Legenda Incurtzaduras | Legenda Sìmbulos

bolàdiga , nf, nm: bolàntiga, bulàdiga, bulàdigu Definitzione arangixedhu arrúbiu, samucu de cogas, genia de matighedha a linna modhe, frutighedhu toscosu bonu fintzes po meighina Sinònimos e contràrios sambinzu Terminologia iscientìfica mt, Euonymus europeus Ètimu ltn. volaticus Tradutziones Frantzesu bonnet de prêtre, bonnet carré Ingresu priest cap Ispagnolu bonetero Italianu berrétta da prète Tedescu Pfaffenhütchen.

bonète, bonètu , nm: bonnete Definitzione genia de trastu de pònnere in conca, is ómines, a visiera crutza Sinònimos e contràrios cicia / cdh. bunetu Frases candho saludat si catzat su bonete ◊ comente est intradu a crésia si at catzadu su bonete Terminologia iscientìfica bst Tradutziones Frantzesu bonnet Ingresu cap, beret Ispagnolu gorro Italianu berrétto Tedescu Mütze.

cabbúsciu , nm: cambúciu 1, cambúsciu, cambussu Definitzione genia de bonetedhu o careta chi ammontat totu sa conca de su pipiu lassandho solu sa cara (ma dhu ponet fintzes gente manna); segundhu su costúmene, genia de careta po aguantare is pilos arregortos Sinònimos e contràrios cabiscione, cambussinu, careta / capiabi, iscafiotu Frases tocat a preparai is cambuscedhus, is pannitzus e is latzadas po su pipiu ◊ seu acabbendi su cambúciu po su pipiu ca est acanta a nàsciri 2. a fustei no dhi fidamu mancu su pisitu a cambúsciu! Terminologia iscientìfica bst Ètimu ctl. cambuix Tradutziones Frantzesu bonnet Ingresu little cap, bonnet Ispagnolu cofia Italianu cuffiétta Tedescu Häubchen.

capiàbi , nm: capiale, capiali Definitzione genia de careta, mescamente de pipios ma fintzes in costúmenes de fémina; parte de sa mola?; tira de pedhe de pegus de bulu chi si ponet in mesu tra s'ajone e sa crabiga; nau de unu, chi est tocau a conca, chi portat cerbedhera pagu giusta, chi est pagu sériu Sinònimos e contràrios cabbúsciu, careta / allabentinau, capiola, pretocau 2. capiale macu, ite ndhe as a ischire de ite cosa est zustu e ite dortu si fintzas oe duos ti ndhe as mortu e bogas lezes pro che los bochire! ◊ bellu capiali est, cussu!… 3. chi mi ndi andat su capiali ndi tussit cantu m'ispetat, e si mi apretat mi pagat po totu s'annu! Sambenados e Provèrbios smb: Capiali, Cappiali Ètimu itl. capo Tradutziones Frantzesu bonnet Ingresu bonnet Ispagnolu cofia Italianu cuffiétta Tedescu kleine Haube.

carèta , nf Definitzione cambuscedhu, genia de cugudhu de pònnere in conca, siat po pipiedhu siat po gente manna (costúmene, infermiera) Sinònimos e contràrios cabbúsciu, cabiscione, cambussinu / iscófia Maneras de nàrrere csn: prànghere in careta a unu = ?; no fidare su batu in careta = no dare fide Frases cantu linu pro telos e caretas l'at già filadu sa ruca de canna! ◊ s'infermiera no poniat mancu careta e sos pilos li pendhiant longos in palas 2. bi est su tantu de mi prànghere in careta! ◊ non ti tia fidare mancu su batu in careta, a tie! Sambenados e Provèrbios smb: Caretta Terminologia iscientìfica bst Ètimu ctl., spn. careta Tradutziones Frantzesu bonnet Ingresu cap Ispagnolu cofia Italianu cùffia Tedescu Kappe.

cicía , nf: gigia, tzitzia 2, zizia 2 Definitzione bonete cun sa visiera; genia de bonetedhu tundhu de pònnere in sa sedha de cúcuru: dhue ndh'at una calidade chi portat sa pubúntzula pendhendho Sinònimos e contràrios bonete, iscia, mitrola / cdh., ttrs. sciscia Frases si lis mustras un'àinu in cicia no distinghent sa conca de sa coa! ◊ a bortas bi amus síndhigu in cicia, a bortas síndhigu in capellu (Sassu) Terminologia iscientìfica bst Ètimu itl. cicìa Tradutziones Frantzesu bonnet, calotte Ingresu biretta Ispagnolu bonete con visera Italianu berrétta, papalina Tedescu Mütze, Barett.

cúfia , nf Definitzione genia de trastu chi si ponet po ammontare totu sa conca; aparíciu chi arricit calecunu singiale e chi si ponet in origas po ascurtare méngius Sinònimos e contràrios careta Terminologia iscientìfica bst Tradutziones Frantzesu coiffe, bonnet Ingresu cap, headphone Ispagnolu cofia Italianu cùffia Tedescu Mütze.

«« Torra a chircare