Ditzionàriu in línia
de sa limba e de sa cultura sarda

bratzalètu , nm: brussalete Definitzione genia de prendha chi si ponet in su brúciu Sinònimos e contràrios bratzale Frases in su brussu giuchet unu brussalete de pedhe Tradutziones Frantzesu bracelet Ingresu small bangle Ispagnolu pulsera Italianu braccialétto Tedescu Armband.

brughíta , nf Definitzione greme piticu Sinònimos e contràrios bermighedhu, bermizolu Sambenados e Provèrbios smb: Brughita, Brughitta Tradutziones Frantzesu vermisseau Ingresu small pretty worm Ispagnolu gusanillo Italianu vermiciàttolo Tedescu kleiner Wurm.

bubbulíche, bubbulícu , nm Definitzione unu tantighedhu, pagu, crocoledhu, su tanti chi podet càbere in buca, nau de cosa a bufare; fintzes moida de cosa budhindho Sinònimos e contràrios bucada, gropu, ingullida, intullada, ticada, tichedhu, tirone, tumata 1 / cróculu, gurgúlliu Frases ndhe picat unu bubbulicu in buca, pro l'assazare ◊ bibíebbos unu bubbulicu de abbardente! Tradutziones Frantzesu petite gorgée Ingresu small sip Ispagnolu sorbo Italianu sorsettino Tedescu kleiner Schluck.

buchètu , nm Definitzione matzitedhu de frores Sinònimos e contràrios màrtulu Frases candu ti plenis de floris paris unu buchetu! ◊ po sa bella ermusura paris unu buchetu Ètimu frn. bouquet Tradutziones Frantzesu bouquet Ingresu small bunch Ispagnolu ramito Italianu mazzolino Tedescu Sträußchen.

bumbúlla , nf Definitzione ispétzia de grobbuledhu chi faet s'abba candho proet o candho budhit in sa pingiada; buciuchedha chi faet sa pigota o un'abbruxadura / pesai sa b.; bumbulledha prena de àcua; b. de àcua cun saboni Sinònimos e contràrios bobbollonca, bollonca, bubbulica, buciuca, bulluca, burbudha, ilfiodha Frases sa pigota fait bumbullas ◊ is bumbullas dhas fait su pani chi no est bèni axedau Ètimu srd. Tradutziones Frantzesu cloque, bulle, ampoule Ingresu small blister, bubble Ispagnolu burbuja Italianu bólla, vescichétta Tedescu Blase.

buschédu , nm Definitzione logu de tupas, de matas, cràchiri Sinònimos e contràrios boschili, buscale, mateda Frases sunt un'ammiru, buschedos bellos chi parent foresta ◊ ant postu fogu a sos buschedos pro essire sos sirvones ◊ sos buschedos nostros nos los ant ismutzurrados e reduidos a chijina Terminologia iscientìfica slg Ètimu srd. Tradutziones Frantzesu bosquet, bouqueteau Ingresu small wood Ispagnolu bosquete Italianu boschétto Tedescu Wäldchen, Hain.

cadeníglia , nf: careníglia Definitzione genia de prendha de portare in su tzugu, apicada calandho in petorras; trebballu fatu a ferritos / fai unu trabballu a puntu de cadeníglia Sinònimos e contràrios cadenita, teneghita Terminologia iscientìfica prd Ètimu spn. cadenilla Tradutziones Frantzesu chaînette Ingresu small chain Ispagnolu cadenita Italianu catenèlla Tedescu Kettchen.

cadreèdha , nf Definitzione min. de cadrea, cadira pitichedha (sa de duas /e/, cussa de su sufissu, no s'intendhet e po cussu su foedhu est fintzes iscritu cun d-una sola)/ min. cadredhutza Sinònimos e contràrios cadreighedha, catriedha Frases intro a coghina e mi tratenzo solu cun d-una cadredhutza iscarrugada (P.Zenzero) Tradutziones Frantzesu petite chaise Ingresu small chair Ispagnolu sillita Italianu seggiolina Tedescu kleiner Sthul.

cadreighèdha , nf Definitzione min. de cadrea, cadira pitichedha Sinònimos e contràrios cadreedha Tradutziones Frantzesu petite chaise Ingresu small chair Ispagnolu sillita Italianu seggiolina Tedescu kleiner Stuhl.

