Ditzionàriu in línia
de sa limba e de sa cultura sarda

assúdu , agt: atzudu, atzuru, atzutu Definitzione nau de ccn., chi portat atza, chi si abbogat, foedhat e si faet intèndhere, chi no si lassat pònnere a daesegus Sinònimos e contràrios agudientziosu, agudígliu, atreviu, atzilosu, botosu, faciudu, improntiu, malacara, prontudu, segagaras, trempista / cdh. aciutu | ctr. bergungiosu, cocode, gosilànimu, timiditu Frases candu mi morru dèu ti as a intendi prus atzura! ◊ su prus atzutu e barrosu fit Pretedhu: no lassaiat perchiare a nessune, totu fit isse e totu ischiat fàchere isse! ◊ tia Pietrina, atzuda coment'est, nos passat s'iscóbulu in mutzighiles! ◊ sunt canes atzudos che liones Terminologia iscientìfica ntl Ètimu srd. Tradutziones Frantzesu audacieux, effronté Ingresu audacious, impudent Ispagnolu audaz Italianu audace, sfrontato Tedescu kühn, frech.

caricótu , agt, nm: carigotu Definitzione nau de ccn., chi no sentit bregúngia, chi portat face de sola / c. finidu = prontudu pérdiu, isbrigungiu spaciau Sinònimos e contràrios discaradu, facesola, frontudu, iscaressidu, ispudéssidu, murribistu, scundiu, sfaciu Frases cussu carigotu de Tzitzu istat die cun die cun cussos chi traighet (G.Ruju)◊ ses carigotu a pedire dinari a cudhu pro una betada de manu! ◊ pro una fasche de caricotos no podimus andhare a cara arta! ◊ su faularzu carigotu si bochit isse e faghet dannu a totugantos 2. sa carigota: innanti ndhe faedhat male, de sa zente, e posca lis faghet su bellu in cara! Terminologia iscientìfica ntl Ètimu srd. Tradutziones Frantzesu dévergondé, effronté Ingresu impudent Ispagnolu descarado, desvergonzado Italianu spudorato Tedescu schamlos.

carimànnu , agt, nm Definitzione face de sola, chi o chie no tenet bregúngia de nudha Sinònimos e contràrios caricotu, carietadu, facimannu, frontudu | ctr. bergungiosu Frases carimanna, si seru aeras tentu, ti fist assolada che murone pianghendhe su bene chi as perdidu! (M.Murenu)◊ carimannu, no at mai torrau su dinare chi dh'iant imprestau Terminologia iscientìfica ntl Ètimu srd. Tradutziones Frantzesu effronté Ingresu saucy Ispagnolu descarado, desvergonzado, sinvergüenza Italianu sfacciato Tedescu unverschämt.

discaràdu , pps, agt, nm Definitzione de discarare; chi o chie no sentit bregúngia, chi portat fàcia de sola Sinònimos e contràrios iscaratzadu / caricotu, carietadu, facesola, iscaradu, iscaressidu, ispradidu, malacara, murribistu, scundiu, sfaciu | ctr. bergungiosu, duritosu Ètimu spn. Tradutziones Frantzesu effronté Ingresu impudent Ispagnolu descarado Italianu sfacciato Tedescu frech, frecher Mensch, Frechling.

faciànu , agt Definitzione chi foedhat o faet is cosas a face manna, chentza bregúngia nudha; nau de fémina, chi est ibregungia, bagassa, chi improsat is ómines Sinònimos e contràrios faciàrgiu, facidortu, frontudu, sfaciu / carateri, crocoledhu, piberudu Frases facianus, teniat arrexoni Isaia candu, chistionendu de bosatrus, naràt: Custa genti mi onorat cun is làburas ma su coru insoru est aillargu de mei! (Ev)◊ cussu est facianu e provocheri Tradutziones Frantzesu effronté, séducteur, coquet Ingresu enticer, flirtaceous, impudent Ispagnolu descarado Italianu sfacciato, adescatóre, civettuòlo Tedescu frech, verführerisch, kokett.

