Ditzionàriu in línia
de sa limba e de sa cultura sarda

bolàdiga , nf, nm: bolàntiga, bulàdiga, bulàdigu Definitzione arangixedhu arrúbiu, samucu de cogas, genia de matighedha a linna modhe, frutighedhu toscosu bonu fintzes po meighina Sinònimos e contràrios sambinzu Terminologia iscientìfica mt, Euonymus europeus Ètimu ltn. volaticus Tradutziones Frantzesu bonnet de prêtre, bonnet carré Ingresu priest cap Ispagnolu bonetero Italianu berrétta da prète Tedescu Pfaffenhütchen.

bonète, bonètu , nm: bonnete Definitzione genia de trastu de pònnere in conca, is ómines, a visiera crutza Sinònimos e contràrios cicia / cdh. bunetu Frases candho saludat si catzat su bonete ◊ comente est intradu a crésia si at catzadu su bonete Terminologia iscientìfica bst Tradutziones Frantzesu bonnet Ingresu cap, beret Ispagnolu gorro Italianu berrétto Tedescu Mütze.

cabbúsciu , nm: cambúciu 1, cambúsciu, cambussu Definitzione genia de bonetedhu o careta chi ammontat totu sa conca de su pipiu lassandho solu sa cara (ma dhu ponet fintzes gente manna); segundhu su costúmene, genia de careta po aguantare is pilos arregortos Sinònimos e contràrios cabiscione, cambussinu, careta / capiabi, iscafiotu Frases tocat a preparai is cambuscedhus, is pannitzus e is latzadas po su pipiu ◊ seu acabbendi su cambúciu po su pipiu ca est acanta a nàsciri 2. a fustei no dhi fidamu mancu su pisitu a cambúsciu! Terminologia iscientìfica bst Ètimu ctl. cambuix Tradutziones Frantzesu bonnet Ingresu little cap, bonnet Ispagnolu cofia Italianu cuffiétta Tedescu Häubchen.

cafiólu , nm Definitzione genia de tapu de làuna cun pígiu de ortigu o àteru aintru e cun is oros a bicos, pagu pagu atrotigaos a bisura de oru de pàdrula, de sighire a atrotigare a manera de si aguantare a istrintu a sa buca de s'ampudha Tradutziones Frantzesu capsule Ingresu crown cap Ispagnolu tapón corona Italianu tappo a coróna Tedescu Kronenverschluß.

càliga , nf Definitzione genia de cugudhedhu, sa caciola o covechedhu de su landhe Sinònimos e contràrios angudha, cocotu, croghedha Terminologia iscientìfica rbr Tradutziones Frantzesu cupule du gland Ingresu acorn cap Ispagnolu cascabillo de la bellota Italianu concolino delle ghiande Tedescu Fruchtbecher.

calòta , nf Definitzione genia de careta; sa parte de pitzu de una cosa tundha, es. sa c. de sa Terra, su tretu totu a inghíriu de is polos a Nord e a Sud de su círculu polare; sa c. de unu rellozu = genia de tapu o covecu po no s'imbrutare s'arrellórgiu Tradutziones Frantzesu calotte Ingresu cap Ispagnolu casquete Italianu calòtta Tedescu Kalotte.

carèta , nf Definitzione cambuscedhu, genia de cugudhu de pònnere in conca, siat po pipiedhu siat po gente manna (costúmene, infermiera) Sinònimos e contràrios cabbúsciu, cabiscione, cambussinu / iscófia Maneras de nàrrere csn: prànghere in careta a unu = ?; no fidare su batu in careta = no dare fide Frases cantu linu pro telos e caretas l'at già filadu sa ruca de canna! ◊ s'infermiera no poniat mancu careta e sos pilos li pendhiant longos in palas 2. bi est su tantu de mi prànghere in careta! ◊ non ti tia fidare mancu su batu in careta, a tie! Sambenados e Provèrbios smb: Caretta Terminologia iscientìfica bst Ètimu ctl., spn. careta Tradutziones Frantzesu bonnet Ingresu cap Ispagnolu cofia Italianu cùffia Tedescu Kappe.

cúfia , nf Definitzione genia de trastu chi si ponet po ammontare totu sa conca; aparíciu chi arricit calecunu singiale e chi si ponet in origas po ascurtare méngius Sinònimos e contràrios careta Terminologia iscientìfica bst Tradutziones Frantzesu coiffe, bonnet Ingresu cap, headphone Ispagnolu cofia Italianu cùffia Tedescu Mütze.

curcuvèdha , nf Definitzione genia de capedhu chi portat su landhe Sinònimos e contràrios angudha, càliga, cocotu, croghedha, cugudha Frases custa landhe est cun sa curcuvedha 2. su pisinatu brincat dae chisura in chisura bichendhe sa curcuvedha Terminologia iscientìfica rbr Tradutziones Frantzesu cupule du gland Ingresu acorn cap Ispagnolu cúpola Italianu cupolino della ghianda Tedescu Fruchtbecher.

mascarína , nf, nm: mascarinu Definitzione s'ala de ananti de un'iscarpa, sa chi ammontat sa punta de su pei, e mescamente tira de pedhe in pitzu de su bruncale o impena Sinònimos e contràrios bruncale, impena, puntera, runcale, tígia Ètimu itl.t mascherina Tradutziones Frantzesu paton Ingresu toe cap Ispagnolu empeine Italianu spuntèrbo Tedescu Vorderkappe.