Legenda Incurtzaduras | Legenda Sìmbulos

anneàdu , pps, agt: anneatu, anneau Definitzione de anneare; chi sentit anneu, ifadu, orroschimentu Sinònimos e contràrios annozadu 2. sa michina mi at fatu pejus e m'intendho prus anneada ◊ anneatu, chirco de no bi pessare a sa minetza de morte chi mi ant fatu ◊ si est iscampiata abbochinanne anneata ca cudhos fint a boches zocanne ◊ mannedha in dommo de sas fizas est fitianu anneada e a murrunzos, ca no est in dommo sua! Tradutziones Frantzesu triste Ingresu sad Ispagnolu triste Italianu rattristato Tedescu traurig.

annicàdu , pps, agt Definitzione de annicare Sinònimos e contràrios abbrudhatu, abbutzadu, acubadu, aggromolau, annozadu, inconadu, nechidau, pirmatu | ctr. allegru, pregiosu 2. sas velas dissipadas, sas abbas annicadas mi fatesint paura (R.Congiu)◊ resto annicadu pensendhe a su fogu chi nos brúsiat badhes e costeras (P.Giudice Marras)◊ paret sempre annicada, faedhendhe Tradutziones Frantzesu triste Ingresu bad mood Ispagnolu triste Italianu triste, di malumóre Tedescu traurig, schlecht gelaunt.

annozàdu , pps, agt: annugiau, annungiau, annuzadu Definitzione de annozare / a s'annuzada = patindho annógiu, annogiaos Sinònimos e contràrios annoxau / anneadu, annicadu, intristau, pirmatu | ctr. allegru, pregiosu 2. fúrriat su pobidhu a domu e agatat sa mulleri annungiada ◊ prangendi!… de unu paghedhu de tempus ti biu totu annugiada 3. li colat in bijone ammentos de candho a s'annuzada tribbulaiat fatu su babbu Tradutziones Frantzesu triste, mélancolique Ingresu sad, melancholy Ispagnolu triste Italianu triste, malincònico Tedescu traurig, melancholisch.

cordozósu , agt Definitzione corimodhe, chi sentit cordozu, chi tenet làstima de s'àteru Sinònimos e contràrios afrescionosu, cumpassivu, feritzosu, lastimosu, piadosu, piaidadosu Frases mi paret cordozosu chin sa cara cobarda, su sole ◊ Maria Vírgine e sas àteras Marias sunt cordozosas e pianghendhe candho tocant sas carres marturizadas de Gesusu Terminologia iscientìfica ntl Ètimu srd. Tradutziones Frantzesu triste, compatissant Ingresu sad Ispagnolu triste Italianu triste, compassionévole Tedescu traurig, erbärmlich.

pibinósu , agt: pibiosu, pipiosu Definitzione nau de ccn., chi s'istat coment'e lamentandho, chesciandho, lastimandho (o fintzes a foedhos malos, a lamentu), chi faet pena, chi est tenendho dolu, sentindho dolore o làstima Sinònimos e contràrios achiguladu, chensciosu, lastimosu, memulosu, piantinosu, piciosu, pipiajolu Frases su bentu s'intendhet muilendhe lamentu pibiosu ◊ oi puru ses pipiosa: ite as papau, arranas?! ◊ li ant fatu s'interru a tocu pibiosu de campana ◊ at nau s'orassione chin boche pipiosa ◊ is cucus s'arrespundint apari cun boxi pibinosa ◊ cun boghes pibiosas intonade chi piangat dogni coro trapassadu! Ètimu srd. Tradutziones Frantzesu plaintif, attristant Ingresu mournful, sad Ispagnolu quejumbroso, triste Italianu lamentévole, mèsto Tedescu klagend, jammernd, traurig.

pirmàtu , pps, agt: primau, primmadu, primmau Definitzione de pirmare; chi dha tenet cun ccn., ma fintzes tristu ebbia / primmada che a s'addolorada = trista meda Sinònimos e contràrios abbrudhatu, abbutzadu, acubadu, annicadu, annoxau, dispiàchiu, inconadu, muscunzinadu | ctr. allegru, contentu, pregiau Tradutziones Frantzesu désolé, boudeur Ingresu sulky, sulked Ispagnolu triste, enfurruñado, ceñudo Italianu rattristato, imbronciato Tedescu betrübt, schmollend.

tríltu , agt: tristu Definitzione chi est sériu meda e dispràxiu, fintzes malafortunau, pòberu Sinònimos e contràrios anneadu, annicadu, annozadu, atassau, intristau, pirmatu / pòberu | ctr. allegru, contentu, pregiau Maneras de nàrrere csn: tristu che zerru, che a sa Maria, che sa die mala, che s'annada mala, che sa noti, che isposu pentiu, mannu e niedhu, che cenarba santu; min. tristixedhu (= unu pagu t. o fintzas meda) Frases goi trista ti paras, mancu s'amore perfetu separas? ◊ si fiat fatu tristu che sa noti ◊ seis tristus pareis ca teneis su mortu in domu! ◊ l'apo acatau tristu chi mancu una note de iverru! 2. su ci leas a tristos leas a Cristos Tradutziones Frantzesu triste Ingresu sad Ispagnolu triste Italianu triste Tedescu traurig.

«« Torra a chircare