translations French petit bateau, batelet English small boat Spanish barca, bote Italian barchétta German kleines Boot.

batéu , nm Definition genia de barca manna Sentences lassei andhare su bateu trasinadu in sa currente de su riu Scientific Terminology trps Etymon ctl. bateu Translations French bateau English boat Spanish barco Italian battèllo German Boot.

canòtu , nm Definition genia de barchita lébia Translations French canot English small boat Spanish bote, lancha (f) Italian canòtto German Boot.

lància , nf: lansa, lantza Definition genia de arma longa e puntuda intrada in punta de una pértiga; s'agu de s'abe; genia de barca chi in is naves serbit a s’apretu, candho sa nave est afundhandho / leare de lantza e de punta = leare a mal'ogru, a tírria, alliare faghindhe male Synonyms e antonyms puncione / fritza / balca Sentences tirat bentu astraosu chi intrat che lantzas ◊ dhu pungit Longeu bestantancedhi una lansa in su coru 2. acurtu su capitanu e marineris umpare sa lantza betant in mare 3. so isperiguladu fatu ca su mere mi at leadu de lantza e de punta ◊ li apo nadu chi in s'itevàghere fit istentosu e mi at leadu de lantza e de punta (G.Ruju) Translations French lance, aiguillon, chaloupe, canot English sting, lance Spanish lanza, aguijón, lancha Italian lància, pungiglióne German Lanze, Boot, Stachel.

«« Search again