Ditzionàriu in línia
de sa limba e de sa cultura sarda

bacínu , nm, nf: bascinu, bassinu, batzina, batzinu Definizione su sannori, nau in cobertantza: genia de istrégiu po dhue fàere de bisóngiu; si narat fintzes de bodheta, foedhos o cosas de maleducaos Sinonimi e contrari orinale, orineri, seglieta, vitillu / bassinada Frasi prus la móricas, sa batzina, e prus putit! ◊ batzinones chi leant una carra dogni note ndhe prenant chimbe e ses! ◊ in momentos de apretu teniant su bacinu suta de su letu ◊ su bascinu si allogàt in su comodinu 2. buca de luru citirí, chi no bengu a innòi po intèndiri bassinus! Cognomi e Proverbi smb: Bassinu Terminologia scientifica stz Etimo spn. bacín Traduzioni Francese pot de chambre, jules Inglese pot (chamber) Spagnolo orinal Italiano pitale Tedesco Nachttopf, Nachtgeschirr.

ciuculatèra , nf: tziculatera Definizione istregighedhu po fàere su ciculatu, ma mescamente cussu po fàere su cafei Sinonimi e contrari cafetera Terminologia scientifica stz Etimo itl. Traduzioni Francese chocolatière Inglese chocolate pot Spagnolo cafetera Italiano cioccolatièra Tedesco Schokoladenkanne.

crigiólu , nm: crisolu, grigiolu Definizione genia de istrégiu chi aguantat calore forte meda po iscagiare metallos Frasi sos chi amat refinat Deus solu che oro a tota proa in su crisolu ◊ postu in su fogu e sortu in su crisolu ndh'essit piús perfetu Etimo ctl., spn. cresol, crisol Traduzioni Francese creuset Inglese melting pot, crucible Spagnolo crisol Italiano crogiòlo Tedesco Schmelztiegel.

imbaltzài, imbaltzàre , vrb: imbartzare 1, imbratzare Definizione pònnere in sa bartza, nau mescamente de sa crachina rude chi si ammesturat cun s’abba po dha pòdere impreare po impastu o àteru; pònnere a modhe in abba in bartza o fintzes in paule / i. sos pes de sa robba = fai passai is brebeis in sa bàrcia cun sa mexina po dhas curai de su mali a is peis Sinonimi e contrari imputare 2, impogiare Etimo srd. Traduzioni Francese empoter Inglese to pot Spagnolo poner en un pilón Italiano invasare Tedesco in ein Gefäß tun.

imbotàre , vrb: impotai Definizione pònnere in is botos sa cosa de chistire Etimo ctl. empotar Traduzioni Francese mettre dans un pot Inglese to pot Spagnolo envasar Italiano méttere in vaso, in baràttolo Tedesco in ein Gefäß tun.

pagiólu, pagióru , nm: pajolu, pazolu, paxolu Definizione genia de padedha de arràmene, larga e a costaos artos; istrégiu de maistos de muru, a costaos artos, prus largu in oros, a un'asa che is carcidas, po pigare impastu trebballandho; parte de una nave ue si ponet su càrrigu Sinonimi e contrari cardarella, pingiaolu Frasi tandho budhias che líscia in su pagiolu!…◊ su pajolu a fora zuchiat unu pódhiche de titibedhu ◊ bufaias a bruncu in sa piscina, bufaias su binu a pagiolu 2. is dotoris mi ant passau de manu in manu coment'e una gofa de barita o unu pajolu de cracina! Cognomi e Proverbi smb: Paggiolu Terminologia scientifica stz Etimo itl. Traduzioni Francese chaudron, chaudière Inglese pot Spagnolo perol, caldero Italiano paiòlo, calderèlla Tedesco Kessel.

piberèra , nf: pibirera Definizione istugighedhu chi si ponet cun píbere a pruine, cun su tapu totu a istampighedhos po lassare calare su píbere a ispergiadura; sa conca o nughe de su prupu Etimo srd. Traduzioni Francese poivrière Inglese pepper pot Spagnolo pimentero Italiano pepaiòla Tedesco Pfefferbüchse, Pfeffermühle.

seglièta , nf: sibieta, siglieta, silieta, sillieta Definizione genia de istrégiu de terra a duas asas po fàere de bisóngiu Sinonimi e contrari bacinu, orinale, orineri Frasi promissas a muntonis, a su mentris chi sa monumentali sillieta si pongat a ispartzinai su fragu ◊ fiat apatau in sa sillieta ◊ nosu a custu dhi naraus su sannori, su cavalleri, su bassinu, sa sibieta… Eh, casi ca no est privilegiau, po nòminis!…(R.Fresia) Terminologia scientifica stz Etimo spn. silleta Traduzioni Francese pot de chambre Inglese chamber pot Spagnolo bacín, orinal Italiano vaso da nòtte Tedesco Nachttopf.

sicía 1 , nf Definizione frore de cada mese, erba de frore, sicia móssia Sinonimi e contrari bellore, concuda 4, pudibudi Terminologia scientifica rba, calendula officinalis Traduzioni Francese souci (bot.) Inglese pot marigold Spagnolo caléndula Italiano fiorràncio, calèndola Tedesco Ringelblume.

téstu , nm Definizione prus che àteru, istrégiu de terra po prantare calecunu frore (ma fintzes genia de sartàina po orrostire castàngia); fundhu de erba Sinonimi e contrari brasieri, cochecastanza / paltera Frasi si fuat acostiada una fémina cun d-unu testu de ollu profumau ◊ pro fàghere che babbu tou, fiore e testu destruia! ◊ dhui at unu testu de gravellus ◊ est unu testu de mairana totu ispistorau ◊ testu modhi de nènniri ◊ píganne su testu ca coghimus castanza! 2. su testu de s'afàbbica dh'apu postu in d-unu bòtu de liàuna Etimo ltn. testu Traduzioni Francese pot Inglese vase, pot Spagnolo tiesto, maceta Italiano vaso Tedesco Vase.