Ditzionàriu in línia
de sa limba e de sa cultura sarda

aggrunciàre , vrb Definizione fàere a unu túturu, a unu lómboru Sinonimi e contrari acarrongiai, afrascillonai, aggraminzonare, ammaugionai, arruntzai, atripitzare, frongire, granculai, iscrafangiai, pizigonare | ctr. istirai Frasi est una búglia o est beru custu meu malu abbizu? Si mi aggrúnciat limba e chizu candho ndh'intendho su seru! (I.Virdis) Traduzioni Francese se contracter Inglese to get wrinkled, to shrink Spagnolo contraerse, encogerse, arrugar Italiano contrarsi, spiegazzare Tedesco zusammenschrumpfen, schlecht zusammenfalten.

aggruncipídu , pps, agt Definizione de aggruncipire; chi est totu a tzirbisas, a pinnigas Sinonimi e contrari afrinzighidu, apijighedhadu, atripuntzidu / cdh. aggruciupitu Traduzioni Francese rugueux Inglese wrinkled Spagnolo arrugado Italiano rugóso Tedesco runzelig.

artanàu , pps, agt Definizione de artanare; chi est igragalau, atzirbisonau de s'asciutore, segundhu ite fintzes bremigosu Sinonimi e contrari acalabiau, allacanau | ctr. friscu 2. est artanau che figumurisca Traduzioni Francese flétri Inglese wrinkled Spagnolo marchito, ajado Italiano avvizzito Tedesco verwelkt.

atripuntzídu , agt Definizione atribuntzidu, chi est totu a tzirbisas, nau mescamente de orrobba Sinonimi e contrari afrinzighidu, aggruncipidu, apijighedhadu, fronziu, tripodhadu Frasi zughet sa cara atripuntzida Etimo srd. Traduzioni Francese rugueux, ridé Inglese wrinkled Spagnolo arrugado Italiano rugóso Tedesco faltig.

crispàdu , pps, agt Definizione de crispare; nau de unu, chi si est mesu oféndhiu Sinonimi e contrari ingruciupidu, trapudhadu / ammurrionadu, primmau Traduzioni Francese froncé, ridé Inglese wrinkled Spagnolo arrugado Italiano increspato, grinzóso Tedesco gekräuselt, faltig.

críspu , agt: grispu Definizione nau de una cosa a su chi paret passandhodhi sa manu in pitzu, chi arreschet unu pagu, arrasigat, chi no est lisa o bene dereta; nau de su mòvere, o de su fàere, chi est lestru, cun fortza Sinonimi e contrari arraspinosu, arraspiosu, faratzosu, rafiganzosu, raspitzu / càdriu, chíbbalu, chídrinu, intrusciadu, lestru | ctr. lísiu / acalamau, lenu Modi di dire csn: dàrendhe una crispa una lena = donaindi una frida e una callenti, fai una cosa chi dispraxit e una chi praxit, una mala e una bona, una lègia e una bella; fai passu c. = cràdiu, lestru, andhare coitendhe; bentu crispu = forte; furru c. = budhiu, fogosu meda; isfrigatzare a crispu = a forte; boghe crispa = arta, forte; learesila a crispa = arrennegaisí, pigaisidha, ofendirisí, pigaisí disprexeri; leàrela crispa = leare carchi cosa in prenu; èssere a crispu (nadu de carchi cosa) = a meda, carcu Frasi sas manos distinghiant su modhe dae su tostu, su lutu dae sa preta, su crispu dae su lisu (M.Pira)◊ portas is manus crispas 2. si su forru est crispu, po coi bèni su pani si ghetat linna frisca po abbrandai sa tèmpera ◊ su càule a upu faghet a botza crispa ◊ s'àinu si ghindheit crispu e che lu iscudeit a marcas in altu 3. mi ndhe at dadu una crispa e una lena chirchendhe in rimas sa manera digna de mustrare satírica sa vena (P.Giudice Marras) 4. no ti la lees a crispa pro cussa imputassione, tantu chie at pasta faghet pane! ◊ no ti la lees a crispa si su sótziu andhat male: cadhu de cumone, narat su ditzu, ne sedha e ne crabistu (G.Ruju) 5. l'apo leada crispa, sa munza, chirchendhe unu fiadu! ◊ mi at leadu crispa sa frebba, no podia mancu ingullire 6. sos montes sunt carrarzados de àrvures a crispu ◊ no si bidiat a duos prammos, gai crispu fuit frocandhe! Cognomi e Proverbi smb: Crispu Etimo ltn. crispus Traduzioni Francese crêpé, rêche, hérissé, accéléré, intense Inglese wrinkled, intense, bristly, quick Spagnolo crespo, intenso, rápido Italiano créspo, rùvido, ìspido, accelerato, intènso Tedesco kraus, rauh, schnell, stark.

crispúdu , agt Definizione nau de orrobba, de pedhe, chi est a tzirbisas, a pinnigas; nau de unu, chi est arrennegau, arrennegosu, físchidu Sinonimi e contrari arritzonidu, grisposu, ingruciupidu, strugnu Etimo srd. Traduzioni Francese ridé, bourru Inglese grumpy, wrinkled Spagnolo arrugado, rugoso, huraño Italiano grinzóso, bùrbero Tedesco runzelig, mürrisch.

fronzíu , pps, agt, nm: frungiu, frunziu Definizione de fronzire, frungiri; chi est totu aprighizonadu, a tzirbisas; trebballu fatu a ricamu, totu a pieghedhas Sinonimi e contrari afrangillonau, afrinzighidu, apistigionau, aprichizonadu, aprigadu, atripuntzidu, corrongiau, frintziconadu, ingruciupidu | ctr. istiradu, pranciau 2. cumparit una fémina bècia, totu frungia ◊ su piscadori portat sa pedhi arrecota de su soli e totu frunzia ◊ cussa tzia zuchet sa cara totu fronzida ◊ pagu bella… est frungia che figu sicara! Traduzioni Francese froissé, rugueux Inglese creased, wrinkled Spagnolo arrugado Italiano sgualcito, rugóso Tedesco zerknittert, gerunzelt.

grógicu , agt Definizione nau de pedhe, chi si est intostada; nau de unu, chi no si lassat dominare deasi fàcile fàcile Traduzioni Francese parcheminé Inglese wrinkled with age Spagnolo acartonado Italiano incartapecorito Tedesco verschrumpelt.

incrispídu , pps, agt Definizione de incrispire; chi est totu incrispas, a tzirbisas Sinonimi e contrari acarrongiau, aprigadu, atavellau, frunziu, ingruciupidu, ingrispau / cdh. incrispitu 2. sa betzighedha fit ingruciupida, sica, incrispidedha (P.Casu)◊ sas caras incrispidas de dolore faghent lagrimare finas sas predas Traduzioni Francese ridé, froncé Inglese wrinkled Spagnolo fruncido Italiano increspato, raggrinzito Tedesco gekräuselt.