caistèdha , nf, nm: canestredha, canistedha, canistedhu, canistredha Definitzione de s'istrégiu de fenu (est fata de iscaria), est cussu a costaos bàscios e piticu (unos barantas centímetros de diàmetru) impreau a pònnere prus che àteru cosa de papare, fintzes in mesa (es. su pane) Sinònimos e contràrios cherrighedha, palinedha, palini, pobinu Frases pone duos orzatos in sa caistedha ca immurzamus! ◊ pitzinnu minore ma, si li bocas canistedha, sa parte sua si la fachet che pessone manna! ◊ assupreint sas féminas a ndhe acabidare in cólvulas e canistredhas piatos, istelzos, pane e dulches restados Terminologia iscientìfica stz Tradutziones Frantzesu corbeille, manne Ingresu small basket Ispagnolu panero Italianu canestrino Tedescu kleiner Korb.

caladòris , nm pl Definitzione trastighedhos chi serbint a pigare istrégiu budhiu postu in su fogu Ètimu srd. Tradutziones Frantzesu poignées pour saisir un objet chaud Ingresu small grips Ispagnolu agarrador Italianu presine Tedescu Topflappen.

calastrínu , nm: calestrinu Definitzione genia de traessa po mantènnere duas bigas de calecuna cosa acostias apare Ètimu itl. Tradutziones Frantzesu mince pièce de bois servant de support Ingresu small chock Ispagnolu telera Italianu calastrèllo Tedescu Unterlegebalken.

camerèdha , nf Definitzione min. de càmara, cambaredha, aposentu pitichedhu Sinònimos e contràrios istantziedha Terminologia iscientìfica dmo Tradutziones Frantzesu chambrette Ingresu small room Ispagnolu cuarto, habitación pequeñoa Italianu camerétta Tedescu kleines Zimmer.

campanínu , nm: camparini, camparinu Definitzione gurdone de àghina pitichedhedhu, mescamente de is chi su fundhu bogat e che arresurtant a trigadiu Sinònimos e contràrios carràmbalu, cicillone, iscaligione, iscalúgia, ispérula, pimpillia, popurustu, pripixone, scalonina, scrichilloni, sprimpilloni, tzitzicra Frases piciochedhas, mi arracumandu su pibioni de terra e is camparinis cotus: arrigollendi totu! Terminologia iscientìfica rbr Ètimu srd. Tradutziones Frantzesu grappillon Ingresu small bunch of grapes Ispagnolu cencerrón Italianu racìmolo Tedescu Rispe.

canciofítu , nm Definitzione cranciofedha pitica, s'úrtima chi faet candho su tempus de sa cranciofa est passau, is figighedhos chi bogat apustis a trigadiu Frases seus arregollendi canciofitu po dh'allogai in ollu e axedu Terminologia iscientìfica rbr Ètimu srd. Tradutziones Frantzesu petit artichaut Ingresu small artichoke Ispagnolu alcachofita Italianu carciofino Tedescu Artischockenherz.

canòtu , nm Definitzione genia de barchita lébia Tradutziones Frantzesu canot Ingresu small boat Ispagnolu bote, lancha (f) Italianu canòtto Tedescu Boot.

capucédhu , nm Sinònimos e contràrios cugutedhu Tradutziones Frantzesu petit chaperon Ingresu small hood Ispagnolu capuchita Italianu cappuccétto Tedescu Käppchen.

carraciòla, carraciólu , nf, nm: carratzolu, carriciola Definitzione carradedha pitica, cubedhutzu Sinònimos e contràrios cubiciola, cupoto, fascella Frases ite arrore, ti ant asciutu sos carratzolos cussos imbreagones!◊ tenit unu carraciolu de binu bonu ◊ aggarrat una berrina e ponet manu a su carratzolu ◊ at batiu unu carratzoledhu de binu ◊ apu postu su binu in is carraciolas in mangasinu Terminologia iscientìfica stz Ètimu srd. Tradutziones Frantzesu tonnelet Ingresu small barrel Ispagnolu barrica Italianu botticèlla Tedescu kleines Faß.

carradédhu, carradéllu , nm: carradellu Definitzione carradedha, cuba pitica; genia de tzuca, crucuriga po binu Sinònimos e contràrios carraciola, cubedha, cubedhu / cdh. carratedhu Frases su binu chi faghimus nois cabet in duos carradellos e una mesina Ètimu itl. car(r)atello Tradutziones Frantzesu tonnelet Ingresu small barrel Ispagnolu barrica Italianu pìccola bótte Tedescu kleines Faß.

cascèta , nf: casseta, cascita Definitzione genia de istrégiu de linna, prus che àteru fatu a forma de parallelepípedu: podet èssere pitichedhedha puru Frases apenas chi che leat su lentore leade cuinzolos e cascetas chi li atacamus, a binnennare ◊ labai aràngiu bellu a deximila sa cascita! Sambenados e Provèrbios smb: Cascetta, Cassetta, Cassita, Cassitta Terminologia iscientìfica stz Tradutziones Frantzesu caisse Ingresu small box Ispagnolu cajita Italianu cassétta, cassettina Tedescu Kästchen.