Ditzionàriu in línia
de sa limba e de sa cultura sarda

aíru , nm Definizione su si airare, su fàere is cosas a s'airada, cun fortza, presse o passione meda Sinonimi e contrari arràbbiu, arrenigna, arrennegu, cardedha, febi, reghentia, sufúria / incanimentu Frasi s'airu de oe làssalu a cras! ◊ abbrandhade s'airu cun sa fua! ◊ no bi at gherras chi potant distrúere cantu s'airu de Deus ◊ airu est chi non tenes… si che ndhe aias bogadu aias fatu menzus! 2. lassade custu airu: a sa natura usàdeli rispetu! ◊ cantade sufochendhe s'airu de dogni gherra Etimo srd. Traduzioni Francese colère Inglese anger Spagnolo cólera, rabia, furia, ímpetu Italiano còllera, accaniménto, fóga, veemènza Tedesco Zorn, Wut, Ungestüm.

corína , nf Definizione su naturale de una persona de èssere de bonumore o inchigia, nau fintzes in sensu de coràgiu / èssere de mala corina = de uta mala Sinonimi e contrari índula, iscarpentu, uta / afuta, aragoni, arrenigna, arrennegu, bischiza, bústica, búzara, crocone, gormone, grema, mútria, stacu, studugu / cdh. curina Frasi zente de corina, sos Sardos! ◊ no ti est mancada sa corina de facher mòrrere un'ómine valente! Etimo itl. corina Traduzioni Francese tempérament, rage, colère Inglese anger Spagnolo temperamento, rabia Italiano temperaménto, ràbbia Tedesco Temperament, Wut.

furighèdha , nf, nm: furighedhu Definizione fúriga, genia de presse e pistighíngiu, disígiu mannu po calecuna cosa Sinonimi e contrari adhériu, afródhiu, apísciulu 1, bermegorru, férnia, franédiga, frischíngiu, furighíngiu, ischecherédhiu, pistighíngiu, pressighina, prispodhi, schinitzu, spurtiòciu Frasi chi t'ingrànciat su cuadhu ca ti passat su furighedhu est berus! ◊ immoi chi est béciu dhi benint totu custas furighedhas?! ◊ no ti pighit sa furighedha: abarra abbellu ca no est acomenti bollis tui! ◊ bai ca gei ndi tenis una de furighedha de biri s'isposu!… Traduzioni Francese impatience, désir ardent Inglese frenzy, impatience Spagnolo frenesí Italiano frenesía, impaziènza Tedesco Wut, Sucht, Ungeduld.

furighíngiu , nm Sinonimi e contrari afródhiu, franética, frischíngiu, furighedha Frasi balla ca su furighíngiu dhi est passau! ◊ teneus furighíngiu de si ndi andai Etimo srd. Traduzioni Francese énervement, agitation Inglese longing Spagnolo inquietud, desasosiego Italiano smània Tedesco Ungeduld, Wut, Sucht, Begierde.

ifuriónzu , nm Definizione genia de airu, de arrennegu, su si pigare arrennegu meda Sinonimi e contrari airu, arràbbiu, arrennegu, sufúria Traduzioni Francese fureur Inglese fury Spagnolo furor Italiano furóre Tedesco Wut.

incaniméntu , nm Sinonimi e contrari airu Frasi apu isperimentau s'incanimentu de sa perda, lisu fintzas a fundu de arréxini, pertuntu e ispratziu ◊ cudhos si fint girados a lu abbaidare, ispantados dae tantu incanimentu (M.Danese) Etimo srd. Traduzioni Francese acharnement Inglese fury Spagnolo ensañamiento Italiano accaniménto Tedesco Wut.

nechidàde , nf Definizione su èssere primmau, inchietu, nechidau Sinonimi e contrari alteriu, annicadura, arrennegu, nechidonzu | ctr. allegria, cuntentesa, prégiu Frasi pro si tòdhere sa nechidade cust'ómine pesat una boche e si la cantat ◊ no podies fughire a sa nechidade de Deus! ◊ apo passau mementos de nechidade e de arrebbentu Etimo srd. Traduzioni Francese colère Inglese anger Spagnolo cólera Italiano còllera Tedesco Ärger, Wut, Zorn.

nechidónzu , nm Definizione su si nechidare, su èssere nechidaos Sinonimi e contrari alteriu, annicadura, arrennegu, nechidade | ctr. cuntentesa, prégiu Etimo srd. Traduzioni Francese colère Inglese anger Spagnolo cólera, rabia Italiano còllera, ira Tedesco Ärger, Wut, Zorn.

sufúria , nf, nm: sufúrriu Definizione genia de airu, de arrennegu, de presse Sinonimi e contrari arràbbiu, arrennegu / furighedha Frasi prus chin sufúria lu picat e prus chin amore lu lassat Traduzioni Francese fureur, hâte Inglese fury Spagnolo furia, furor Italiano fùria Tedesco Wut.