faciúdu , agt: fatzudu, fatzutu Definitzione nau de ccn., chi portat face manna, chi est ifaciu, no sentit bregúngia Sinònimos e contràrios assudu, atzilosu, carimannu, facidostu, facimannu, ifaciu | ctr. bergungiosu, cocode, gavardu Frases prontu de paràulas e fatzutu, chene meta si pistichinzare li rispondhet ◊ no che at àtera faciuda chi ti potat superare, essindhe a ziru… nuda! ◊ faciudu irbirgonzadu! ◊ su faciudu campat Terminologia iscientìfica ntl Ètimu srd. Tradutziones Frantzesu dévergondé, effronté Ingresu insolent Ispagnolu insolente, descarado Italianu spudorato, sfacciato, strafottènte Tedescu frech.

frontúdu , agt Definitzione nau de ccn., chi no sentit bregúngia; chi istat a cara arta candho foedhat in cara de gente, chentza tímere Sinònimos e contràrios caricotu, carietadu, facianu, facimannu | ctr. bergungiosu, duritosu / coragiosu 2. custa pitzinna est frontuda e firma de coro Ètimu srd. Tradutziones Frantzesu effronté, dévergondé Ingresu brazen Ispagnolu descarado Italianu che tiene tèsta decisaménte, spudorato Tedescu standhaft, frech.

ifacíu , agt: ifatziu, irfatzidu, irfatziu, isfaciu, isfatzidu, isfatzitu, sfaciu Definitzione chi no sentit bregúngia, chi portat face de sola / fai a sa isfacia = chentza birgonza peruna, comente faghent sos irfatzidos Sinònimos e contràrios assudu, carietadu, caricotu, discaradu, facianu, faciudu, ifaciadu, improntiu, isciacibiu, malacara, trempista | ctr. bergungiosu, gavardu Frases custos pisedhos sunt isfatzidos e no timent nudha ◊ s'irfatzida l'avastat, si lu basat e li narat: So essida a ti topare 2. genti totu presumimentu, cussus bivint a sa isfacia! Ètimu srd. Tradutziones Frantzesu effronté Ingresu saucy Ispagnolu descarado Italianu sfacciato Tedescu frech.

ispudéssidu , agt, nm Definitzione nau de ccn., chi est (cunsiderau) fintzes púdidu de cantu est malu in su fàere e chentza bregúngia Sinònimos e contràrios discaradu, facesola, iscaressidu, sfaciu Frases ispudéssidos: cun su giudicu l'ant fatu che a Cristos in sa rughe! Ètimu srd. Tradutziones Frantzesu dévergondé, effronté Ingresu impudent Ispagnolu descarado Italianu spudorato Tedescu schamlos.

murribístu , agt, nm Definitzione chi o chie portat is murros pistaos, ma nau in cobertantza de chie no tenet bregúngia peruna e faet a face manna Sinònimos e contràrios agudientziosu, caricotu, discaradu, facesola, iscaressidu, scundiu, segagaras, sfaciu Ètimu srd. Tradutziones Frantzesu effronté Ingresu impudent (person) Ispagnolu descarado Italianu sfrontato Tedescu frech, Frechling.

prontúdu , agt Definitzione chi tenet prontu, atza meda, fintzes a tropu Sinònimos e contràrios assudu, acudiosu, agudígliu, atreviu, atzilosu, isprontiu, trempista Frases prontudu, dh'iat nau: - Marranu! ◊ su prontudu est unu chi no si atuldit e risponnet cun prontesa Terminologia iscientìfica ntl Ètimu srd. Tradutziones Frantzesu vif, effronté Ingresu lively, cheeky Ispagnolu osado, descarado Italianu vivace, sfacciato Tedescu lebhaft, frech, unverschämt.

sbragungíu , agt: ibregungiu, sbregungiu Definitzione nau de ccn., chi no sentit bregúngia nudha e chi po cussu faet fintzes cosas de ndhe dèpere tènnere bregúngia Sinònimos e contràrios abbirgonzadu, discaradu, ibregungidatzu, imbregungiu | ctr. bergungiosu, timiditu Frases spitzu de carroga si ndi tirit s'arrogu, sbragungius! ◊ in mesu a tanti genti ses istétiu sbregungiu Terminologia iscientìfica ntl Ètimu srd. Tradutziones Frantzesu effronté Ingresu impudent Ispagnolu descarado Italianu sfacciato Tedescu unverschämt.