Ditzionàriu in línia
de sa limba e de sa cultura sarda

bolàdiga , nf, nm: bolàntiga, bulàdiga, bulàdigu Definition arangixedhu arrúbiu, samucu de cogas, genia de matighedha a linna modhe, frutighedhu toscosu bonu fintzes po meighina Synonyms e antonyms sambinzu Scientific Terminology mt, Euonymus europeus Etymon ltn. volaticus Translations French bonnet de prêtre, bonnet carré English priest cap Spanish bonetero Italian berrétta da prète German Pfaffenhütchen.

bonète, bonètu , nm: bonnete Definition genia de trastu de pònnere in conca, is ómines, a visiera crutza Synonyms e antonyms cicia / cdh. bunetu Sentences candho saludat si catzat su bonete ◊ comente est intradu a crésia si at catzadu su bonete Scientific Terminology bst Translations French bonnet English cap, beret Spanish gorro Italian berrétto German Mütze.

cabbúsciu , nm: cambúciu 1, cambúsciu, cambussu Definition genia de bonetedhu o careta chi ammontat totu sa conca de su pipiu lassandho solu sa cara (ma dhu ponet fintzes gente manna); segundhu su costúmene, genia de careta po aguantare is pilos arregortos Synonyms e antonyms cabiscione, cambussinu, careta / capiabi, iscafiotu Sentences tocat a preparai is cambuscedhus, is pannitzus e is latzadas po su pipiu ◊ seu acabbendi su cambúciu po su pipiu ca est acanta a nàsciri 2. a fustei no dhi fidamu mancu su pisitu a cambúsciu! Scientific Terminology bst Etymon ctl. cambuix Translations French bonnet English little cap, bonnet Spanish cofia Italian cuffiétta German Häubchen.

cafiólu , nm Definition genia de tapu de làuna cun pígiu de ortigu o àteru aintru e cun is oros a bicos, pagu pagu atrotigaos a bisura de oru de pàdrula, de sighire a atrotigare a manera de si aguantare a istrintu a sa buca de s'ampudha Translations French capsule English crown cap Spanish tapón corona Italian tappo a coróna German Kronenverschluß.

càliga , nf Definition genia de cugudhedhu, sa caciola o covechedhu de su landhe Synonyms e antonyms angudha, cocotu, croghedha Scientific Terminology rbr Translations French cupule du gland English acorn cap Spanish cascabillo de la bellota Italian concolino delle ghiande German Fruchtbecher.

calòta , nf Definition genia de careta; sa parte de pitzu de una cosa tundha, es. sa c. de sa Terra, su tretu totu a inghíriu de is polos a Nord e a Sud de su círculu polare; sa c. de unu rellozu = genia de tapu o covecu po no s'imbrutare s'arrellórgiu Translations French calotte English cap Spanish casquete Italian calòtta German Kalotte.

carèta , nf Definition cambuscedhu, genia de cugudhu de pònnere in conca, siat po pipiedhu siat po gente manna (costúmene, infermiera) Synonyms e antonyms cabbúsciu, cabiscione, cambussinu / iscófia Idioms csn: prànghere in careta a unu = ?; no fidare su batu in careta = no dare fide Sentences cantu linu pro telos e caretas l'at già filadu sa ruca de canna! ◊ s'infermiera no poniat mancu careta e sos pilos li pendhiant longos in palas 2. bi est su tantu de mi prànghere in careta! ◊ non ti tia fidare mancu su batu in careta, a tie! Surnames and Proverbs smb: Caretta Scientific Terminology bst Etymon ctl., spn. careta Translations French bonnet English cap Spanish cofia Italian cùffia German Kappe.

cúfia , nf Definition genia de trastu chi si ponet po ammontare totu sa conca; aparíciu chi arricit calecunu singiale e chi si ponet in origas po ascurtare méngius Synonyms e antonyms careta Scientific Terminology bst Translations French coiffe, bonnet English cap, headphone Spanish cofia Italian cùffia German Mütze.

curcuvèdha , nf Definition genia de capedhu chi portat su landhe Synonyms e antonyms angudha, càliga, cocotu, croghedha, cugudha Sentences custa landhe est cun sa curcuvedha 2. su pisinatu brincat dae chisura in chisura bichendhe sa curcuvedha Scientific Terminology rbr Translations French cupule du gland English acorn cap Spanish cúpola Italian cupolino della ghianda German Fruchtbecher.

mascarína , nf, nm: mascarinu Definition s'ala de ananti de un'iscarpa, sa chi ammontat sa punta de su pei, e mescamente tira de pedhe in pitzu de su bruncale o impena Synonyms e antonyms bruncale, impena, puntera, runcale, tígia Etymon itl.t mascherina Translations French paton English toe cap Spanish empeine Italian spuntèrbo German Vorderkappe.