A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

assogadòre, assogadòri , nm Definition chie cassat, o est àbbile a cassare fintzes currendho, un'animale a soga betandhosidha a irfogu de aillargu (prus che àteru a conca) Synonyms e antonyms issocadore Sentences is assogadoris assogànt is bacas po dhas vacinai Etymon srd.

assogadúra , nf Definition su assogae, su tènnere o prèndhere, acapiare, a soga Synonyms e antonyms assogamentu Etymon srd.

assogàe, assogài assocàre

assogaméntu , nm Definition su assogae, aciapare o acapiare a soga Synonyms e antonyms assogadura Etymon srd.

assògi , nm Definition genia de pigione chi essit a denote: in Sardigna che abbitat in passera, che faet ierru e nidat puru Synonyms e antonyms antzonca, tzoge, tzonca* Scientific Terminology pzn, otus scops scops.

assogrài , vrb Definition dormire, pigare sonnu Synonyms e antonyms aggalenare, ammaculiare, ingalenare Sentences babbu at papau e s'est assograu, depiat tènnere sonnu!

assolàdu , pps, agt: assolau, assoliau 1 Definition de assolare; chi est o istat a solu, o fintzes atesu de sa bidha, de ue faet abbitu sa gente Synonyms e antonyms abbandhadu, aoradu, assoloriau, bruguaxu, incheremidu, ischedhau, únigu | ctr. acumpanzadu Idioms csn: logu assoladu = solu, chi no bi faghet abbitu neune, atesu, ispérdidu, desertu; assoladu che fera = solu deretu, che fera in monte 2. ite castigu feu su vívere assoladu! (A.Dettori)◊ mannoi est assoladu in domo sua ◊ assolados che murones, cudhos boighedhos arestes petzi los teniant a soga ◊ assolada sentza amore, che fiore allizadu duras bia ◊ lugheschet sa luna in cussorzas assoladas chen'amas Translations French solitaire English alone Spanish solitario Italian solitàrio, sperduto German isoliert, abgelegen.

assoladúra , nf Definition su assolare, su istare o pònnere abbandha, atesu de is àteros Synonyms e antonyms assolamentu, isolamentu Etymon srd. Translations French délaissement English margination Spanish marginación Italian emarginazióne German Ausgrenzung.

assolàe , vrb: assolare 1 Definition apartare, istare o èssere a sa sola, abbandha; pònnere a sa sola Synonyms e antonyms abbandhare, apaltare, assolitare, assoloriai, isolai Sentences carimanna, si seru aeras tentu ti aias comporadu unu cuzone e ti fist assolada! (M.Murenu)◊ istat coment'e fera assolada in sas matas ◊ mi assolo cun sos pensamentos mios (G.Manca) 2. su betzu a tremulea, in dolos mannos, a fizu e nura àscamu faghiat: tandho a l'assolare benit s'idea (Chighine)◊ ant decretadu chi sa Sardigna siat assolada Etymon srd. Translations French isoler English to isolate Spanish aislar, marginar Italian isolare, emarginare German isolieren, ins Abseits stellen.

assolài , vrb: assolare Definition pònnere is solas a is iscarpas Synonyms e antonyms impetare, inciolai Sentences assolant sos cusintzos chin gomma de copertones Etymon srd.

assolaméntu , nm Synonyms e antonyms assoladura, isolamentu Etymon srd.

assolàre assolài

assolàre 1 assolàe

assolàu assolàdu

assolía , nf Definition foedhandho de unu logu, su che èssere atesu, ispérdiu, assolau Synonyms e antonyms soledade, solesa Etymon srd.

assoliàda , nf: soleada Definition su assoliare, su pigare o giare sole Synonyms e antonyms assoliamentu Sentences li cheret dadu una bella assoliada a su basolu pro che lu remonire Etymon srd. Translations French ensoleillement English hanging out to dry Spanish soleamiento Italian soleggiatura German Sonneneinstrahlung.

assoliadórgiu , nm Definition logu chi abbàidat a cara a sole Synonyms e antonyms solianu Sentences is vacas sunt in s'assoliadórgiu Etymon srd.

assoliadúra , nf Definition su assoliare, su fàere pigare sole mescamente a laores de chistire (o àteru chi depet arridare) Synonyms e antonyms assoliamentu / cdh. assuliatura Sentences duas dies de assoliadura za li bastat, a sa méndhula Etymon srd.

assoliàe, assoliài , vrb: assoliare Definition pònnere a pigare sole, pigare sole Synonyms e antonyms assobinai, assorinai, soghiai Sentences sas tilichertas sunt frimmas assoliàndhesi ◊ a assoliare trematas, fàunas e mantas lis faghet bene ◊ fasolu, moriscu, nughe, méndhula e àteru gai cheret assoliadu innantis de lu remonire ◊ assóliati sa carena in custu sole! ◊ cussu traste frundhidu bi est annos assoliendhe fora! Etymon srd. Translations French exposer au soleil English to dry in the sun Spanish solear Italian soleggiare German in die Sonne legen.

assoliaméntu , nm Synonyms e antonyms assoliadura Etymon srd. Translations French ensoleillement English hanging out to dry Spanish soleamiento Italian soleggiatura German Sonneneinstrahlung.