Ditzionàriu in línia
de sa limba e de sa cultura sarda

bacínu , nm, nf: bascinu, bassinu, batzina, batzinu Definizione su sannori, nau in cobertantza: genia de istrégiu po dhue fàere de bisóngiu; si narat fintzes de bodheta, foedhos o cosas de maleducaos Sinonimi e contrari orinale, orineri, seglieta, vitillu / bassinada Frasi prus la móricas, sa batzina, e prus putit! ◊ batzinones chi leant una carra dogni note ndhe prenant chimbe e ses! ◊ in momentos de apretu teniant su bacinu suta de su letu ◊ su bascinu si allogàt in su comodinu 2. buca de luru citirí, chi no bengu a innòi po intèndiri bassinus! Cognomi e Proverbi smb: Bassinu Terminologia scientifica stz Etimo spn. bacín Traduzioni Francese pot de chambre, jules Inglese pot (chamber) Spagnolo orinal Italiano pitale Tedesco Nachttopf, Nachtgeschirr.

coceròni , nm: cociarone, cocienoni, cocioroni, cuceroni, cuciarone, cuciaroni, cutzarone, cutzerone Definizione terudha tupada, po umprire cosa mescamente de brodu; una genia de pigione chi portat su bicu a bisura de cullera / èssere semper in mesu che cutzerone in patedha = sempri fichiu in dónnia cosa Sinonimi e contrari terudha / bicàngia Frasi móricat sos gurugliones chin su cutzerone ◊ in su cugudhu de sa tzeminera, unu filu frimau de parti a parti cun duas tàcias apompiàt crobetoris, coceronis e turras istampadas Terminologia scientifica ans, pzn Traduzioni Francese louche, cuillère à pot Inglese ladle, duck Spagnolo cucharón Italiano méstolo, cucchiaióne, ànatra mestolóne Tedesco Suppenlöffel, Löffelente.

coculía , nf, nm: cuculia, cuculiu, cugulia Definizione genia de istrégiu a duas asas, a costas artas, a buca larga, po còere cosa mescamente cun abba; cosa tundha a punta, a bisura de cugudhu / min. cuculiedha = su pertusu Sinonimi e contrari padedha, pignada Frasi a chie iscontzat custa comaria, sa cara nighedha che a sa cuculia! ◊ at postu sa peta in sa canistedha e su brodu in d-una cuculia 2. custu poveritu che l'amus tirau de sa cuculia pro che lu ghetare a sa bràsia… 3. sos pitzinnos leant una tzíchera, la prenant de ludu, covecant e faghent una cugulia ◊ in cussa cugulia de monte bi depet àere mortógliu, b'at àbbiles e bentúglios bentulendhe Terminologia scientifica stz Etimo ltn. coculum Traduzioni Francese petite marmite, petit pot Inglese small saucepan Spagnolo olla Italiano pentolino, pignattina Tedesco Kochtöpfchen.

imbotàre , vrb: impotai Definizione pònnere in is botos sa cosa de chistire Etimo ctl. empotar Traduzioni Francese mettre dans un pot Inglese to pot Spagnolo envasar Italiano méttere in vaso, in baràttolo Tedesco in ein Gefäß tun.

mórica , nf, nm: moriga, móriga, mórigu 1, múrica, múriga, múrigu Definizione màniga de linna intrada in d-una mesa luna de linna etotu, lada (paret una marra), po murigare su cagiau faendho su casu, o po ndhe bogare sa farra de su lacu de sa mola: sa móriga de is maistos de muru est de ferru, unu pagu acancarronada e a màniga meda prus longa e grussa e s'imperat po fàere s'impastu (pruschetotu de crachina), cussa de su pastore podet portare sa parte chi s'intrat a su cagiau totu a puntas (serbit solu po murigare, faendho su casu) Sinonimi e contrari búlia 1, muricadore, pilisa, tiravarra Frasi su pastore giagat su late e daghi morit l'isfiorit chin sa múriga ◊ po fai sa farra serbint su sedatzadori, su sedatzu, sa móriga, is turras Terminologia scientifica ans Etimo srd. Traduzioni Francese cuillère à pot Inglese stirrer Spagnolo cucharón Italiano mestatóio Tedesco Rührlöffel.

padezòne , nf, nm: padizona, padizone, parigioni Definizione padedha pitica / min. parigionedhu Sinonimi e contrari padedhutza, pingiadedhu, pingiorighedhu Frasi gai est s'ou dae tempus antigu: unu andhat in frisciolu o padezone, s'àteru est in tres chidas… pudhighinu! Etimo ltn. *patellione(m) ? Traduzioni Francese petite marmite, petit pot Inglese little pan Spagnolo cazo, ollita Italiano pentolino, pignattina Tedesco Töpfchen.

seglièta , nf: sibieta, siglieta, silieta, sillieta Definizione genia de istrégiu de terra a duas asas po fàere de bisóngiu Sinonimi e contrari bacinu, orinale, orineri Frasi promissas a muntonis, a su mentris chi sa monumentali sillieta si pongat a ispartzinai su fragu ◊ fiat apatau in sa sillieta ◊ nosu a custu dhi naraus su sannori, su cavalleri, su bassinu, sa sibieta… Eh, casi ca no est privilegiau, po nòminis!…(R.Fresia) Terminologia scientifica stz Etimo spn. silleta Traduzioni Francese pot de chambre Inglese chamber pot Spagnolo bacín, orinal Italiano vaso da nòtte Tedesco Nachttopf.

téstu , nm Definizione prus che àteru, istrégiu de terra po prantare calecunu frore (ma fintzes genia de sartàina po orrostire castàngia); fundhu de erba Sinonimi e contrari brasieri, cochecastanza / paltera Frasi si fuat acostiada una fémina cun d-unu testu de ollu profumau ◊ pro fàghere che babbu tou, fiore e testu destruia! ◊ dhui at unu testu de gravellus ◊ est unu testu de mairana totu ispistorau ◊ testu modhi de nènniri ◊ píganne su testu ca coghimus castanza! 2. su testu de s'afàbbica dh'apu postu in d-unu bòtu de liàuna Etimo ltn. testu Traduzioni Francese pot Inglese vase, pot Spagnolo tiesto, maceta Italiano vaso Tedesco Vase.

trobiòla, trobiólu , nf, nm Definizione terudhone de linna po umprire sa farra de impastare; fintzes ortigu a bisura de lacu a pònnere cosa Sinonimi e contrari sàssula, trobia / bagione 2. s'ispidu puntat a su trobiolu: su crabitu arrustidu intro ch'est rutu Terminologia scientifica ans Etimo srd. Traduzioni Francese cuillère à pot, louche Inglese large spoon Spagnolo cucharón Italiano cucchiaióne Tedesco Schöpflöffel.