Ditzionàriu in línia
de sa limba e de sa cultura sarda

durcorósu , agt Definition chi est unu pagu druche Synonyms e antonyms druconzu | ctr. ranchitzu Sentences cussa est peta de sabore durcorosu.

durculínu , agt Sentences daze a custu coro alenos de cossolu a chelu netu, durculinu! (Gv.Delogu)

durcúra drucúra

durèlla Definition its Sentences cantare a durella.

durèsa , nf Definition su èssere tostau, nau de unu materiale, de is cosas, misurau coment'e capacidade de no lassare intrare o arrasigare una fortza/pesu; si narat fintzes de sa manera de fàere o de cumprèndhere, de is dificurtades de sa vida Synonyms e antonyms solidesa, tostíghine, tostore Sentences no totu sas predas tenent sa matessi duresa ◊ is pipius ant aprapudhau sa terra e iscobertu comenti est de duresa 2. ant imparau a pregai po bínciri sa duresa de su coru ◊ fit zente temperada che a s'atarzu pro resistire a sa duresa de su tempus Translations French dureté English hardness Spanish dureza Italian durézza German Härte, Härtnäckigkeit.

dúrgalu , nm: túrgalu Definition de is diferentes genias de intessidura de una carena, sa chi est coment'e nérbiu, ne ossu e ne petza, de colore unu pagu biancu, mescamente in is aciunturas: si narat fintzes ossu modhe, modhina Scientific Terminology crn Translations French connectif, cartilage English connective, cartilage Spanish tejido conectivo, cartílago Italian connettivo, cartilàgine German Bindegewebe, Knorpel.

durgèntus duaxèntos

dúri dúle

duriànu , agt Definition chi est unu pagu tostau Synonyms e antonyms duronzu, tostadassu, tostianu | ctr. modhiatu.

duridàde , nf Definition manera de fàere chi ammostat pagu o nudha làstima; cunditzione de dificurtade manna, de sacrifíciu Synonyms e antonyms duresa.

duríta , nf Definition de duritare; chi tenet duritu, unu pagu tra bregúngia e arrespetu Synonyms e antonyms duda, duritu / trancaillu | ctr. alidantza Etymon srd. Translations French doute, réticence English qualm, reluctance Spanish remora, reluctancia, duda Italian rèmora, riluttanza, dùbbio, titubanza German Vorbehalt, Widerstreben, Zweifel.

duritàdu , pps, agt Definition de duritare; chi tenet duritu, unu pagu tra bregúngia e arrespetu cun is àteros Synonyms e antonyms duritosu 2. su pitzinnu est andhadu a sa mastra sua, duritadu, a li nàrrere chi aiat iscritu duas poesias.

duritàre , vrb Definition àere duritu, istare in pentzos, a su time time, prus che àteru coment'e candho paret dolu o ndhe paret male o bregúngia a fàere una cosa Synonyms e antonyms arredutai, induritare Sentences indunas, intrat a campusantu, duritendhe, e annoditat sa puba de un'isconnotu ◊ ti fràighent su palatu e no duritent su gastu! ◊ cun sa malíscia chi tenet, cussu, no duritat de nàrrere, mancari no aggradet a s'àteru ◊ chindhulamus chena duritare un'iscuta ◊ una fémina si ndhe duritat de intrare a domo de un'ómine solu! 2. nois duritamus chirchendhe in sas pijas de su ruinzu bostru sos lughinzos chi amus bisadu tempos e tempórios (G.Maieli)◊ nois duritamus regogliendhe sos pibios de custa terra nostra ◊ si babbu cheret, no durito, no, a ti dare su crastadu ◊ tue as fissu sa parténtzia e no cherzo un'istante duritare Etymon itl. ridottare + dubitare Translations French hésiter English to hesitate, to defer Spanish titubear, vacilar Italian titubare, esitare, indugiare, differire German zögern, verzögern.

duritósu , agt Definition chi ndhe tenet duritu a fàere o nàrrere calecuna cosa, unu pagu tra bregúngia e arrespetu, chi ndhe dhi paret unu pagu male Synonyms e antonyms arredutosu, duritadu, lunatzu | ctr. carietadu, ibbregungiau Sentences so duritosu a li fagher ispèndhere totu cussu, ca no ndhe podet ◊ s'ómine si est abbizadu chi sas istranzas fint duritosas e guvardas e sentza imbaru las at dimandhadas Etymon srd. Translations French hésitant English reluctant, hesitating Spanish reacio Italian restìo, titubante German befangen, gehemmt.

durítu , nm Definition genia de dificurtade chi a unu dhi paret de tènnere o de dèpere àere cun àtera persona coment'e timendho de dhi giare istrobbu, de ndhe dhi pàrrere male, unu pagu coment'e bregúngia, fintzes Synonyms e antonyms duda, durita, duténtzia, dutu / dobidori, trancaillu | ctr. alidantza, atrevimentu, atzilia Sentences ndhe tenzo duritu a li pedire cosa, ca bisonzat a isse etotu ◊ de piagheres mi ndhe ant fatu àteros e ndhe apo duritu a los presiare torra! ◊ si as bisonzu, beni, no ndhe apas duritu! ◊ no apo duritu perunu de nàrrere chi…◊ cussos no ant duritu mancu de sas criaduras! Etymon srd. Translations French précaution, hésitation English qualm, hesitation, care Spanish consideración, sumisión Italian riguardo, soggezióne, esitazióne, rèmora German Befangenheit, Hemmung.

durónzu , agt Definition chi est unu pagu tostau Synonyms e antonyms durianu, tostadassu, tostianu | ctr. modhiatu.

durriandò , nm Definition genia de giogu Synonyms e antonyms tambarallota.

durriàre , vrb Synonyms e antonyms furriai, girai, mòere Sentences in su chelu ischintidhas si partint, dúrriant a mizas ◊ ponecheli benzina a sa màchina ca oje la ponimus a durriare: colamus a Ulíana, a Orgòsolo e a Núoro! ◊ cantos pessamentos dúrriant in custos mementos in sa mente sua!…

dúrriu , nm Definition su durriare, istare inghiriandho, faendho Synonyms e antonyms fúrriu, inghíriu Sentences istat a dúrriu de manzanu a sero.

durruddóbbu , nm Definition genia de cropu e tzàcurru forte, surdu, de cosa orruta, orruendho Synonyms e antonyms sciarrocu, sderrocu.