atídhidu , nm Definition genia de movimentu a cropu, a iscutuladura, brínchidu mescamente comente faent is cuadhos, is lèperes, crabas e àteru / donai atídhidus Synonyms e antonyms brinchitu, sàdhidu, sàltidu Sentences est unu cuadhu chi no donat atídhidus ◊ ia donau un'atídhidu e nci fui intrada in s'àteru aposentu Etymon srd. Translations French saut, bond English jump, jerk Spanish bote, brinco Italian sbalzo, salto German Sprung.

bandòne, bandòni, bandóu , nm: bannone, brendoni Definition fógliu de metallu, làuna de ferru; istúgiu (botighedhu), istrégiu mannu de làuna, bidone mannu de pastore fintzes de 25. l. po pigare late / pàrrere segadu de su matessi b. = fatu de sa matessi linna, tènniri is matessi calidadis de ccn. Synonyms e antonyms bote, tambulana / lamedha Sentences de bandone faghent sas mesinas pro carrare su late 2. dh'at ghetau aintru de unu bandoni de àliga ◊ ndi at torrau a bogai discus, cardaxus, mussòrgius e bandonis ◊ bendit brendonis, sícias e màrigas ◊ apu pediu agiudu po iscarriai is bandous de su lati Scientific Terminology stz Etymon itl. bandone Translations French boîte English can, tin Spanish bote, lata Italian lattina German Dose.

barchighèdha , nf: barchixedha Definition min. de barca, barca pitica Synonyms e antonyms barchita Translations French petit bateau, batelet English small boat Spanish barca, bote Italian barchétta German kleines Boot.

bòte , nm: botu, boto Definition istúgiu no tanti mannu (de làuna, de imbidru, prus che àteru serrau e a fundhu tundhu) po pònnere cosa; in calecunu logu dhu narant in cobertantza a sa natura de sa fémina / min. botaredhu, botedhu, botichedhu Synonyms e antonyms boeta, lamedha, potu, tolla / testu Idioms csn: genti de bòtu = zente metzana; èssere a cara de boto = légiu?; segai su bòtu = (in cobertantza) irverzinare a una; sonare sos botes a ccn. = leàrelu a befe faghindhe burdellu sonendhe botes; sonare su bote a ccn. = donai una surra Sentences s'olia cufetada l'amus posta in botes de bidru ◊ est unu bòtu sena de cobercu ◊ passada su serghestanu cun d-unu bòtu chi ugiat un'istampu e incui sa genti nci betada su dinai ◊ a sa britzicreta si aiat ligatu botedhos meta chi fachiant unu degógliu niedhu ◊ su botighedhu de su tzúcuru dhu tenia prenu prenu 2. cussu est una persona de riguardu e tocat a fai aici, sinuncas porit pentzai chi seus genti de bòtu ◊ malu de vista, fit a cara de boto, però si renniat simpàticu chin totu e aiat amicos meta Surnames and Proverbs smb: Botte, Botto Scientific Terminology stz Etymon spn. bote Translations French boîte English tin Spanish bote, lata Italian baràttolo di latta German Dose.

canòtu , nm Definition genia de barchita lébia Translations French canot English small boat Spanish bote, lancha (f) Italian canòtto German Boot.

giàgu 2 , nm: zagu Definition brínchidu chi faet su cuadhu candho agatat cosa in mesu, ananti, candho dhu current Synonyms e antonyms bótiu, brinche, brínchidu, brínchili, brincu, sàdhidu, sàltidu, sédhida Translations French courbette English curvet Spanish salto del caballo, bote Italian corvétta, balzo del cavallo German Kurbette, Sprung.

«« Search again